Archive for the ‘குடமுழுக்கு’ Category

கோவில்குத்தகை, வாடகைபாக்கி: திராவிடக்கொள்ளை தொடர்கிறதா?

ஒக்ரோபர்7, 2012

கோவில்குத்தகை, வாடகைபாக்கி: திராவிடக்கொள்ளை தொடர்கிறதா?

திராவிடக்கொள்ளைதொடர்வதுஏன்? பகுத்தறிவு-நாத்திகப் போர்வையில் தமிழர்களை “திராவிடர்களாக்கி”, இந்திய விரோதிகளாக்கி, இந்து விரோதிகளாக்கி, மற்ற இந்திய மொழி பேசும் மக்களுடனும் பிரச்சினையைக் கிளப்பி, அண்டை மாநிலங்களுடன் சண்டை போட்டுக் கொண்டு, “தெற்கு தேய்கிறது” என்று சொல்லி, இவர்களே நன்றாகத் தேய்த்து, கோடிகளில் சுருட்டிவிட்டு, மற்ற மாநிலங்களை விட பிற்படுத்தச் செய்தது தான் இவர்கள் ஆண்ட லட்சணம். அந்நிலையில் கோவில்களைக் கொள்ளையடித்ததில் இவர்கள் மாலிக்காபூர், ஔரங்கசீப் போன்றவர்களையும் மிஞ்சி விட்டனர்[1]. அவர்கள் மதவெறியால், கொள்ளையடித்ததை, இவர்கள் துவேஷத்தால், சட்டத்தை வளைத்து, விதிகளை மீறி, அதிகாரம் மூலம் கொள்ளையடித்து வருகின்றனர். “கருணாநிதி-ஜெயலலிதா” ஒன்றும் “திராவிட-ஆரிய” சின்னங்கள் அல்ல. திமுக-அதிமுகவும் அது போலத்தான். திராவிடப் பாரம்பரிய அரசியலில் ஊறிப் போனவர்களுக்கு, நெற்றியில் குங்குமம்-விபூதி-சந்தனம் வைத்துக் கொண்டாலும், வைத்துக் கொள்ளாவிட்டாலும், கொள்ளையடிப்பதில் ஒன்றும் சளைத்தவர்கள் இல்லை. ஐந்தாண்டுகளுக்கு ஒருமுறை ஆட்சித்தலைமை மாறினாலும், நடப்புகள், செயல்கள், முடிவுகள் எல்லாம் ஒரே மாதிரியாகத்தான் இருந்துள்ளன[2]. ஜெயலலிதா ஆட்சியில் கொஞ்சம் குறைந்துள்ளது எனலாம் அல்லது அவ்வாறு தோற்றமளிக்கலாம்[3].

 

இந்து அறநிலையத் துறையே கோவில் சொத்துக்களை விற்று மோசடி செய்து வந்த விவரங்களை கீழ் கண்ட கட்டுரைகளில் விவரித்துள்ளேன்:

எண்

தலைப்பு

இணைத்தள விவரம்

Tenants of mutt and temple lands seek ownership rights: The TN Government scam to grab the Temple lands (27-08-2008) http://vedaprakash.indiainteracts.in/2008/08/27/tenants-of-mutt-and-temple-lands-seek-ownership-rights-the-tn-government-scam-to-grab-the-temple-lands/
1 Tenants of mutt and temple lands seek ownership rights: The TN Government scam to grab the Temple lands (02-09-2008)) http://dravidianatheism.wordpress.com/2008/09/02/tenants-of-mutt-and-temple-lands-seek-ownership-rights-the-tn-government-scam-to-grab-the-temple-lands/
2 பல கட்டுரைகள் (குறிப்பாக கீழ்கண்டவை கொடுக்கப் பட்டுள்ளன) https://atheismtemples.wordpress.com
3 நாத்திக ஆட்சியாளர்களும், கோவில் நிர்வாகமும் https://atheismtemples.wordpress.com/2009/09/18/atheist-rulers-temple-administration/
4 இந்து அறநிலையத்துறைக்குப் பிறகுகுடிசைமாற்றுவாரியம் மூலம் கோவில் நிலங்களைஆக்கிரமிக்க முயலும் நாத்திக அரசு! https://atheismtemples.wordpress.com/2010/09/10/atheist-rulers-encroach-temple-lands-through-slum-clearance-board/
5 ரூ.5,000/- கோடி மதிப்புள்ள சிவன் கோயில்நிலம்ஆக்கிரமிப்புவிவகாரம்ரோசையா– கருணாநிதி சமரசம்! https://atheismtemples.wordpress.com/2010/08/09/%E0%AE%B0%E0%AF%82-5000-crores-valued-siva-temple-encroached-in-taamilnadu-belonging-to-andhrapradesh/
6 செஞ்சி கோவில் வழக்கு: இந்துக்களும்,கிருந்துவர்களும் தெரிந்து கொள்ள வேண்டியவைஎன்ன? https://atheismtemples.wordpress.com/2011/08/20/gingee-kothandaramar-temple-liberated-from-the-christians/
7 செஞ்சி கோவில் வழக்கு (2): இந்துக்களும்,கிருந்துவர்களும் தெரிந்து கொள்ள வேண்டியவைஎன்ன? https://atheismtemples.wordpress.com/2011/08/21/gingee-temple-liberated-duties-of-hindus/

முறைகேடாககுத்தகைக்குவிடப்பட்டகோவில்நிலங்கள்கையகப்படுத்தப்படும்[4]என்று அறிவித்தால் மட்டும் போதுமா, பாரபட்சம் இல்லாமல் நடவடிக்கை எடுக்கப்பட வேண்டுமே? இனி ஆளுங்கட்சியினர் பிரமிப்பை ஏற்படுத்தி, சில காரியங்களைச் செய்யலாம். ஆனால், பிறகு, ஊறிப்போன கோவில்-திருட்டுத் திராவிடம் பழையபடி, கமிஷன் வாங்கிக்கொண்டு வேலைக்கு இறங்கி விடும்.

அப்துல்லாவிற்கும்அகஸ்தீஸ்வரர்கோவிலுக்கும்என்னசம்பந்தம்?: அகஸ்தீஸ்வரர் கோவிலுக்கு அகஸ்திஸ்வரர் கோவிலுக்கு அதிகமாக அப்துல்லா என்பவர்[5] 32 லட்சம் பாக்கி வைத்துள்ளாறாம்! கலீல் உர் ரஹ்மான் 10 லட்சம் பாக்கியாம்! அதெப்படி இப்படி முஸ்லீம்கள் கோவில் சொத்தை அனுபவிக்க முடிகிறது? இந்த அழகில் இவர்கள் கோர்ட்டுக்கு வேறு போகிறார்கள். இந்துக்களை இன்னும் இழிவு பேசிவரும் முஸ்லீம்கள் இருக்கும் போது, முஸ்லீம்கள் இவ்வாறு கோவில் சொத்தைக் கொள்ளையடிக்கும் தொழிலை விடவேண்டும். இல்லையெனில் இவர்களை இக்கால ஔரங்கசீப்புகள் என்றுதான் சொல்ல வேண்டியிருக்கும். தங்கள் கடவுள் தான் ஒசத்தி என்று தம்படாம் அடித்துக் கொள்ளும் இவர்களுக்கு இப்படி கோவில் சொத்தைக் கொள்ளையடிப்பதில் வெட்கம்கூடபடாமல், பெருமைப்பட்டுக் கொள்கிறார்கள் எனும்போது, இதுவும் ஜிஹாதின் ஒருவழியாகப் பின்பற்றுகிறார்களோ என்று எண்ணத்தோன்றுகிறது.

சென்னமல்லீஸ்வரர் கோவிலில் வாடகை பாக்கி 90 லட்சம் ரூபாய்[6]: சென்னமல்லீஸ்வரர் கோவிலுக்குச் சொந்தமான இடங்களில் வசிப்போர், தர வேண்டிய வாடகை பாக்கித் தொகை 90 லட்சம் ரூபாயை எட்டியுள்ளது. இதையடுத்து, பாக்கி வைத்திருப்போர் பெயர் அடங்கிய அறிவிப்பு பலகை கோவிலில் வைக்கப்பட்டுள்ளது. பாரிமுனை தேவராஜ முதலி தெருவில் உள்ளது பிரசித்திப்பெற்ற சென்ன மல்லீஸ்வரர் மற்றும் கேசவப் பெருமாள் கோவில். இக்கோவிலுக்கு சொந்தமான கட்டடங்களாக, 8 காணி 21 கிரவுண்ட் 1,323 சதுர அடி இடம் (1 காணி – 1.25 ஏக்கர்) உள்ளது. இதன் மொத்தப் பரப்பளவு ஐந்து லட்சம் சதுர அடி. அதே போல் மனைகளாக, ஐந்து காணி 3 கிரவுண்ட் 599 சதுர அடி இடம் உள்ளது. இதன் பரப்பளவு 4 லட்சம் சதுர அடி. 2001ம் ஆண்டு கணக்கெடுப்பின் படி, இக்கோவிலுக்கு வாடகை பாக்கியாக 90 லட்ச ரூபாய் வரவேண்டியுள்ளது. இந்து சமய அறநிலையத் துறை நிர்வாகத்தில் உள்ள பல கோவில்களில் வாடகை பாக்கி தற்போது “ஜரூராக” வசூல் செய்யப்படுவதை[7] அடுத்து, சென்னமல்லீஸ்வரர் கோவிலில் கட்டடங்களில் வசிப்போரில் அதிகபட்சமாக பாக்கி வைத்தவர்களில், முதல் பதினைந்து பேர்களின் பெயர்கள் மற்றும் பாக்கித் தொகை அடங்கிய அறிவிப்பு பலகை கோவில் வாசலில் வைக்கப்பட்டுள்ளது. இதன் எதிரொலியாக, ஐவர் பாக்கித் தொகையை செலுத்தியுள்ளனர். விரைவில் மனை பிரிவில் தங்கியுள்ளவர்கள் குறித்து நடவடிக்கை எடுக்கப்படவுள்ளதாக கோவில் நிர்வாகம் தெரிவித்துள்ளது. இந்த நிலங்களின் மதிப்பு பல கோடி ரூபாயை தாண்டும் எனவும் நிர்வாகம் கூறியுள்ளது.

கபாலீஸ்வரர் கோவிலுக்குச் சொந்தமான, 180 கோடி ரூபாய் மதிப்பிலான, 30 “கிரவுண்ட்’: சென்னை, மயிலாப்பூர், கற்பகாம்பாள் உடனுறை கபாலீஸ்வரர் கோவிலுக்குச் சொந்தமான, 180 கோடி ரூபாய் மதிப்பிலான, 30 “கிரவுண்ட்’ இடத்தை மீட்க வேண்டும் என, பக்தர்கள் கோரிக்கை வைத்துள்ளனர். மயிலாப்பூர், கற்பகாம்பாள் உடனுறை கபாலீஸ்வரர் கோவி லுக்குச் சொந்தமாக சென்னை நகரின் பல்வேறு இடங்களில் சொத்துக்கள் உள்ளன. இவற்றில், பெரும்பாலானவை குத்தகை அடிப்படையில் தனியார் மற்றும் தொண்டு நிறுவனங்களுக்கு வாடகைக்கு விடப்பட்டுள்ளன. பல சொத்துக்கள், தனியாரின் பிடியில் சிக்கியுள்ளன. இந்நிலையில், புதிதாக பொறுப்பேற்றுள்ள கோவில் நிர்வாகம், கோவில் சொத்துக்களை மீட்கும் பணியில் இறங்கியுள்ளது. பல கோடி ரூபாய் மதிப்பிலான சொத்துக்கள், கடந்த மூன்று மாதங்களில் மீட்கப்பட்டுள்ளன.இந்த வகையில், தனியார் பள்ளியின் கட்டுப்பாட்டில் உள்ள, 30 “கிரவுண்ட்’ இடத்தையும் மீட்க வேண்டும் என, பக்தர்கள் கோரிக்கை வைத்துள்ளனர். இது குறித்து பக்தர் ஒருவர் கூறியதாவது: மயிலாப்பூர், வெங்கடேச அக்ரஹாரம் தெருவில், 76 “கிரவுண்ட்’ சொத்து, கோவிலுக்குச் சொந்தமாக உள்ளது. இது, அங்குள்ள தனியார் பள்ளியின் விளையாட்டுத் திடலாக பயன்படுத்தப்படுகிறது. இதற்காக, குறைந்த தொகை, குத்தகை கட்டணமாக மாதந்தோறும் கொடுக்கப்படுகிறது. இதில், 30 “கிரவுண்ட்’ நிலத்தை, பள்ளியின், இணைப்பு பள்ளிக்கு குத்தகைக்கு வழங்க, முடிவு செய்யப்பட்டது. ஆனால், பல்வேறு காரணங்களால், குத்தகை இடம் வழங்கப்படவில்லை.மொத்தம் உள்ள, 76 “கிரவுண்ட்’ இடத்தில், 46 “கிரவுண்ட்’ இடம், கோர்ட் விசாரணையில் உள்ளது. மீதம் உள்ள, 30 “கிரவுண்ட்’ இடத்தை கோவிலுக்கு ஒப்படைக்க, தனியார் பள்ளி நிர்வாகம் சம்மதித்தது. ஆனால், இதுவரை ஒப்படைக்கவில்லை. தொடர்ந்து, தனியார் பள்ளி வசத்திலேயே இடம் உள்ளது. இந்த இடத்தை மீட்டு, கோவில் சொத்தை பாதுகாக்க வேண்டும். இவ்வாறு, அந்த பக்தர் கூறினார். இது குறித்து கோவில் நிர்வாகத்திடம் கேட்டபோது, அவர்கள் கூறியதாவது:மொத்தம் உள்ள, 76 “கிரவுண்ட்’ இடத்தில், 30 “கிரவுண்ட்’ இடத்தை கோவிலுக்கு ஒப்படைப்பதாக பள்ளி நிர்வாகம், 1996ம் ஆண்டு, கடிதம் அளித்தது. 2005ம் ஆண்டு, ஒப்படைப்பு உறுதி செய்யப்பட்டது. குத்தகை நீட்டிப்பு செய்யப்படாத நிலையில், மீதம் உள்ள, 46 “கிரவுண்ட்’ இடத்திற்கு நஷ்ட ஈடாக, மாதம், 1,250 ரூபாயை பள்ளி செலுத்தி வருகிறது. தற்போதைய நிலவரப்படி, குறிப்பிட்ட இடத்திற்கு மாதம், ஐந்து லட்சம் ரூபாய் வாடகையாகச் செலுத்த வேண்டும் என்பது குறிப்பிடத்தக்கது. கோவிலுக்கு ஒப்படைப்பதாகக் கூறப்பட்ட, 30 “கிரவுண்ட்’ இடத்தைக் கையகப்படுத்த, நிர்வாகம் முடிவு செய்துள்ளது. இது குறித்த சட்ட நிபுணர்களின் கருத்துரு கேட்டபோது, “கோவில் இடத்தை, கோவில் நிர்வாகம் எடுத்து, மதில் சுவர் கட்டுவதில் சட்ட ரீதியான தடை ஏதும் இல்லை’ என்று கருத்து கூறப்பட்டுள்ளது. மொத்தம் உள்ள, 76 “கிரவுண்ட்’ இடத்தின் தற்போதைய சந்தை மதிப்பு, 456 கோடி ரூபாய். கோவிலுக்கு ஒப்படைக்கப்படுவதாகக் கூறப்பட்ட நிலத்தின் மதிப்பு, 180 கோடி ரூபாய். இவ்வாறு கோவில் நிர்வாகத்தின் சார்பில் தெரிவிக்கப்பட்டது.

456 கோடி ரூபாய் மதிப்புள்ள நிலத்தை ஆக்கிரமித்துள்ளது ஏன் – எப்படி?: கபாலீஸ்வரர் கோவிலுக்குச் சொந்தமான, 76 “கிரவுண்ட்’ இடம், தனியார் பள்ளிக்கு குத்தகைக்கு விடப்பட்டிருந்தது; குத்தகை, 1976ம் ஆண்டோடு முடிந்துவிட்டது; இருப்பினும், கோவில் இடத்தை, பள்ளி நிர்வாகம் தொடர்ந்து பயன்படுத்தி வருகிறது. 1994ம் ஆண்டில், குறிப்பிட்ட தனியார் பள்ளியின், இணைப்பு பள்ளியில் நடந்த விழாவில், முதல்வர் ஜெயலலிதா கலந்து கொண்டார்.அப்போது, தங்களின் இணைப்பு பள்ளிக்கு விளையாட்டுத் திடல் இல்லை என்றும், அதற்கான இடத்தைக் கொடுத்து உதவ வேண்டும் என்றும் கோரிக்கை வைக்கப்பட்டது. அப்போது, “கபாலீஸ்வரர் கோவிலுக்குச் சொந்தமான இடம், விளையாட்டுத் திடலுக்காக வழங்கப்படும்’ என்று முதல்வர் அறிவித்தார். இதையடுத்து, 1995ம் ஆண்டு, தனியார் பள்ளியின் அனுபவத்தில் இருந்த, 76 “கிரவுண்ட்’ இடத்தில் இருந்து, 30 “கிரவுண்ட்’ இடத்தை, இணைப்பு பள்ளிக்கு, குத்தகை அடிப்படையில் ஒதுக்கி, இந்து அறநிலையத் துறை ஆணையர் அலுவலகத்தில் இருந்து உத்தரவிடப்பட்டது. ஆனால், குறிப்பிட்ட இடத்திற்குச் செல்ல வழி இல்லை என்ற காரணத்தால், இணைப்பு பள்ளி நிர்வாகம், 30 “கிரவுண்ட்’ நிலத்தை ஏற்றுக் கொள்ளவில்லை. இதைஅடுத்து, “இடத்தைப் பெற்றுக் கொள்ள இணைப்பு பள்ளி நிர்வாகம் முன்வரவில்லை’ என, அறநிலையத் துறை பதிவேட்டில், பதிவு செய்யப்பட்டது.இந்நிலையில், தனியார் பள்ளியின் பொறுப்பில் மீதம் உள்ள, 46 “கிரவுண்ட்’ இடத்தையும் திரும்ப எடுக்க, கோவில் நிர்வாகம் முயற்சி எடுத்தது. இது குறித்த வழக்கில், கோவில் நிர்வாகத்திற்கு பாதமாக தீர்ப்பு வந்த நிலையில், மேல்முறையீடு செய்யப்பட்டுள்ளது.

கோவில் தக்கார்கள் எப்படி வேலை செய்கிறார்கள்?: பி. விஜயகுமார் ரெட்டி என்பவர் கபாலீஸ்வரர் கோவிலுக்குச் சொந்தமான நிலங்களை மீட்டு வருவதோடு, பாக்கியைச் செல்லுத்தாவிட்டால், காலிசெய்யுமாறு நோட்டீஸையும் கொடுத்துள்ளார்[8]. இவர் மீட்டுள்ள சொத்தின் மதிப்பு ரூ.230 கோடிகளுக்கு மேல் என்கிறார்[9]. இதேபோல மற்ற தக்கார்கள் ஏன் வேலை செய்வதில்லை? குறிப்பாக மேஎலேயுள்ள நிலத்தை ஏன் விட்டு வைத்தார்? கோர்ட் கேஸ் என்று சொல்லிவிடுவார், ஆனால், அது நியாயம் அல்லவே? திருமூலர் சொன்னதை, இந்துக்களும் மறக்கலாமோ? பிறகு, நாத்திகர்களுக்கும் இவர்களுக்கும் என்ன வித்தியாசம்?

திருத்தணியில் வரி பாக்கி செலுத்தாத நகராட்சி கடைகளுக்கு ‘சீல்’: கமிஷனர் அதிரடி நடவடிக்கை[10]: திருத்தணி நகராட்சிக்கு சொந்தமான 7 கடைகள் பஸ் நிலையம், சன்னதி தெருவில் உள்ளன. இதனை அதே பகுதியை சேர்ந்த தீனதயாளன், வெங்கடேசன், முருகேச ரெட்டி, ஜான்மனுவேல் கடந்த 15 ஆண்டுகளாக குத்தகை அடிப்படையில் நடத்தி வந்தனர்.  இதில் 6 கடைகளுக்கு அவர்கள் முறையாக வரி செலுத்தவில்லை. இதனால் ரூ.6 லட்சம் வரை நகராட்சிக்கு வரிபாக்கி ஏற்பட்டது. இதுகுறித்து பலமுறை நகராட்சி அதிகாரிகள் நோட்டீஸ் அனுப்பியும் வரிபாக்கியை செலுத்தாமல் அவர்கள் தொடர்ந்து கடை நடத்தி வந்தனர்.  இந்த நிலையில் நகராட்சி கமிஷனர் பாலசுப்பிரமணியம், என்ஜினீயர் சண்முகம், சுகாதார அதிகாரி லட்சுமி கணேசன், தலைமை எழுத்தர் அமராவதி பொன்மணி, பொதுப்பணி மேற்பார்வையாளர் வெங்கடேசன் மற்றும் அதிகாரிகள் வரிபாக்கி செலுத்தாத 6 கடைகளுக்கும் சென்று விசாரணை நடத்தினர்.  அதிரடியாக அவர்கள் 6 கடைகளுக்கும், சீல் வைத்தனர். இதனால் திருத்தணி பகுதியில் பரபரப்பு ஏற்பட்டது. இதுகுறித்து கமிஷனர் பாலசுப்பிரமணியம் கூறும்போது, 2011-12ம் ஆண்டு மட்டும் நகராட்சிக்கு ரூ.60 லட்சம் வரை வரிபாக்கி உள்ளது. வரிசெலுத்தாத தனியார் நிறுவனங்கள் மீதும் இந்த அதிரடி நடவடிக்கை தொடரும் என்றார். ஆனால், கோவில் குத்தகை, வாடகை பாக்கி என்றால் அதிகாரிகள் “சட்டப்படி நடவடிக்கை எடுத்து” அமைதி காத்துக் கொண்டிருப்பார்கள் போலும், அப்படியென்றால் திராவிடக் கொள்ளை தொடர்கிறதா?

நிர்வாக சீர்கேட்டால் ரூ.20 லட்சம் குத்தகை பணம் பாக்கி; கடும் நடவடிக்கை எடுக்க கவுன்சிலர்கள் வலியுறுத்தல்[11]: புதிய கட்சிகள் அதிகாரத்திற்கு வந்தாலும், பழைய புத்தி போகாது போலும்.திருவத்திபுரம் நகராட்சியில் நிர்வாக சீர்கேட்டால் 1 வருடங்களாக ரூ.20 லட்சம் குத்தகை பணம் வசூல் செய்யாமல் பாக்கியாக உள்ளது. கடும் நடவடிக்கை எடுக்க வேண்டும் என கவுன்சிலர்கள் வலியுறுத்தி உள்ளனர். திருவண்ணாமலை மாவட்டம் செய்யாறு டவுன் திருவத்திபுரம் நகராட்சியில் நகர மன்ற கூட்டம் நடந்தது. கூட்டத்திற்கு நகர மன்ற தலைவர் ஏ.என்.சம்பத் தலைமை தாங்கினார். ஆணையாளர் உசேன் பாரூக் மன்னர், துப்பரவு அலுவலர் பாஸ்கர், துப்பரவு ஆய்வாளர் மதனராசன் ஆகியோர் முன்னிலை வகித்தனர். கவுன்சிலர்கள் லோகநாதன், விஸ்வநாதன், எம்.எஸ்.செல்வ பாண்டியன், எல்.வி. நடேசன் உள்ளிட்ட பலரும் கலந்து கொண்டனர்.

திருவத்திபுரம் நகராட்சி கூட்டத்தில் நடந்த விவாதம் பின்வருமாறு:- பி.லோகநாதன் – தமிழகத்தில் 3 முறையாக ஜெயலலிதாவை முதல்வராக்கிய தமிழக மக்களுக்கு நன்றி தெரிவித்து மன்றத்தில் தீர்மானம் நிறைவேற்றிட வேண்டும்.

இல.ஆனந்தன்- தே.மு.தி.க வேட்பாளர்கள் அதிக இடங்களில் வெற்றி பெறசெய்து விஜயகாந்தை எதிர்கட்சி தலைவராக்கிய தமிழக வாக்காளர்களுக்கு நன்றியை தெரிவித்துகொள்கிறேன்.

லோகநாதன்- சுகாதார பிரிவுக்கு 2011- 2012 ஆண்டிற்கு சுண்ணாம்பு நீருக்கு 3 லட்சம் தேவையா? கடந்த ஆண்டு 2 லட்சத்திற்கும் குறைவாக வாங்கியுள்ளீர்கள்.

சம்பத்(தலைவர்)-ஆடு அறுக்கும் தொட்டி குத்தகை பணம் ரூ.1 லட்சத்து 15 ஆயிரம் பாக்கியுள்ளது என்ன நடவடிக்கை எடுத்துள்ளீர்கள்.

ஆணையாளர்- குத்தகை பாக்கி வசூல் செய்ய நடவடிக்கை எடுத்து வருகிறேன்.

விஸ்வநாதன்-பஸ் நிலையத்தில் உள்ள கட்டண கழிப்பிட குத்தகை ரூ.5 லட்சத்து 66 ஆயிரம் பாக்கி உள்ளது ஏன் நகராட்சி நிர்வாகம் வசூல் செய்யவில்லை.

பி.லோகநாதன்-வார சந்தை குத்தகை ரூ. 7லட்சத்து 14 ஆயிரம் கடந்த 2009 ஆண்டு முதல் நிலுவையில் ஏன் வசூல் செய்யவில்லை.

சம்பத்(தலைவர்)- குத்தகை வசூல் செய்யாமல் ரூ.20 லட்சம் பாக்கியாக உள்ளது. இதற்கு காரணம் நிர்வாக சீர்கேடு தான்.

பச்சையப்பன் – இதற்கு காரணமான அதிகாரிகள் அனைவரும் மீது நடவடிக்கை எடுக்க வேண்டும்.

செல்வபாண்டியன்- பேருந்து நிலைய நுழைவு கட்டண குத்தகை ரூ.6 லட்சத்து 82 ஆயிரம் 500 குத்தகை வசூலில் பாக்கி உள்ளது என்ன நிர்வாகம் நடக்கிறது.

ஆணையாளர்- துறை அலுவலர் மீது விசாரணை நடத்தி வருகிறேன். அதில் முறைகேடு கண்டுபிடித்தால் கடும் நடவடிக்கை எடுக்கபடும்.

சம்பத் (தலைவர்) -குத்தகை பணம் செலுத்தவில்லை என்றால் மறு டெண்டர் விட்டு விட்டு குத்தகை பாக்கி வசூல் செய்ய நடவடிக்கை எடுக்க வேண்டும். இவ்வாறு விவாதம் நடந்தது. ஆக, இப்படி பேசிக்கொண்டிருப்பார்கள் போலும். திருத்தணி நகராட்சி கமிஷனெர் போல, இங்குள்ள கமிஷனர் ஒன்றும் செய்யமாட்டார் போலும்.

ஊட்டியில் கோவில் சொத்துகளை அனுபவிப்பவர்கள்: 14 லட்சம் ரூபாய் வரை குத்தகை மற்றும் வாடகை பாக்கி வைத்துள்ளனர்.  ஊட்டி மாரியம்மன் கோவில், அதன் கட்டுப்பாட்டில் லோயர் பஜார் சுப்ரமணியசாமி, இரட்டை பிள்ளையார் கோவில்கள் உள்ளன. தவிர, ஆஞ்சநேயர், எல்க்ஹில் பாலதண்டாயுதபாணி, வேணுகோபால் சுவாமி, மூவுலகரசியம்மன் கோவில்களும் இந்து சமய அறநிலைய துறை கட்டுப்பாட்டில் உள்ளன. மாரியம்மன் கோவிலுக்கு சொந்தமான எட்டு நிரந்தர, 3 தற்காலி கடைகள் குத்தகை, வாடகை அடிப்படையில் தனியாருக்கு விடப்பட்டுள்ளன.நிரந்தர கடைகள் மூலம் ஆண்டுக்கு 3 லட்சத்து 79 ஆயிரத்து 334 ரூபாய், தற்காலிக கடைகள் மூலம் 34 ஆயிரத்து 460 ரூபாய் வருமானம் ஈட்டப்படுகிறது. பிற கோவில்களுக்கு சொந்தமான கடை, வீடு, நிலங்கள் மூலமும் ஆண்டுக்கு சில லட்சம் ரூபாய் வருவாய் கிடைக்கிறது.

வாடகை பாக்கி: மாரியம்மன் கோவிலுக்கு சொந்தமான நிரந்தர கடைகளை அனுபவித்து வருவோர் 3 லட்சத்து 15 ஆயிரத்து 390 ரூபாய், தற்காலிக கடைக்காரர்கள் 35 ஆயிரத்து 300 ரூபாய் வாடகை பாக்கி வைத்துள்ளனர். ஆஞ்சநேயர் கோவிலுக்கு சொந்தமான கடைகளை நடத்துவோர் 6 லட்சத்து 66 ஆயிரத்து 407 ரூபாய், வேணுகோபால் சுவாமி கோவிலுக்கு சொந்தமான கடைகளை நடத்துவோர் 2 லட்சத்து 5 ஆயிரத்து 82 ரூபாய், காந்தல் சுப்ரமணியர் கோவிலுக்கு சொந்தமான வீடுகளில் வசிப்போர் 64 ஆயிரத்து 124 ரூபாய் வாடகை பாக்கி வைத்துள்ளனர்.

காந்தல் மூவுலகரசியம்மன் கோவில் நில குத்தகைதாரர் 6 ஆயிரத்து780 ரூபாய், வீடுகளில் வசிப்போர் 1 லட்சத்து 17 ஆயிரத்து 173 ரூபாய் பாக்கி வைத்துள்ள நிலையில், கோவில் கஜானாவுக்கு செல்ல வேண்டிய 14லட்சத்து 10 ஆயிரத்து 256 ரூபாய் நிலுவையில் உள்ளது.

அரசாணையில்சலுகை 33.33லிருந்து 15%, கிட்டத்தட்ட 20% குறைப்பு[12]: கோவில்களுக்கு சொந்தமான வீடு, கடை, நிலத்தின் வாடகை, குத்தகை தொகையை மூன்றாண்டுக்கு ஒரு முறை 33.3 சதவீதம் உயர்வு செய்யப்பட்டு வந்தது; வாடகை உயர்வை குறைக்க வேண்டும் என்ற மாநிலம் முழுவதிலும் உள்ள கோவில் நிலங்களை அனுபவித்து வந்த குத்தகை, வாடகைதாரர்களின் கோரிக்கையை ஏற்று மாநில அரசு, மூன்றாண்டுக்கு ஒரு முறை 15 சதவீதம் வாடகை உயர்வு செய்து அரசாணை பிறப்பித்தது. இந்த உத்தரவு ஊட்டியில் அமலுக்கு வரவில்லை எனக் கூறப்படுகிறது.

இந்து முன்னணிக்குத்தான் இவ்விவரங்கள் தெரியும் போலும்: கோவை, நீலகிரி மாவட்ட இந்து முன்னணி அமைப்பாளர் செல்வகுமார், மாவட்ட கலெக்டருக்கு அனுப்பியுள்ள மனுவில், கூறியுள்ளதாவது:மாநில இந்து சமய நலத்துறை குறிப்பிட்டுள்ள வாடகை, குத்தகை தொகை ஊட்டியில் வசூலிக்கப்படுவதில்லை; இதுதொடர்பான, அரசாணை தங்களுக்கு வரவில்லை, என ஊட்டி மாரியம்மன் கோவில் செயல் அலுவலர் கூறி வருகிறார். அரசாணை வெளியிடப்பட்டு நான்கரை ஆண்டுகள் கடந்துவிட்ட நிலையிலும், ஊட்டியில் மட்டும் இந்த அரசாணை கிடைக்கவில்லை, எனக் கூறி அரசின் சட்டத்தை பின்பற்ற காலம் தாழ்த்தும் அதிகாரி மீது நடவடிக்கை எடுக்க வேண்டும். தவிர, கோவில்களுக்கு சொந்தமான நிலம், வீடு, கடைகளை அனுபவித்து வருபவர்கள் பாக்கி வைத்துள்ள வாடகை, குத்தகை தொகையை உடனடியாக வசூலிக்க நடவடிக்கை எடுக்க வேண்டும். இவ்வாறு செல்வகுமார் கூறியுள்ளார்.

ஆட்சி மாறினாலும், கதை தொடகிறது போலும்: தமிழகத்தில், இந்து சமய அறநிலையத் துறை கட்டுப்பாட்டில், 36,451 கோவில்கள் உள்ளன. புனித மடங்கள், 56 உள்ளன. கோவிலுடன் இணைந்த மடங்கள், 57 உள்ளன. ஜெயின் கோவில்கள், 17 உள்ளன. கோவிலுக்குச் சொந்தமான, 1,83,669 ஏக்கர் விளை நிலம், 2,18,226 ஏக்கர் தரிசு நிலம், 20,746 ஏக்கர் மானாவாரி நிலம் உள்ளது. இந்நிலங்கள், குறைந்த தொகைக்கு குத்தகைக்கு விடப்பட்டுள்ளன. பெரும்பாலான நிலம், ஆக்கிரமிப்பாளர்களிடம் சிக்கியுள்ளன. கோவில் நிலத்தை குத்தகைக்கு எடுத்தவர்கள், முறையாக, கோவிலுக்கு வாடகை செலுத்துவதில்லை. இதனால், கோவிலுக்கு வரும் வருமானம் பாதிக்கப்படுகிறது. கோவிலில் வளர்ச்சிப் பணிகள் மேற்கொள்வது சிரமமாக உள்ளது. வாடகையை வசூலிக்க கோவில் நிர்வாகம், நடவடிக்கை எடுத்தால், சிலர் நீதிமன்றத்திற்கு சென்றுவிடுகின்றனர். சிலர் ஆளுங்கட்சியினர் உதவியை நாடுகின்றனர். இதனால், வாடகை வசூலிப்பது குதிரைக் கொம்பாக உள்ளது. ஆண்டுகணக்கில் வாடகை செலுத்தாமல், பல லட்சம் ரூபாய் பாக்கி வைத்திருப்பவர்களில் பெரும்பாலானோர் முக்கியப் பிரமுகர்களாக உள்ளனர். அவர்களிடமிருந்து வாடகை வசூலிப்பதற்காக, அதிக பாக்கி வைத்திருப்போரின் பெயர், அவர் செலுத்த வேண்டிய தொகை போன்ற விவரங்களை, கோவில் தகவல் பலகையில் எழுதி வைக்கும்படி, செயல் அலுவலர்களுக்கு அறநிலையத் துறை உயர் அதிகாரிகள் உத்தரவிட்டுள்ளனர். தகவல் பலகையில் பெயர் இடம்பெற்று, பக்தர்களிடம் அசிங்கப்படுவதை தவிர்க்க, பாக்கித் தொகையை செலுத்துவர் என, இந்து சமய அறநிலையத் துறை அதிகாரிகள் நம்புகின்றனர்.

அண்ணா பிறந்த காஞ்சிபுரம் வழிகாட்டுகிறது: காஞ்சிபுரத்தில் கோவிலுக்குச் சொந்தமான நிலம் மற்றும் கட்டடத்தை அனுபவித்துக் கொண்டு, லட்சக்கணக்கில் பாக்கி வைத்துள்ளவர்கள் விவரங்களை, கோவில் தகவல் பலகையில் எழுதி வைக்கத் துவங்கி உள்ளனர். குமரக்கோட்டம் சுப்பிரமணிய சுவாமி கோவிலில், இருவருடைய பெயர் இடம் பெற்றுள்ளது. காங்கிரஸ் பிரமுகரான அரங்கநாதன், 19.61 லட்சம் ரூபாய் கடன் பாக்கி வைத்துள்ளார். நாராயணன், 3.12 லட்சம் ரூபாய் பாக்கி வைத்துள்ளார்[13]. இதேபோல், தமிழகம் முழுவதும் உள்ள பெரிய கோவில்களில், அறிவிப்புப் பலகைகளில் பெயர்களை எழுதி வைக்க, அறநிலையத் துறை உத்தரவிட்டுள்ளது. இவ்வாறு, பாக்கி வைத்திருப்போர் பெயர்களை வெளியிடுவது, பக்தர்களிடையே வரவேற்பை பெற்றுள்ளது. பெயர் பலகையில் வெறும் பெயரை மட்டும் எழுதாமல், அவர்கள் என்னப் பதவியில் உள்ளனர், எந்த பொறுப்பில் உள்ளனர் என்ற விவரத்தையும் எழுதி வைத்தால், பாக்கி விரைவாக வசூலாக வாய்ப்புண்டு. காஞ்சிபுரம் மாவட்டத்தில், கோவில்களுக்கு, வாடகை பாக்கி வைத்திருப்போர் பெயர் பட்டியல் வெளியிடும் பணி தொடர்ந்து நடந்து வருகிறது. கோவில்களுக்கு ஐந்து லட்சம் ரூபாய்க்கு மேல், பாக்கி வைத்திருப்போர் பெயர் மற்றும் முகவரியை, கோவில் அறிவிப்பு பலகையில் வெளியிடும்படி, கோவில் செயல் அலுவலர்களுக்கு, உயர் அதிகாரிகள் உத்தரவிட்டு உள்ளனர். அதன்படி காஞ்சிபுரம் குமரகோட்டம் சுப்பிரமணிய சுவாமி கோவிலில், பாக்கி வைத்திருப்போர் பெயர் பட்டியல் வெளியிடப்பட்டது. அதைத் தொடர்ந்து பிற கோவில்களிலும், வாடகை பாக்கி வைத்திருப்போர் பட்டியலை வெளியிடும் பணி நடந்து வருகிறது. காஞ்சிபுரம் கச்சபேஸ்வரர்கோவில், வைகுண்ட பெருமாள் கோவில், பிள்ளையார்பாளையம் மகாஆனந்த ருத்ரேஸ்வரர் கோவில், அறம்வளத்தீஸ்வரர் கோவில், ஆகியவற்றில் வாடகை பாக்கி வைத்திருப்போர் பெயர் பட்டியல் வெளியிடப்பட்டுள்ளது[14].

திருப்போரூர் என்ன சளைத்ததா?: திராவிடர் பாதை எல்லா ஊரிலும் பின்பற்றத்தான் செய்வார்கள். கோவில் இல்லாத ஊரில் குடியிருக்க வேண்டாம் என்று தமிழன் சொன்னது அக்காலத்தில், இன்றோ, ஒரு கோவிலையும் கொள்ளையடிகாமல் இருக்கவேண்டாம் என்று திராவிடர்கள் செயல்பட்டு வருகின்றனர். கந்தசுவாமி கோவில் நிர்வாகம், கோவிலுக்கு மனை வரி, நிலம் குத்தகை, கட்டட வாடகை, என பாக்கி வைத்துள்ளவர்கள் பெயர் மற்றும் அவர்கள் செலுத்த வேண்டிய தொகை விவரம் அச்சிடப்பட்ட விளம்பரப் பதாகையை, கோவில் அலுவலகம் முன் வைத்துள்ளது.

கோவில்களில் உள்ள கடைகளை அகற்ற வேண்டும்: ராமகோபாலன்[15]: தரிசன கட்டணத்தை ரத்து செய்வதுடன் கோவில்களில் உள்ள கடைகளை அகற்ற வேண்டும் என இந்து முன்னணி நிறுவன தலைவர் கூறியுள்ளார். விநாயகர் சதுர்த்தியை முன்னிட்டு மதுரை விளக்குத்தூண் பகுதியில் இருந்து விநாயகர் சிலை நேற்று ஊர்வலமாக எடுத்து செல்லப்பட்டு வைகை ஆற்றில் கரைக்கப்பட்டது. இந்நிகழ்ச்சியில் இந்து முன்னணி நிறுவன தலைவர் ராமகோபாலன் கலந்து கொண்டு பேசினார். அப்போது அவர், “’கோவில்களில் சுவாமி தரிசனத்துக்கு கட்டணம் வசூலிப்பது தமிழகத்தில் தான் நடக்கிறது. கேரளா மற்றும் வடமாநில கோவில்களில் இப்படி கட்டணம் வசூலிப்பது கிடையாது. காசு கொடுத்து சாமியை பார்க்க சாமி காட்சி பொருள் அல்ல. எனவே தரிசன கட்டணத்தை அரசு ரத்து செய்ய வேண்டும். மேலும் கோவில்களில் உள்ள கடைகள் அனைத்தையும் அரசு அகற்ற நடவடிக்கை எடுக்க வேண்டும். தமிழ்நாட்டில் உள்ள கோவில்களுக்கு குத்தகை பாக்கி ரூ.200 கோடி வரை உள்ளது. இவற்றை இந்து அறநிலையத்துறை முறையாக வசூல் செய்ய நடவடிக்கை எடுக்க வேண்டும். மேலும் பாக்கி தொகையை வசூலிக்க அரசு அவசர சட்டத்தை உடனே நிறைவேற்ற வேண்டும். இல்லை என்றால் கோவில் களை பாதுகாக்க ஓய்வு பெற்ற நீதிபதிகள் போலீஸ் அதிகாரிகள், துறவிகள், இந்து அமைப்பை சேர்ந்த நிர்வாகிகள் அடங்கிய ஒரு குழு அமைத்து அவர்களிடம் ஒப்படைக்க வேண்டும்’’என்று பேசினார்.

வேதபிரகாஷ்

07-10-2012


[5] தினமலர், அக்டோபர் 6, 2012. சென்னைப் பதிப்பு.

[6] தினமலர், ஆகஸ்ட் 14,2012, http://www.dinamalar.com/district_detail.asp?id=529267

[7] இதிலென்ன “ஜரூராக” வசூல் செய்வது என்று தெரியவில்லை. கோவிலுக்கு பாக்கி செல்லுத்தாமல் இருப்பவர்கள் இந்துக்கள் என்றாலும் அவர்கள் இந்து மதத்தின் விரோதிகள் என்றுதான் ஆகிறார்கள். அவர்கள் நவீன கால இரண்யகசிபுகள் எனலாம். அனவே அவர்கள் பெருமைப்பட்டுக் கொள்வதில் ஒன்றும் விஷயமில்லை, மாறாக வெட்கப்பட்டு, கூனிக்குருக வேண்டும். நாத்திகர்கள் என்றோ, ககுத்தறிவுவாதிகள் என்றோ கூட சொல்லிக்கொள்ளமுடியாது, அப்படி செய்தால், அவர்கள் இந்து துரோகிகளைவிட மோசமானவர்கள் எனலாம்.

[9] “We have recovered a little more than 46 grounds from encroachers after starting our drive in March (2012). The property recovered is worth more than Rs 230 crore,” says P. Vijaykumar Reddy, the temple takkar (trustee).

[13] தினமலர், பதிவு செய்த நாள் : செப்டம்பர் 29,2012,23:46 IST; மாற்றம் செய்த நாள் : அக்டோபர் 01,2012,05:16 IST

http://www.dinamalar.com/News_Detail.asp?Id=557027

[14] தினமலர், அக்டோபர் 05,2012, http://www.dinamalar.com/News_Detail.asp?Id=560259

 

கோவில் நிலங்களை இனி விற்பதில்லை: இந்து அறநிலையத்துறை முடிவு!

நவம்பர்12, 2011

கோவில் நிலங்களை இனி விற்பதில்லை:  இந்து அறநிலையத்துறை முடிவு!

பகுத்தறிவு-நாத்திகப் போர்வையில் தமிழர்களை “திராவிடர்களாக்கி”[1], இந்திய விரோதிகளாக்கி[2], இந்து விரோதிகளாக்கி[3], மற்ற இந்திய மொழி பேசும் மக்களுடனும் பிரச்சினையைக் கிளப்பி[4], அண்டை மாநிலங்களுடன் சண்டை போட்டுக் கொண்டு[5], “தெற்கு தேய்கிறது” என்று சொல்லி, இவர்களே நன்றாகத் தேய்த்து, கோடிகளில் சுருட்டிவிட்டு[6], மற்ற மாநிலங்களை விட பிற்படுத்தச் செய்தது தான் இவர்கள் ஆண்ட லட்சணம். அந்நிலையில் கோவில்களைக் கொள்ளையடித்ததில் இவர்கள் மாலிக்காபூர், ஔரங்கசீப் போன்றவர்களையும் மிஞ்சி விட்டனர். அவர்கள் மதவெறியால், கொள்ளையடித்ததை, இவர்கள் துவேஷத்தால், சட்டத்தை வளைத்து, விதிகளை மீறி, அதிகாரம் மூலம் கொள்ளையடித்து வருகின்றனர். “கருணாநிதி-ஜெயலலிதா” ஒன்றும் “திராவிட-ஆரிய” சின்னங்கள் அல்ல. திமுக-அதிமுகவும் அது போலத்தான். திராவிடப் பாரம்பரிய அரசியலில் ஊறிப் போனவர்களுக்கு, நெற்றியில் குங்குமம்-விபூதி-சந்தனம் வைத்துக் கொண்டாலும், வைத்துக் கொள்ளாவிட்டாலும், கொள்ளையடிப்பதில் ஒன்றும் சளைத்தவர்கள் இல்லை. ஐந்தாண்டுகளுக்கு ஒருமுறை ஆட்சித்தலைமை மாறினாலும், நடப்புகள், செயல்கள், முடிவுகள் எல்லாம் ஒரே மாதிரியாகத்தான் இருந்துள்ளன. ஜெயலலிதா ஆட்சியில் கொஞ்சம் குறைந்துள்ளது எனலாம் அல்லது அவ்வாறு தோற்றமளிக்கலாம்.

இந்து அறநிலையத் துறையே கோவில் சொத்துக்களை விற்று மோசடி செய்து வந்த விவரங்களை கீழ் கண்ட கட்டுரைகளில் விவரித்துள்ளேன்:

எண்

தலைப்பு

இணைத்தள விவரம்

Tenants of mutt and temple lands seek ownership rights: The TN Government scam to grab the Temple lands (27-08-2008)  http://vedaprakash.indiainteracts.in/2008/08/27/tenants-of-mutt-and-temple-lands-seek-ownership-rights-the-tn-government-scam-to-grab-the-temple-lands/
1 Tenants of mutt and temple lands seek ownership rights: The TN Government scam to grab the Temple lands (02-09-2008))  http://dravidianatheism.wordpress.com/2008/09/02/tenants-of-mutt-and-temple-lands-seek-ownership-rights-the-tn-government-scam-to-grab-the-temple-lands/
2 பல கட்டுரைகள் (குறிப்பாக கீழ்கண்டவை கொடுக்கப் பட்டுள்ளன) https://atheismtemples.wordpress.com 
3 நாத்திக ஆட்சியாளர்களும், கோவில் நிர்வாகமும் https://atheismtemples.wordpress.com/2009/09/18/atheist-rulers-temple-administration/ 
4 இந்து அறநிலையத்துறைக்குப் பிறகு குடிசைமாற்றுவாரியம் மூலம் கோவில் நிலங்களை ஆக்கிரமிக்க முயலும் நாத்திக அரசு! https://atheismtemples.wordpress.com/2010/09/10/atheist-rulers-encroach-temple-lands-through-slum-clearance-board/
5 ரூ.5,000/- கோடி மதிப்புள்ள சிவன் கோயில்நிலம் ஆக்கிரமிப்புவிவகாரம்: ரோசையா கருணாநிதி சமரசம்! https://atheismtemples.wordpress.com/2010/08/09/%E0%AE%B0%E0%AF%82-5000-crores-valued-siva-temple-encroached-in-taamilnadu-belonging-to-andhrapradesh/
6 செஞ்சி கோவில் வழக்கு: இந்துக்களும், கிருந்துவர்களும் தெரிந்து கொள்ள வேண்டியவை என்ன? https://atheismtemples.wordpress.com/2011/08/20/gingee-kothandaramar-temple-liberated-from-the-christians/
7 செஞ்சி கோவில் வழக்கு (2): இந்துக்களும், கிருந்துவர்களும் தெரிந்து கொள்ள வேண்டியவை என்ன? https://atheismtemples.wordpress.com/2011/08/21/gingee-temple-liberated-duties-of-hindus/

இந்து சமய அறநிலையத் துறை எடுத்துள்ள முடிவு[7]: கோவில் சொத்துக்களை, குடியிருப்போருக்கு விற்பது, ஓர் ஆபத்தான முயற்சியாகவே கருதப்படுகிறது. எனவே,

தினமலர் 12-11-2011 தேதியிட்ட நாளிதழில் வெளியாகியுள்ள இக்கட்டுரையில் (சென்னைப் பதிப்பு, பக்கம்.2) இவ்வாறு செய்தி இருந்தாலும், ஏற்கெனவே விற்றது, விற்றதுதான் என்றாகிறது. அதனையும் சட்டரீதியாக அரசு மீகவேண்டும். கோவில் நிலத்தை அடாவடியாக வாங்கியவர்கள் நிச்சயமாக ஏழைகள் அல்லர். ஆகவே, சிவன் சொத்தை அவர்கள் தாராளமாக திருப்பிக் கொடுத்து கைலாசத்திற்குச் செல்ல தயாராக இருக்கலாம்.

இனி, கோவில் நிலங்களை விற்பதில்லை என, இந்து சமய அறநிலையத் துறை, அதிரடி முடிவை எடுத்துள்ளது. கோவில் நிலத்தை விற்பனை செய்யலாமா, கூடாதா என முடிவு செய்யும் அதிகாரத்தை, அறநிலையத் துறைச் சட்டம், 1959ன் பிரிவு 34, அத்துறை ஆணையருக்கு அளிக்கிறது. அந்த விற்பனையும், கோவிலின் நலன் கருதி, மிக மிக அவசியமாகக் கருதப்பட்டால் மட்டுமே, மேற்கொள்ளப்பட வேண்டும் எனக் கூறப்பட்டுள்ளது. ஆனால், எப்போதுமே, சட்டத்துக்கு மாறாகத் தானே நடைமுறை இருக்கும். உள்ளூர் பலம், அரசியல் பின்புலம் மூலம், சட்ட ரீதியாகவே வாங்கி, கோவில் சொத்துக்களை, “ஸ்வாகா’ செய்வோர் அதிகரித்து வருகின்றனர். இதற்கு முற்றுப்புள்ளி வைக்கும் வகையில், முக்கியத்துவம் வாய்ந்த முடிவை, இந்து சமய அறநிலையத் துறை எடுத்துள்ளது.
திருவல்லீஸ்வரர் கோவில் நிலத்தை குறைந்த விலையில் 1984ல் விற்றது: சென்னையின் பிரபலமான கோவில்களில் ஒன்று, பாடி திருவல்லீஸ்வரர் கோவில்; பல்லவர்கள் காலத்துக்கும் முந்தையது. புண்ணியாத்மாக்கள் பலரின் முயற்சியால்,

அப்பொழுதெல்லாம் புண்ணிய ஆத்மாக்கள் கோவில்களுக்கு நிலம், வீடு என்று எழுதி வைத்து விட்டு சாகும். ஆனால், இப்பொழுதுள்ள தினமலர் 12-11-2011 தேதியிட்ட நாளிதழில் வெளியாகியுள்ள இக்கட்டுரையில் (சென்னைப் பதிப்பு, பக்கம்.2) இவ்வாறு செய்தி இருந்தாலும், ஏற்கெனவே விற்றது, விற்றதுதான் என்றாகிறது.

இந்தக் கோவிலுக்கு, பாடியிலும், அதைச் சுற்றியுள்ள பகுதிகளிலும், 55 ஏக்கருக்கும் மேல் நிலம் உள்ளது. இதில், 125 கிரவுண்டு மற்றும் 751.75 சதுர அடி நிலத்தில், 126 பேர் வரை குடியிருந்து வந்தனர். இவர்கள் அனைவரும், “ஜெகதாம்பிகை நகர் கூட்டுறவு வீட்டு மனை சங்கம்’ என்ற பெயரில் ஒரு சங்கத்தைத் துவக்கி, “நாங்கள் குடியிருக்கும் அடிமனையை எங்களுக்கே விற்று விடுங்கள்’ என, கோரிக்கை வைத்தனர். அப்போதிருந்த கோவில் நிர்வாகமும், அறநிலையத் துறையும் அதை ஏற்று, 66 பேருக்கு, அடிமனையை கிரையம் செய்து கொடுத்துவிட்டன. இது நடந்தது 1984ல். அப்போது, ஒரு கிரவுண்டு, வெறும் 12 ஆயிரம், 15 ஆயிரம் மற்றும் 16 ஆயிரம் என விற்கப்பட்டது.
நிலம் கிடைக்காதவர் வழக்குத் தொடுக்க ஆரம்பித்தது பிரச்னை: ஒரு பாதிப் பேருக்குக் கிடைத்துவிட்டால், மறு பாதியினர் விடுவரா? தங்களுக்கும் விற்பனை செய்ய வேண்டும் என, விடுபட்டவர்களுடன் புதிதாகச் சிலரும் சேர்ந்து, மொத்தம் 135 பேர், சட்டப் போராட்டத்தைத் துவக்கினர். சென்னை ஐகோர்ட்டில் வழக்கு, தள்ளுபடி,

சட்டத்தை அரசியல்வாதிகள் தாம் வளைப்பார்களா, அதற்கென வக்கீல்களும் உள்ளனரே. குங்குமம் / விபூதி / சந்தனம் வைத்துக் கொண்டால் என்ன, காசு என்றால், பக்தன்னான வக்கீலும் வாதிட வந்து விடுகிறார்களே? வென்றால் 1% என்றால் கூட லட்சங்களில் கிடைக்கும் எனும்போது, சிவனாவது, சொத்தாவது, தானே சிவனாகிவிட மாட்டானா?

உத்தரவு, ரத்து என, அத்தனை அத்தியாயங்களும் அரங்கேறின. கடைசியாக, கடந்த ஜூலையில், “இவர்களுடைய கோரிக்கைகளை ஏற்பதா, மறுப்பதா என்பது குறித்து, பரம்பரை அறங்காவலர் மற்றும் பொதுமக்களின் ஆலோசனை, ஆட்சேபனைகளைப் பெற்று, எட்டு வாரத்துக்குள், அறநிலையத் துறை ஆணையர் இறுதி முடிவெடுக்க வேண்டும்’ என, ஐகோர்ட் உத்தரவிட்டது. இந்த சந்தர்ப்பத்தைச் சரியாகப் பயன்படுத்திக் கொள்ள விரும்பிய அறநிலையத் துறை அதிகாரிகளும், ஆணையரும், விரிவான ஆலோசனை மேற்கொண்டனர். வழக்கு யுத்தம் துவங்கிய 25 ஆண்டுகளில், எல்லாமே தலைகீழாக மாறிவிட்டிருந்தது. பாடி மற்றும் அதைச் சுற்றியுள்ள அம்பத்தூர், முகப்பேர், அண்ணா நகர் மேற்கு, கிழக்கு போன்ற பகுதிகளில், ஒரு கிரவுண்டு நிலத்தின் விலை, ஒரு கோடி ரூபாயை எட்டிவிட்டது. வாடகை, பூஜை கட்டணங்கள், உண்டியல் வருவாய், நன்கொடைகள் என, கோவிலின் வருவாயும் அதிகரித்து விட்டது. திருவல்லீஸ்வரரின் அருளால், வங்கியில் ஒரு கோடி ரூபாய் வைப்புத் தொகை இருக்குமளவு, கோவிலின் நிதிநிலை உயர்ந்து விட்டது. “”முன்னோர், கோவிலைப் பரிபாலனம் செய்வதற்குக் கொடுத்த சொத்துக்களை அபிவிருத்தி செய்யலாமே தவிர, விற்கக் கூடாது” என, அக்கோவிலின் பரம்பரை அறங்காவலர் சண்முகசுந்தரம், கடுமையாக வாதிட்டார்.

கோவில் நிலத்தை இனி விற்பதிலை – உருப்படியான முடிவு: நீண்ட ஆலோசனைக்குப் பிறகு, அறநிலையத் துறை ஆணையர் பிறப்பித்த உத்தரவு: “கோவில் இடத்தில் குடியிருந்து வருவோருக்கு, அந்த நிலத்தை விற்பனை செய்வது, ஒரு தவறான முன்னுதாரணமாக அமைந்து, தமிழகம் எங்கும் உள்ள கோவில் சொத்துக்கள், பராதீனம் அடையும் சூழ்நிலையை ஏற்படுத்தும். மேலும்,

யார் தானமாகக் கொடுத்ததை யார் விற்பது? அறநிலையத் துறைக்கு அத்தகைய அதிகாரம் இருந்தால், அதுவே சட்டத்திற்குப் புறம்பானது. கொடையாக பக்தர்கள் கொடுத்த நம்பிக்கையை / பிணையை அறுப்பதற்கு எந்த சட்டத்திற்கும் உரிமை இல்லை. நூறு / ஆயிரம் ஆண்டுகளாக இருக்கும் கோவில் சொத்துகளை, வாங்க-விற்க யாருக்கும் அதிகாரம் இல்லை.

பணவீக்கத்தின் காரணமாக, ரூபாயின் மதிப்பு ஆண்டுதோறும் குறைந்துகொண்டே வருகிறது; அசையாச் சொத்துக்களின் மதிப்பு உயர்ந்து கொண்டே போகிறது. இன்றைய நில விற்பனைத் தொகை, நாளை எவ்விதத்திலும் கோவிலுக்குப் பயன்படாத நிலையாக மாறும். எனவே, கோவில் சொத்துக்களை, குடியிருப்போருக்கு ஒட்டுமொத்தமாக விற்பது, ஓர் ஆபத்தான முயற்சியாகவே கருதப்படுகிறது. எதிர்காலத்தில், கோவில்களின் நலன் பாதிக்கும் என்பது, தொலைநோக்குப் பார்வையில் புலப்படும். இவ்வாறான விற்பனை முடிவுகள், இதர கோவில்களுக்குச் சொந்தமான நிலங்களில் குடியிருப்போருக்கும், ஒரு தூண்டுகோலாக அமைந்து, கோவில் நிலங்களுக்கு, ஒரு பொதுவான ஆபத்து ஏற்படும். எனவே, திருவல்லீஸ்வரர் கோவில் மனைகளை விற்க முடியாது”, இவ்வாறு, ஆணையர் உத்தரவிட்டார். அறநிலையத் துறை ஆணையரின் இந்த அதிரடி உத்தரவால், இனி, தமிழகத்தில் உள்ள எந்தக் கோவிலின் சொத்துக்களும், விற்பனை செய்யப்பட முடியாத, ஆரோக்கியமான நிலை உருவாகியுள்ளது.

சிவன் சொத்து குலநாசம் / தெய்வம் நின்று கொல்லும்: 1968ல் குத்தகைக்கு என்று இந்நிலம் கொடுக்கப்பட்டது[8]. 1984ல் ஆணை போட்டு விற்கப்பட்டது[9]. 1984லிருந்து அனுபவித்து வந்த நிலையில், சிலர் 1987ல் அறத்துறை ஆணையை எதிர்த்து வழக்குப் போட[10], 1994ல் வழக்கு போல, உயர்நீதி மன்றம் தீர்ப்பை மறுபரிசீலினை செய்ய அறத்துறைக்கு திரும்ப அனுப்பியது[11]. 29.8.1997 to 8.6.2000. காலகட்டத்தில் நடந்ததை விசாரிக்கப்பட்டது. 2004ல் தீர்ப்பு வழங்க[12], 2007ல் உயர்நீதி மன்றம் ஆணையிட[13] இப்பொழுது நடவடிக்கை எடுக்கிறார்கள் போலும்.  இவ்வாறு 1968ல் அண்ணாதுரை காலத்தில் இருந்து, ஜெயலலிதா காலம் வரை இழுத்தடிக்க முயன்ரவர்களுக்கு, இன்னும் இழுத்தடிக்கவா தெரியாது. சட்ட ரீதியாக மேல் முறையீடு என்றெல்லாம் இருப்பதால், வாங்கியவர்கள் பழுத்த “சிவபக்தர்களாகவே” இருந்தாலும் விட்டுவிடப் போவதில்லை. ஆகவே இவர்கள் மறுபடியும், உயர்நீதி மன்றம், உச்சநீதி மன்றம் என்று போய்கொண்டுதான் இருப்பார்கள். அதற்கு அந்த வக்கீல்கள் உதவி செய்து கொண்டுதான் இருப்பார்கள். இறைவன் “திருவிளையாடல்” புரிந்து இவர்களை மாற்றினால் தான் உண்டு. இல்லையெனில், இவர்கள் எல்லாவற்றையும் மாற்றி விடுவார்கள். எப்படி கருணாநிதி / ஜெயலலிதா வாழ்க்கைகள்[14] இப்பொழுது உள்ளனவோ அல்லது முந்தைய ஆட்சியாளர்கள் இறந்து மறைந்தார்களோ, அதே நிலை தான் எல்லோருக்கும் ஏற்படும். தெய்வம் நின்று கொல்லும் என்பது தப்பாமல் நடக்கும்.
வேதபிரகாஷ்

12-11-2011


[1] சரித்திர ரீதியில் இல்லாத “ஆரிய-திராவிட” இனவாத கட்டுக்கதைகளை, இனவெறியோடு இன்றும் அத்தகைய மாயைகளை கட்டிப் பிடுத்துக் கொண்டு, மக்களை முட்டாளக்கி வருகின்ற மாநிலல் தமிழ்நாடு தான் அல்லது அவ்வறு உலகர்ட் உலகதிலேயே நம்பி வரும் கூட்டமும் இங்குதான் உள்ளது.

[2] 1969களில் அண்ணதுரை “அந்தர் பல்டி” அடித்து பயந்து இந்திய அரசியல் சட்டத்திற்கு பணிந்தாலும், தமிழ்நாட்டில், இன்னும் கூட சில “அறிவு ஜீவிகள்” தமிழ்நாடு, தனிநாடு என்றெல்லாம் பேசி-எழுதிக்கொண்டுதான் இருக்கின்றன.

[3] இங்குதான் மற்ற இந்து விரோதிகளும் சேந்து கொள்கின்றனர். அதனால் தான் கோவில் சொத்துகளை கிருத்துவர்கள், முஸ்லீம்கள் கூட வாங்கிக் கொள்கிறார்கள், திருடுகிறர்கள், கொள்ளையெடிக்கிறார்கள். அந்தகால சேவியர், மாலிக்காபூர், ஔரங்கசீப் போல நடந்து கொள்கிறார்கள். அநியாயம், அக்கிரமம், கொடுமை, கொடூரங்களை செய்து வருகிறார்கள்.

[4] ஹிந்து ஒழிக, ஹிந்திகாரர்கள் ஒழிக, வந்தேரிகள், உறிஞ்சிகள். என்றெல்லாம் பேசுவது, அவர்களைத் தாக்குவது, ஆனால் மறைமுகமாக அவர்களுடனே உறவுகள் வைத்துக் கொண்டு அல்லது பணத்தை வாங்கிக் கொண்டு மக்களை ஏமாற்றி வருவதில் அவர்களுக்கு நிகர் அவர்களே தான்! அப்பொழுது அவர்கள் ஹிந்தியில் பேசுவார்கள் பாருங்கள், அப்பொழுது தமிழர்களே முழிப்பார்கள், “”எப்படி இந்த திராவிடர்கள் இந்தி பேசுகிறார்கள் இல்லை இந்தி பாடையில் செல்கிறார்கள்?” என்று!

[5] எப்பொழுது பார்த்தாலும் நதி நீர் பிரச்சினை என்று வைத்த்க் கொண்டு கேரளா, கர்நாடகா, ஆந்திரா என்று பிரச்சினைகளை வைத்துக் கொண்டிருப்பதை காணலாம். மற்ற நேரங்களில் அதைப் பற்ரி பேச மாட்டார்கள். தொழிற்சாலைகள் அங்கு சென்றுள்ளதை கவனிக்கலாம். உற்பத்தி செய்யும் தொழிர்சாலைகள் இங்கு இருந்தாலும், விற்பனை செய்வது தமிழகத்திற்கு வெளியில் நடபதைப் பார்க்கலாம்.

[6] கான்டிரேக்டுகளில், டென்டர்களில் கொள்ளையெடித்ததை, இப்பொழுது 2-ஜி என்று, “ஆரியர்களுடன்” செந்து கொண்டு கொள்ளையெடித்திருக்கிறார்கள்.

[7] தினமலர் சிறப்பு நிருபர், கோவில் நிலங்களை இனி விற்பதில்லை: அறநிலையத்துறை முடிவு, பதிவு செய்த நாள் : நவம்பர் 11,2011,23:32 IST, http://www.dinamalar.com/News_Detail.asp?Id=347526

[8] மிக்கப்படித்த அறிஞர் அண்ணாதுரை எப்படி அப்படி 1968ல் குத்தகைக்குக் கொடுத்தார் என்று தெரியவில்லை. ஒருவேளை, பீரங்கியால் பிளக்க முடியாதத்தை இப்படி பிளந்து விடலாம் என்ற சாதுரியத்தில் கொடுத்தார் போலும்!

[9] Na.Ka.No.11/76 R2, dated 7.12.1984 followed with Government Order dated 7.12.1984.

[10] The said order dated 7.12.1984 was challenged by some of the individuals interested in the welfare of the temple in W.P.No.286 of 1986.

[11] The Court by order dated 11.1.1994 set aside the order of the second respondent dated 7.12.1984 and remitted the matter back to the Commissioner, HR&CE for fresh disposal by following the provisions of the Act and Rules.

[12] EXECUTIVE OFFICER versus JAGATHAMBIGAI NAGAR- High Court of Madras

http://www.rishabhdara.com/sc/view.php?case=75110

http://indiankanoon.org/doc/1730914/

[13] தீர்ப்புகளின் படி, வேலைசெய்ய எவ்வளவு காலத்தை எடுத்த்க் கொள்கின்றனர், அதற்கேற்றபடி, எப்படி கோவில் நிலம் அனுபவிக்கப் படுகிறது என்பதையெலாம் பார்த்துத் தெரிந்து கொள்ளலாம்.

27Mar2007 (GJX) 0009 MAD

Madras High Court

THE EXECUTIVE OFFICER, CHENNAI & ANOTHER

Vs.

JAGATHAMBIGAI NAGAR CO-OPERATIVE HOUSE SITE SOCIETY, REP BY ITS PRESIDENT, CHENNAI & OTHERS

Decided on: March 27, 2007

http://www.ejurix.in/Cases/MAD/MAD-2007/27Mar2007%20(GJX)%200009%20MAD.htm

(2007) 4 MLJ 476 (Mad)

http://mljlibrary.com/nominal-index/C1MF4PC1MH6RF4P.htm

[14] இங்கு எந்த தனிப்பட்ட நபர்களைப் பற்றி குறைசொல்லவில்லை. ஆட்சியாளர்களாக இருக்கும் போது, எவ்வாறு கோவில் நிலம் விற்கப்படுகிறது, அக்காரியம் சாதாரணமாக நீதிமன்றங்களில் குறிப்பிட்ட சட்டப்பிரிவுகளில் அலசப்படுகின்றன என்ருதான் எடுத்துக் காட்டப்படுகிறது. ஏனெனில், அந்நிலத்தை கோவிலுக்கு தானமாகக் கொடுத்த போது, எந்த சட்டத்திற்கும் உட்பட்டு கொடுக்கவில்லை என்பத்கு தான் உண்மை. அதாவது அந்நிலத்தை யாரும் விற்கவும் முடியாது, வாங்கவும் முடியாது.

கோவில் கருவறை கதவில் வடகலை / தென்கலை நாமத்திற்கு எதிர்ப்பு – உள்மதப் பிரச்சினைகள் இந்து மதத்தை பாதிக்கும் (1)

செப்ரெம்பர்2, 2011

கோவில் கருவறை கதவில் வடகலை / தென்கலை நாமத்திற்கு எதிர்ப்பு – உள்மதப் பிரச்சினைகள் இந்து மதத்தை பாதிக்கும் (1)

இந்து மதத்தை பாதிக்கும் சச்சரவுகள்: நாமம் இடுவதற்கு இப்படி வைணவர்கள் அடிக்கடி பிரச்சினை கிளப்புவது, சண்டை போடுவது, ஏன் நீமன்றங்களுக்குச் செல்வது முதலியன, இந்துமதத்தை குறைகூற ஏதுவாகும் நிகழ்ச்சிகள் போல உள்ளன.  யானைக்கு, கதவிற்கு, என எல்லாவற்றிற்கும் சண்டை போடுவது கடவுளுக்கு சந்தோஷத்தையளிக்குமா என்று பக்தர்கள் யோசித்துப் பார்க்க வேண்டும்.  இது புறமதக்காரர்களுக்கு, நாத்திகர்களுக்கு மற்ற வேண்டாதவர்களுக்கு உபயோகமாக இருக்குமேத் தவிர, சண்டையிடும் பக்தகளுக்கு ஒரு பிரயோஜனமும் ஏற்படாது என்பதுதான் உண்மை. இதனால் தான், “வைணவர்களிலே – வடகலை நாமம், தென்கலை நாமம் போட்டவர்கள் ஒருவரை ஒருவர் பார்த்துவிட்டால் அதற்காக உடனே போய் சுவரில் முட்டிக் கொள்ளும் வழக்கம்”, என்று விடுதலை நாளிதழ் கிண்டலடிக்கிறது[1]. முன்பு “சடாரி மரியாதை” குறித்து பிரச்சினை ஏற்பட்டதற்கு உச்சநீதி மன்றம் வரை சென்றுள்ளனர். அப்பொழுது, இப்பிரச்சினைகளை நாத்திக அரசு அதிகமாக ஊக்குவிப்பதை எடுத்து காட்டியுள்ளேன்[2]. முடிவாக இப்படி பதிவு செய்தேன்.

இது வடகலை-தென்கலை என்ற பிரச்சினையைவிட நாத்திகர்கள் ஏற்படுத்திய குளறுபடியாகத்தான் தெரிகிறது: முன்னமே இவர்கள் இவ்வாறு நிறைய தகராறுகள் செய்துள்ளனர் அல்லது ஆங்கிலேயர்களால் தூண்டிவிடப் பட்டு அவ்வாறான கலாட்டாக்களை செய்துள்ளனர். இப்பொழுது இந்த கருப்புப் பரிவார் இதனை உபயோகித்துக் கொள்கிறது. மற்ற வழக்குகளை விட்டுவிட்டு சுப்ரீம் கோர்ட்டும், இதை விசாரித்து, இந்த சந்தர்ப்பத்தில் தீர்ப்பு அளிப்பதும் வினோதமா அல்லது அரசு இட்ட ஆணையா என்று காலம் தான் பதில் சொல்லியாக வேண்டும்.

கம் செப்டம்பர் – நாமப்பிரச்சினை: வைணவர்களுக்கு பிரச்சினைகள் ஆரம்பித்துவிடும் போல இருக்கிறது. செப்டம்பரில் இந்துக்களுக்கு பல முக்கியமான விழாக்கள், பண்டிகைகள் வரும். முக்கியமாக வைணவ கோவில்களில் பிரம்மோட்சவம் நடத்தப்படும். இதனுடன் நாமப் பிர்ச்சினையும் வந்து விடுவது வருத்தமாக இருக்கிறது. எந்த நாமத்தைப் போட்டால் என்ன, அல்லது அமைதியாகவே இருந்து விட்டால் என்ன என்று யோசிக்குக் நிலையில் ஊடகங்களில் செய்திகளாக வரும் அளவிற்கு பக்தர்கள் போராடுவது விந்தையே. இத்தகைய போராட்டங்களை கோவிலை கொள்ளைய்டிப்பவர்களுக்கு, சிலைகளை-விக்கிரங்களைத் திருடி விற்ப்பவர்களுக்கு, கோவில் நிலங்களை-சொத்துக்களை அபகரிப்பவர்களுக்கு எதிராக நடத்தினால் நன்றக இருக்கும்.

காஞ்சிபுரம் தேவராஜ சுவாமி கோவிலின் கருவறை வெள்ளிக் கதவில், வடகலை நாமம் பொறிக்கப்பட்டுள்ளதற்கு எதிர்ப்பு (2011): காஞ்சிபுரம் தேவராஜ சுவாமி கோவிலின் கருவறை வெள்ளிக் கதவில், வடகலை நாமம் பொறிக்கப்பட்டுள்ளதற்கு எதிர்ப்பு கிளம்பியுள்ளது. காஞ்சிபுரம் தேவராஜ சுவாமி கோவிலில், அறநிலையத்துறை ஆணையரின் அனுமதியின்றி வடகலை, தென்கலை தொடர்பாக எதையும் சேர்க்கக் கூடாது, என்ற அரசின் உத்தரவு உள்ளது. இதை மீறி கடந்த மாதம் ஜூலை 25ம் தேதி, கோவிலின் கருவறையில் வெள்ளிக் கதவு பொருத்தப்பட்டுள்ள, சங்கு சக்கரம் சின்னங்களுடன் உள்ள கதவில், வெள்ளியிலான வடகலை நாமம் திடீரென பொறிக்கப்பட்டுள்ளது. இதற்கு, சின்ன காஞ்சிபுரத்தில் உள்ள யதீந்த்ர ப்ரவண சபை எதிர்ப்பு தெரிவித்துள்ளது[3]. கோவிலின் அறிவிப்பு பலகையில் இதுகுறித்து முறையான அறிவிப்பு ஏதும் வெளியிடப்படாமல், கடந்த மாதம் 25ம் தேதி மாலை பக்தர்கள் அனுமதிக்கப்படாமல், மாலையில் ரகசியமாக வெள்ளிக் கதவு பொருத்தப்பட்டுள்ளது. எவ்வளவு கிலோ வெள்ளியால் செய்யப்பட்டது, யார் இந்த வெள்ளிப் பொருட்களை நன்கொடையாகக் கொடுத்தது என்ற அறிவிப்பின்றி இந்த கதவு பொருத்தப்பட்டுள்ளது. இக்கதவு செய்தது போக மீதமுள்ள வெள்ளிப் பொருட்களை, கோவில் நிர்வாகத்தில் உள்ளவர்கள் சுருட்டியிருப்பார்களோ, என்ற சந்தேகம் எழுந்திருக்கிறது[4]. புதிதாக பொருத்தப்பட்டுள்ள வெள்ளிக் கதவில் உள்ள வடகலை நாமத்தை அகற்ற முற்பட்டபோது, அங்கிருந்த அர்ச்சகர்கள் அதைத் தடுத்துவிட்டனர். அறநிலையத்துறை ஆணையர் போனில் உத்தரவிட்ட பின்னும், அந்த நாமத்தை அகற்ற அர்ச்சகர்கள் மறுத்தனர். இதற்கு முறையான விளக்கம் அளிக்கும்படி, யதீந்த்ர ப்ரவண சபைத் தலைவர் கே.எஸ்.சம்பத்குமார் கோரிக்கை வைத்திருக்கிறார்.

செப்டம்பர் 2010ல், திருமலையிலும் இதே போன்ற பிரச்சினை கிளம்பியது[5]: திருப்பதி வெங்கடேச பெருமாள் கோவிலில் பணிபுரியும் அர்ச்சகர்கள் மத்தியில் எழுந்துள்ள வடகலை, தென்கலை திருநாமம் பிரச்னை குறித்து ஆந்திர மாநில கவர்னர் நரசிம்மன் கவனத்திற்கு புகார் அனுப்பியுள்ளதாக அகோபில மடம் செயலர் சேஷாத்ரி தெரிவித்தார். ஒவ்வொரு ஆண்டும் திருமலையில் நடக்கும் ஆண்டு பிரம்மோற்சவ விழாவின் வாகன சேவையின்போது கோவிலில் பணிபுரியும் அர்ச்சகர்களிடையே திருநாமம் முக்கியத்துவம் குறித்து வடகலை, தென்கலை நாமப் பிரச்னை தொடர்ந்து பல ஆண்டுகளாக, “நீறுபூத்த நெருப்பு போல்’ இருந்து வருகிறது. இந்த ஆண்டும் 18-09-2010 சனியன்று திருமலையில் நடந்த ரத உற்சவத்தின்போது திருநாமத்துடன் கூடிய பெரிய துணியால் தயாரிக்கப்பட்ட ஆங்கில “ஏ’ எழுத்து போன்ற கூடாரம் வாகன சேவைக்கு முன்னும் பின்னும் அணிவகுத்து செல்வது வழக்கமாக நடந்து வருகிறது. இதில் வடகலை நாமம் வெளியில் தெரியாமல் துணியை மூடிவிட்டனர். தென்கலை நாமம் பிரிவைச் சேர்ந்த அர்ச்சகர்கள் வேண்டுமென்றே இதுபோன்ற செயல்களில் ஈடுபடுகின்றனர் என வடகலை பிரிவைச் சேர்ந்த அர்ச்சகர்கள் பகிரங்கமாக குற்றம் சாட்டினர். பிரம்மோற்சவ வாகன சேவையின்போது தொடர்ந்து, “வடகலை’ நாமத்திற்கு அவமானம் நடந்து வருவதாக இப்பிரிவைச் சேர்ந்த அர்ச்சகர்கள், கவர்னரின் கவனத்திற்கு கொண்டு செல்ல வேண்டுமென கூறியதன் பேரில் வடகலை, தென்கலை திருநாமப் பிரச்னைக்கு நிரந்தர தீர்வு காணக்கோரி அகோபில மடம் செயலர் சேஷாத்ரி 18-09-2010 அன்று பேக்ஸ் மூலம் கவர்னருக்கு புகார் அனுப்பி வைத்துள்ளார். இப்பிரச்னைக்கு கவர்னர் நரசிம்மன் சரியான தீர்வு காண வேண்டுமென அர்ச்சகர்கள் எதிர்பார்க்கின்றனர். மேலும், உற்சவத்தின்போது ரதத்தின் மீதுள்ள மரத்திலான மரப்படிவம் உடைந்து விழுந்தது. இதனால் மேல் பகுதியில் தங்கக் தகடுக்கு கீழ் பாகத்தில் இருந்த துணி காற்றுக்கு விலகி விட்டது. இந்த சம்பவமும் அர்ச்சகர்கள், பக்தர்கள் மத்தியில் உற்சவத்தின்போது பரபரப்பாக பேசப்பட்டது[6].

மார்ச் 2001ல் ஸ்ரீரங்கத்தில் இதே பிரச்சினை[7]: ஸ்ரீரங்கம் ரங்கநாதர் கோவில் மகா கும்பாபிஷேகம் நடந்து முடிந்த பின் ராஜகோபுரத்தில் தென்கலை நாமம் போடப்பட்டுள்ளது புதிய பிரச்சனையை கிளப்பியுள்ளது ஸ்ரீரங்கம் ரங்கநாதர் கோவிலுக்கு இந்த மாதம் 15-ம் தேதி கும்பாபிஷேகம் நடைபெற்றது. அதன் பின் உலகிலேயே உயரந்த 237 அடி உயரமுள்ள ராஜகோபுரத்தில் தென்கலை நாமம் போடப்பட்டது. இது வடகலை குழுவினரை புண்படுத்துவதாக ஸ்ரீரங்கம் அகோபில மடத்தின் 45-வது பீடாதிபதியான ஜீயர் சுவாமிகள் கூறியுள்ளார்.  இந்த விஷயத்தில் முதல்வர் கருணாநிதி தலையிட்டு சுமுகமான தீர்வு காணுமாறு அவர்கேட்டுக் கொண்டுளளார்[8].  இது குறித்து ஜீயர் சுவாமிகள் நிருபர்களிடம் கூறுகையில், ராஜகோபுரம் எனக்கு முன்பு இருந்த ஜீயர் சுவாமிகளால் கட்டப்பட்டது. அவர் வடகலை நாமம் போடுபவராக இருந்தாலும் அவர் எந்த விதமான பிரச்சனையும் வரக்கூடாது என்பதற்காக எந்தவிதமான நாமமும் போடாமல் விட்டுவிட்டார்[9]. ஆனால் இப்போதுள்ள கோவில் அதிகாரிகள் கும்பாபிஷேக புணரமைப்புப் பணி எனக் கூறி கும்பாபிஷேகம் முடிந்தவுடன்  ராஜகோபுரத்தின் ஆறாவது வாயிலில் தென்கலை நாமத்தை வைத்து அதற்கு நியான் விளக்கும் போட்டுள்ளார்கள்[10]. இதுவடகலை நாமம் போடுபவர்களை புண்படுத்தும் செயலாகும். இதே போல் கோவிலின் தேசிகர் சுவாமி சன்னிதியிலும் தென்கலை நாமம் போடப்பட்டுள்ளது. இந்த கோவில் வடகலை நாமம் போடுபவரால் பராமரக்கப்பட்டு வருகிறது. ஆனால், இங்கு தென்கலை நாமம் போடப்படடுள்ளது.

நல்லவேளை நாமம் விவகாரத்தில் கருணாநிதி வரவில்லை போலும்: இந்த விஷயத்தில் முதல்வர் தலையிட்டு எந்த விதமான பிரச்சனையும் இல்லாமல் சுமுகமான தீர்வு ஏற்படுத்த முயல வேண்டும் என்றார். [குங்குமம் வைத்ததற்கே என்ன நெற்றியில் ரத்தம் வருகிறதே என்ற கேட்ட ஆசாமியிடம் போய் புகார் கொடுக்கும் இவரை என்னென்று சொல்வது] கும்பாபிஷேகத்திற்கு முன், ஸ்ரீரங்கம் கோவில் கலாச்சார பாதுகாப்புக் குழு செயலாளர் கிருஷ்ணமாச்சாரி என்பவர் மூலஸ்தானத்தில் இருக்கும் ரங்கநாதர் மார்பில் இருந்த வஸ்தாலட்சுமியின் திருவுருவவம் நீக்கப்பட்டு அங்கு முக்கோண வடிவிலான எந்திரம் வைக்கப்பட்டிருக்கிறது என புகார் கூறினார். இது குறித்து தமிழக முதல்வருக்கும் தந்தி அனுப்பினார்.  கும்பாபிஷேகத்திற்கு முன்பே அரசு இந்த விஷயத்தில் தலையிட்டு மீண்டும் வஸ்தாலட்சுமியின் திருவுருவத்தை பிரதிஷ்டை செய்ய வைத்தது என்பது நினைவு கூறத்தக்கது [நல்லவேளை கருணாநிதி தான் செய்து வைத்தார் என்று குறிப்பிடாமல் இருந்தார்களே].

யானைக்கு எந்த நாமம் பொடுவது? ஸ்ரீ ரங்கத்திலே ஒரு யானை இருந்தது. 1918 -19 ல் ஒரு வழக்கு. யானைக்கு வடகலை நாமம் போடுவதா அல்லது தென்கலை நாமம் போடுவதா என்ற பிரச்சினை வைணவகளுக்குள் ஏற்பட்டது.  அப்பொழுது நீதி மன்றங்களை கடந்து, பிரைவி கவுன்சில் வரைக்கும் வழக்குப் போனது. கவுன்சிலிலே விசாரித்து ஒரு உத்தரவு போட்டார்கள். யானைக்கு ஒரு மாதம் வடகலை நாமம், ஒரு மாதம் தென்கலை நாமம் போடலாம் என்று சமரச தீர்ப்பு கொடுக்கப்பட்டது. அதன்படியே ஸ்ரீரங்கத்திலிருக்கிற வடகலை நாமக்காரர்கள் கெட்டிமேளத்தோடு வந்து ஒரு மாதம் யானைக்கு வடகலை நாமம் போட்டார்கள், பிறகு தென்கலை நாமக்காரர்கள் ஒரு மாதம் யானைக்குத் தென்கலை நாமம் போட்டார்கள். மூன்று மாதங்கள் நடந்த இந்த அல்லோகலத்தில் யானை சங்கிலியை அறுத்துக் கொண்டு ஓடிவிட்டதாம். மறுநாள் பத்திரிகைக்கைகளில் ஸ்ரீரங்கத்து யானைக்கு மதம் பிடித்து சங்கிலியை அறுத்துக் கொண்டு ஓடிவிட்டது என்று செய்தி வந்தது. ஆனால், அதற்கு அடுத்த நாள் அதே பத்திரிகைகளில் வேறு செய்தி கூறியதாவது, ஸ்ரீரங்கத்து யானைக்கு மதம் பிடிக்கவில்லை, அப்படி தவறுதலாகப் பிரசுரிக்கப்பட்டது, உண்மையில் யானைக்கு மதம் பிடிக்காமல்தான் சங்கிலியை அறுத்துக் கொண்டு ஓடியது, என்று விளக்கம் கொடுக்கப்பட்டதாம்.

வேதபிரகாஷ்

02-09-2011


[2] வேதபிரகாஷ், காஞ்சிபுரத்தில் சண்டை, https://atheismtemples.wordpress.com/2010/05/31/intra-religious-strife-in-kanchipuram-over-ritual-going-to-court/

தினமலர், கருட சேவையில் மணவாள மாமுனிகளுக்கு சடாரி மரியாதை: சுப்ரீம் கோர்ட்டில் தள்ளுபடி, http://www.dinamalar.com/News_Detail.asp?Id=7205&Print=1

[3] தினமலர், கோவில் கருவறை கதவில் வடகலை நாமத்திற்கு எதிர்ப்பு, செப்டம்பர் 02, 2011, http://www.dinamalar.com/News_Detail.asp?Id=305852

[4] வைணவர்கள் தமக்குள் நடக்கும் சண்டையில் இத்தகைய சர்ச்சைக்குரிய விஷயங்களை இப்படி வேடிக்கைக்காகவோ, விமர்சனத்திற்காகவோ, விவகாரத்திற்காகவோ தாமாகவோ அல்லது பத்திரிக்கை நிருபர் வழிகாகவோ “கமண்டாக”க் கூட அனுமதித்திருப்பது அல்லது நிருபரே சுதந்திரமாக நுழைத்து அவ்வாறு “கமண்ட்” அடித்திருப்பது என்பதையும் நோக்கத்தக்கது.

[6] இத்தகைய உணர்வுகள், சிந்தனைகள் இருக்கும் போது, ஏன் பக்தர்கள் சண்டை போட்டுக் கொள்ள வேண்டும் என்பதுதான் வேடிக்கையாக இருக்கிறது.

[8] இப்படி திருடனிடத்தில் சாவியைக் கொடுப்பது போல, இந்துக்களுக்கு விரோதியாக, இந்து-விரோத-நாத்திகனாக செயல்பட்டு வரும் கருணாநிதியிடத்தில் புகார் செய்ததே வேடிக்கை தான்.

[9] இதே சமரச அல்லது அமைதியான மனப்பாங்கு தான் மற்றவர்களிடமும் இருக்கவேண்டும், எதிர்பார்க்கப்படுகிறது.

[10] இதிலிருந்தே, நாத்திகக்காரர்கள் செய்துள்ள விஷமம் என்று நன்றாகவே புரிந்து கொள்ளலாமே. அறநிலையத்துறை ஆட்கள் அவ்வாறு செய்கின்றனர் என்றால், குடுமி முடிச்சி விடுகின்றனர் என்பதனைத் தெரிந்து கொள்ள வேண்டும். அதைவிடுத்து, அவர்களிடமே புகார் கொடுத்தால், உள்ள வேறுபாட்டை அறிந்து கொண்டு, அதிலிருந்து தங்களுக்கு என்ன ஆதாயம் கிடைக்கும் என்றுதான் பார்ப்பார்கள்.

முறைகேடாக குத்தகைக்கு விடப்பட்ட கோவில் நிலங்கள் கையகப்படுத்தப்படும்!

செப்ரெம்பர்1, 2011

முறைகேடாக குத்தகைக்கு விடப்பட்ட கோவில் நிலங்கள் கையகப்படுத்தப்படும்!

 சட்டசபையில் வழக்கமாக நடக்கும் விவாதம்: திராவிட கட்சிகள் ஆட்சிக்கு வந்ததும், இதைப் பற்றி “மாற்றித்தான் யோசிப்பார்கள்”, ஏனெனில் அவர்களுக்கும் பங்கு வேண்டுமே என்ற எண்ணத்தில்தானெயொழிய, உண்மையில் ஆண்டவனுக்கு சேவை செய்யவேண்டும் என்ற எண்ணத்தில் அல்ல. புதிதாக தேர்ந்தெடுக்கப் பட்டுள்ள சட்டசபை உறுப்பினர்கள் பேசியுள்ள விதத்திலிருந்தே அதனை அறிந்து கொள்ளலாம். கோவில் நிலம் என்ரு ஆரம்பித்து, சுற்றுலா என்று சென்று, அதில் எப்படி சம்பாதிக்கலாம் என்ற எண்னத்துடன் தான் விவாதம் உள்ளதே  தவிர, கோவில் நிலங்களை மீட்டு, அவை எதற்காக பக்தர்களால் தானமாகக் கொடுக்கப்படது என்று பார்த்து அத்ற்கேற்ற முறையில் செயல்படவேண்டும் என்ற நினைப்பு கொஞ்சம் கூட இல்லை எனலாம். “கடந்த ஆட்சியில் முறைகேடாக குத்தகைக்கு விடப்பட்ட கோவில் நிலங்களை கையகப்படுத்த முதல்வர் உத்தரவிட்டுள்ளார்,” என்று அறநிலையத் துறை அமைச்சர் சண்முகநாதன் தெரிவித்தார்[1].

சட்டசபையில் நேற்று முன்தினம் நடந்த விவாதம்:

கோவிலிலிருந்து ஆரம்பித்து நீலகிரி சென்ற தேமுதிக உறுப்பினர்: உதாரணத்திற்கு தினமலரில் வந்துள்ளபடி, சிலருடைய பேச்சுகளை எடுத்துக் கொள்ளலாம்.

சம்பத்குமார் – தே.மு.தி.க: தமிழகம் முழுவதும் உள்ள கோவில்களை மண்டலங்களாக பிரித்து, பக்தர்கள் சிரமமின்றி சுற்றிப் பார்க்க பஸ் வசதி செய்ய வேண்டும். ஒரே நாளில் அப்பகுதியில் உள்ள அனைத்து கோவில்களுக்கும் சென்று வரும் வகையில் ஏற்பாடு செய்ய வேண்டும்[2]. நீலகிரியில் ஹெலிகாப்டர் மூலம் சுற்றிப் பார்க்கவும், கேபிள் கார் வசதியும் செய்ய வேண்டும். நீலகிரியில் மலைரயில் அடிக்கடி பழுது ஏற்பட்டு, நடுக்காட்டில் நின்று விடுகிறது. இதனால், வெளிநாட்டு பயணிகள், நம் தமிழகத்தின் நிலையை பற்றி தவறாக பேசுவர்[3].

அமைச்சர் கோகுல இந்திரா: மலை ரயில், மத்திய அரசின் ரயில்வே துறையால் இயக்கப்படுவது. எனினும், இதுபற்றி முதல்வரின் அனுமதியோடு, ரயிலை சீரமைக்கும்படி மத்திய அரசிடம் வலியுறுத்தப்படும்[4]. கேபிள் கார் வசதியை பொறுத்தவரை, அதற்கான முயற்சி அல்லது ஆய்வு செய்யும் போது, அவை வனப்பகுதியில் உள்ள இடங்களாக உள்ளன. அவற்றை கேட்டு மத்திய அரசிடம் அனுமதி பெற நீண்டகாலமாகிறது.

அன்னதானத்திலிருந்து திரைப்பட மான்யத்திற்கு சென்ற அதிமுக உறுப்பினர்: கிருஷ்ணமூர்த்தி – அ.தி.மு.க: இந்த சட்டசபையில், நிதி அமைச்சராக இருந்த சி.சுப்பிரமணியம், 95 கோடி ரூபாய்க்கு பட்ஜெட் தாக்கல் செய்துவிட்டு, முயன்று முயன்று பார்த்தேன் சதம் போட முடியவில்லை என்றார். ஆனால், இன்று ஒரு லட்சத்து 18 ஆயிரம் கோடிக்கு போட்டுள்ள பட்ஜெட்டில் உள்ள திட்டங்களை பார்த்து, இந்திய துணைக் கண்டமே மலைத்துப் போய் இருக்கிறது[5]. பெண்கள் முன்னேற்றத்துக்காக எடுக்கப்படும் படங்களுக்கு சிறப்பு மானியம் வழங்க வேண்டும்[6]. அன்னதான திட்டத்தை மீண்டும் புதுப்பொலிவோடு, புத்துணர்வுடன் செயல்படுத்த உத்தரவிட வேண்டும்.

கோவில் நிலத்தில் பல ஆண்டுகளாக வாழ்ந்தவர்களது இடத்தை அவர்களுக்கே சொந்தமாக்கும் வகையில் சட்டத்திருத்தம் செய்ய வேண்டும்: அதாவது, அப்படி ஆக்கிரமித்துக் கொண்டால், சில காலத்தில் அந்நிலத்தை சட்டப்படி அபேஸ் செய்துவிடலாம் என்று சொல்லிக் கொடுக்கிறார். இதில் கம்யூனிஸ்ட்டுகள் மிகவும் வல்லவர்கள் தாம்.

உலகநாதன் – இந்திய கம்யூனிஸ்ட்: கோவில் நிலத்தில் வாடகை பல மடங்கு உயர்த்தப்பட்டுள்ளது. பல ஆண்டுகளாக வாழ்ந்தவர்களது இடத்தை அவர்களுக்கே சொந்தமாக்கும் வகையில் சட்டத்திருத்தம் செய்ய வேண்டும்[7]. கோவில் நிலங்களில் குடியிருப்போரை வெளியேற்ற பத்திரிகைகளில் விளம்பரம் செய்யப்படுகிறது[8].

அமைச்சர் சண்முகநாதன்: யார் யார் எந்தெந்த இடத்தில் குடியிருக்கின்றனர் என்று கண்டறிந்து, அவற்றை வரன்முறை செய்ய முதல்வர் உத்தரவிட்டுள்ளார்.

செஞ்சி கோதண்டராமர் கோவில் ஞாபகம் வரவில்லை[9] ஆனால் கோட்டையைப் பற்றி பேசும் தேதிமுக உறுப்பினர்: பாவம், தேதிமுக உறுப்பினர், அவரே பேசினாரா அல்லது வேறு யாராவது அவ்வாறு பேசச் சொன்னார்களா என்று தெரியவில்லை. முதலில் கோட்டையைச் சுற்றியுள்ள ஆக்கிரமிப்பு செய்துள்ளவர்களை அவர் விரட்டியடித்து நிலத்தை மீட்பாரா? இந்திய தொல்துறை அறிப்புப் பலகைகளையும் மதிக்காமல் ஆக்கிரமிப்பு செய்துள்ளனரே அது ஏன் அவருடைய கண்களுக்குத் தெரியவில்லை அல்லது யாரும் சொல்லவில்லை?

சுரேஷ் குமார் – தே.மு.தி.க: சாத்தனூர் அணை பராமரிப்பின்றி உள்ளது. செஞ்சிக்கோட்டைக்கு, மாநில அரசு மூலம் அடிப்படை வசதிகள் செய்து, அதிகளவு சுற்றுலா பயணிகள் வரும் வகையில் மேம்படுத்த வேண்டும். கடந்த ஆட்சியில், சுற்றுலா பகுதிகளில் வாகன நிறுத்துமிடங்களுக்கு ஏலம் விடப்பட்டது. வாகனம் நிறுத்த அதிக கட்டணம் வசூலித்ததால், சுற்றுலா பயணிகளுக்கும், குத்தகைக்காரர்களுக்கும் இடையே பிரச்னைகள் ஏற்பட்டன. இதனால், பயணிகள் வரவே தயங்கினர். நியாயமான கட்டணம் வசூலிக்க வேண்டும். திருச்செந்தூர் கோவில் பணிகளில் வேகமில்லை.

அமைச்சர் சண்முகநாதன்: திருசெந்தூர் கோவிலில் மேம்பாட்டு பணிகளை மேற்கொள்ள முந்தைய அ.தி.மு.க., ஆட்சியில் ஜெயலலிதா பணிகளை துவக்கினார். ஆனால், இதுவரை முடிக்காமல், கடந்த ஆட்சியில் இழுத்தடித்தனர். தற்போது பணிகளை துரிதப்படுத்தியதால், முடியும் நிலையில் உள்ளது. அனைத்து கோவில்களுக்கும் குடிநீர் மற்றும் அடிப்படை வசதிகள் செய்து தரப்படும்.

குத்தகைப் பற்றியுள்ள வேகம், கோவில் ஆக்கிரமிப்பில் இல்லாதது தெரிகிறது: சுரேஷ் குமார்: எங்களது தொகுதியில் கோவில் நிலம் ஒன்று, தனி நபருக்கு குத்தகைக்கு விடப்பட்டுள்ளது. அவர் தனது சொந்த நிலம் போல, வணிக வளாகங்கள் கட்டி, கடைகளை வாடகைக்கு விட்டுள்ளார். கோவில் கோபுரத்தை விட, அவரது கட்டடம் உயரமாக உள்ளது.

அமைச்சர் சண்முகநாதன்: கடந்த ஆட்சியில் கோவில் நிலங்கள் தவறான வழியில் குத்தகைக்கு விடப்பட்டிருந்தால், அவற்றை கையகப்படுத்த முதல்வர் உத்தரவிட்டுள்ளார்[10]. சில நிலங்களின் மீது வழக்குகள் நிலுவையில் உள்ளன. இவ்வாறு விவாதம் நடந்தது.

“மீண்டும் நான் வெற்றிபெற்றால் கோவில் நிலங்களில் குடியிருப்பவர்கள் அனைவருக்கும் பட்டா வழங்குவேன்”: தமிழகத்து நாத்திக அமைச்சர் பகுத்தறிவோடு பேசியது, “மீண்டும் நான் வெற்றிபெற்றால் கோவில் நிலங்களில் குடியிருப்பவர்கள் அனைவருக்கும் பட்டா வழங்குவேன்”, என்று திருவொற்றியூர் தொகுதி திமுக வேட்பாளர் அமைச்சர் கே.பி.பி.சாமி மார்ச் மாதம் திருவொற்றியூர் பஸ்நிலையம், ஜீவன்லால் நகர், மாணிக்கம் நகர், திரு நகர், பாரதி நகர் மற்றும் வடிவுடையம்மன் கோவில் சன்னதி தெருக்களில் தெருதெருவாக சென்று வாக்கு சேகரிக்கச் சென்றபோது வாக்களித்தார்[11]. ஆறு மாதங்கள் ஆகின்றன, அந்த பழமை வாய்ந்த திருவொற்றியூர் மக்கள் மற்ரும் தமிழக மக்கள், ஏன் இந்தியர்கள் இதை ஞாபகத்தில் வைத்திருக்கிறார்களா? செக்யூலரிஸத்துடன், “சர்ச்-மசூதி நிலங்களில் குடியிருப்பவர்கள் அனைவருக்கும் பட்டா வழங்குவேன்”, என்று பேசவில்லையே? ஆமாம், கோவில் நிலங்களில் கிருத்துவர்களும், முஸ்லீம்களே ஆக்கிரமித்துக் கொண்டு, வாங்கவும் செய்கிறார்களே?

திராவிடக் கட்சிகள் நாத்திகத்தைக் கடைப்பிடிப்பதால் கோவில் நிர்வாகம் செய்ய அவர்களுக்கு அருஜதை இல்லை: முதலில் இதை தமிழக ஆட்சியாளர்கள் புரிந்து கொள்ளவேண்டும். குங்குமம்-விபூதி வைத்துக் கொண்டே அல்லது இல்லாமலேயோ நாத்திகம், பகுத்தறிவு, பெரியாரிஸம் பேசுபவர்கள் கோவில்களுக்கு எந்த நன்மையும் செய்ய முடியாது என்பது கடந்த 60 ஆண்டு நாத்திக ஆட்சி தெள்ளத்தெளிவாக மெய்ப்பித்து விட்டது. ஆகவே, அவர்கள், உடனடியாக விலகி நிற்க்க வேண்டும், இல்லையென்றால் இருக்கின்ற  கோவில்களும் உருப்படாமல் போய் விடும். திருமூலர் சொன்னது நடந்து விடும்.

திராவிட கட்சிகள் பலவழிகளில் கோவில் நிலங்களைக் கொள்ளையடித்து வருகின்றன.

  1. இந்து அறநிலையத்துறைக்குப் பிறகு குடிசை மாற்றுவாரியம் மூலம்[12] கோவில் நிலங்களை ஆக்கிரமிக்க முயலும் நாத்திக அரசு!
  1. இப்பொழுதுள்ள ஆட்சியிலும் கொள்ளை தொடர்கிறது[13]. அதன் மர்மங்களை யார் விலக்குவார்கள் / விளக்குவார்கள்?
  1. மிரட்டப்படும் மடாதிபதிகள் – அதன் மூலம் அவர்களது / மடங்களது நிலம் அபகரிக்கப் படுவது[14].
  1. இந்து அறநிலையத் துறையே கோவில் நிலங்களைக் கொள்ளையடிப்பது[15].
  1. அறநிலைய மந்திரி ஒத்துப் போவது[16].

இப்படி அடுக்குக் கொண்டு போகலாம். அவர்கள் மாறா விட்டால் மக்கள் மாற்ற வேண்டும், மக்களும் அவர்களோடு ஒத்துழைத்தல் மக்களைத்தான் மாற்ற வேண்டும் அல்லது அவர்கள் தம்மையே மாற்றிக் கொள்ள வேண்டும், இல்லையென்றால், மாலிக்காபூர்,-ஔரங்கசீப் போன்று இவர்களே இருக்கின்ற கோவில்களை இடித்து விடலாம், ஒரேயடியாக பிரச்சினைகள் தீர்ந்து விடும்.

வேதபிரகாஷ்

01-09-2011


[1] தினமலர், முறைகேடாக குத்தகைக்கு விடப்பட்ட கோவில் நிலங்கள் கையகப்படுத்தப்படும், http://www.dinamalar.com/News_Detail.asp?Id=304950

[2] அதாவது “பிக்னிக்” ஏற்பாடு செய்ய பேசுகிறாரே தவிர, கோவிலைப் பற்றி பேசுவதாகத் தெரியவில்லை. அப்படி செய்தால், கோவில்கள் எப்பொழுதுமே திறந்து வைத்திருப்பார்களா அல்லது அதே மாதிரி ஆகம முறைகளை மீறி செயல்படுவர்களா?

[3] கோவில்களை சீரழிக்கின்றனரே, அதைப் பற்றி வெளிநாட்டவர் கவலைப் படமாட்டார்கல் போலும். கோவில் சிலைகளை, விக்கிரங்களை வெளிநாட்டவர்களுக்கு விற்க்கின்ரனரே, அதற்கு தமிழர்கள் வெட்கப்படவில்லையே?

[4] ஆமாம், இதுவும் தூக்குத் தண்டனை விவாதம் போல ஆகிவிட்டது.

[5] நக்கல் அடிக்கிறாரா இல்லை பெருமை பேசுகிறாரா என்று தெரியவில்லை, அம்மாவிற்குத் தெரிந்தால், அதோகதிதான்!

[6] அதென்ன அப்படி “பெண்கள் முன்னேற்றத்தை”ப் பற்றி இப்படி கவலை படுகிறார் என்று தெரியவில்லை. சினிமா எடுப்பதினால், பல பெண்களின் கற்பு தான் விலைபோகிறது, சமுதாயம் சீரழிகிறது. அதைத் தெரிந்தும் தெரியாதது போல பேசியுள்ளது வேடிக்கைத்தான்! ஒருவேளை, இவரே படங்களை எடுப்பார் போலும்!

[7] சேர-சோழ-பாண்டியர்கள் எல்கோரையும் வென்று விடுவார்கள் இவர்கள். அயல்நாட்டு சித்தாந்த்தை வைத்துக் கொண்டு செயல்படும், இவர்களது தாய்ப்பாற்றே வினோதமானது தான். ஆகையால் தான் இப்படி தாறுமாறாக பேசுகிறார் போலும்!

[8] அதாவது அவ்வாறு செய்யாதே, அவர்களுக்கே பட்டா போட்டுக் கொடுத்து விடு என்கிறார், தாராளப் பிரபு!

[9] https://atheismtemples.wordpress.com/2011/08/20/gingee-kothandaramar-temple-liberated-from-the-christians/

https://atheismtemples.wordpress.com/2011/08/21/gingee-temple-liberated-duties-of-hindus/

http://christianityindia.wordpress.com/2010/05/19/%E0%AE%95%E0%AE%BF%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-https://atheismtemples.wordpress.com/2010/02/08/%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%B5%E0%AE%BF%E0%AE%B8%E0%AF%8D%E0%AE%B5%E0%AE%B0%E0%AF%82%E0%AE%AA%E0%AE%AE%E0%AF%8D-%E0%AE%8E%E0%AE%9F/%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AF%88/

http://christianityindia.wordpress.com/2010/02/03/%E0%AE%95%E0%AE%BF%E0%AE%B1%E0%AE%BF%E0%AE%B8%E0%AF%8D%E0%AE%A4%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%A4%E0%AE%BF%E0%AE%9F%E0%AF%80%E0%AE%B0%E0%AF%86%E0%AE%A9-%E0%AE%9A%E0%AF%8A/

[10] இவர் என்ன செய்யப்போகிறார் என்று ஒன்றும் சொல்லவில்லை. தலையாட்டி அமைச்சர்கள் இப்படியிருந்தால், என்ன வேலை நடக்கும்?

[15] திராவிட ஆட்சியில் அவர்களுக்கு இதெல்லாம் கைவந்த கலை – “இந்து” அறநிலைத்துறையே அத்தகைய அநியாயத்தைச் செய்துள்ளது: இதோ இங்கு படிக்கவும்:

http://vedaprakash.indiainteracts.in/2008/08/27/tenants-of-mutt-and-temple-lands-seek-ownership-rights-the-tn-government-scam-to-grab-the-temple-lands/

இவ்வாறு விற்பது, சங்கம் உருவாக்குவது, கோர்ட்டுக்குச் செல்வது, இடைக்காலத் தடை வாங்குவது, காலம் கடத்துவது, அதற்குள் கட்டிடங்கள் கட்டி அனுபவிப்பது….இருக்கும் அதிகார வர்க்கமெல்லாம் நாத்திகவாதிகள்தாமே? எதைப்பற்றியும் கவலைப்படுவதில்லை!

செஞ்சி கோவில் வழக்கு: இந்துக்களும், கிருந்துவர்களும் தெரிந்து கொள்ள வேண்டியவை என்ன?

ஓகஸ்ட்20, 2011

செஞ்சி கோவில் வழக்கு: இந்துக்களும், கிருந்துவர்களும் தெரிந்து கொள்ள வேண்டியவை என்ன?


தமது மூலங்களை-வேர்களை மறந்த மதம் மாறிய முகமதியர்கள், கிருத்துவர்கள்: முகமதியர்-ஐரோப்பியர்கள் வந்தபோது, இந்நாட்டின் கலாச்சாரம், பாரம்பரியம், நாகரிகம் முதலியவற்றை அழித்துவிட பலவழிகளில் முயன்றனர். துரதிருஷ்டவசமாக, மதம் மாறிய இந்துக்கள் அதாவது இப்பொழுது முகமதியர் / முஸ்லீம்கள், கிருத்துவர்கள் என்று உலாவரும் இந்தியர்கள், தமது நாட்டின் கலாச்சாரம், பாரம்பரியம், நாகரிக மூலங்களை அறிந்து அறியாதவாறு, வேர்களை வெட்டிவிட்டு, ஏதோ தாம் மத்தியத்தரைகடல் நாடுகளிலிருந்து வந்தது போல நடித்துக் கொண்டு, இந்தியாவை வெறுத்து வருகின்றனர். ஆகவே, அவர்கள் தமது மூலங்கள்-வேர்களை அறிந்து கொண்டு, இந்திய பண்பாடு, கலாச்சாரம், பாரம்பரியம், நாகரிகம் முதலிய காரணிகளுடன் பிணைத்துக் கொண்டு வாழவேண்டும். சமீபத்தைய செஞ்சி கோவில் வழக்கு அந்த உண்மையினை எடுத்துக் காட்டுகிறது.

செஞ்சியின் சுருக்கமான சரித்திரம்: செஞ்சியின் கடந்த 500-600 வருட கால சரித்திரம், அந்நிலையை அதிகமாகவே எடுத்துக் காட்டுகிறது. பல்லவ, சோழ, பாண்டிய, விஜயநகர, நாயக்கர் காலங்களைச் சேர்ந்த கல்வெட்டுகள் செஞ்சியில் காணப்படுகின்றன[1]. 15ம் நூற்றாண்டிலிருந்து நாயக்க மன்னர்கள் செஞ்சியின் முன்னேற்றத்திற்கு பல காரியங்களை செய்துள்ளனர்.ஆனால், 1564ல் முகமதியர்களால் விஜயநகர ராஜா விரட்டப்பட்டு, செஞ்சி  ஆக்கிரமிக்கப்பட்டது. அவர்களது ஆட்சிக் காலத்தில் கோவில்கள் பெரும்பாலும் கொள்ளையடிக்கப்பட்டன, இடிக்கப்பட்டன, அவ்விடங்களில் மசூதிகள் கட்டப்பட்டன. 1712ல் செஞ்சி ராஜாவிற்கும், ஆங்கிலேயர்களுக்கும் இடையே, டேவிட் கோட்டையில் சண்டை நடந்தது[2]. 1721ல் ராஜா தேசிங் கப்பம் கட்டாததால் ஆர்காட் நவாப் படையெடுத்தான். சதத்துல்லா என்பவனின் கீழ் முகமதிய படை செஞ்சியை முற்றுகையிட்டது. போரில் கொல்லப்பட்டான். தேசிங்குவின் பெயர் தேஜ் சிங் என்பதாகும். ராஜஸ்தான் கவர்னர், சவரூப் சிங் என்பவரின் மகன். ராஜா தேசிங்கின் உடல் செட்டிக்குளத்தில் உள்ள மண்டபத்தில் தகனம் செய்யப்பட்டு அந்த இடத்தில் ஒரு கல்வெட்டும் பதிக்கப்பட்டது. ஆனால் அது 1878லேயே காணவில்லை என்று ஆர்காடு கெசட்டியர் குறிப்பிடுகிறது[3]. 1749ல் அன்வருத்தூன் ஆம்பூர் போரில் கொல்லப்பட்டவுடன், முறைதவறிய வழியில் பிறந்தவனான முஹம்மது அலி செஞ்சியைப்பிடித்துக் கொண்டான்[4]. பிரெஞ்சுக்காரர்களும், சந்தாசாகிப் (முகலாயர்களும்) சேந்து கொண்டு, கோவில்கள் தாக்கப்படக்கூடாது என்றால், பணம் கொடுக்க வேண்டும் என்று மிரட்டி பணம் சம்பாதித்தனர்[5].

செஞ்சியில் இந்து கோவில்களின் நிலை: நாயக்க மன்னர்களும், விஜயநகர மன்னர்களும் கட்டிய மிகப்பெரிய கோவில்கள், முகலாயர்-ஐரோப்பியர் நடத்திய போர்களில் சேதப்படுத்தப்பட்டன. கலைநயம்மிக்க பட்டாபிராமர் கோவிலில் இருந்த உயரமான துண்களை பிரெஞ்சு ஆட்சியின் போது, புதுச்சேரி கடற்கரையை அழகு படுத்த எடுத்துச் சென்றனர்[6]. 1860ல் பலியா என்ற ஜைன அதிகாரி மற்றும் சென்னை மாகாண அரசு உறுப்பினர், செஞ்சியிலிருந்து சித்தாமீர் என்ற இடத்திற்கு நிறைய சிற்பங்களையும், கற்தூண்கள் முதலியவற்றை எடுத்துச் சென்றுள்ளார்[7]. ஆங்கிலேயர்களும் இந்த விஷயத்தில் சளைத்தவர்கள் இல்லை. 1858ல் ஆர்க்காடு கலெக்டர், ஸ்ரீ பட்டாபி ராமஸ்வாமி கோவிலின் அழகுமிகு தூண்களை எடுத்து கால். நீல் சிலையின் பீடத்துக்குக் கீழ் வைக்க “ஐடியா” கொடுத்தார்[8] (அதாவது கோவில் தூண்களை அந்த அளவிற்கு இழிவு படுத்தவேண்டும் என்பதுதான் அவர்களது எண்ணம்). இன்றும் சிறப்பான கட்டுமானத்துடன் காணப்படும் செஞ்சிக் கோட்டை வெங்கடரமணர் கோவிலை வழிபாட்டுக்கு அனுமதிக்க வேண்டும் என்று நீண்ட நாட்களாக கோரிக்கை விடுத்து வருகின்றனர்.இந்த கோவில்களில் மீதமிருக்கும் மண்டபங்கள், கோபுரங்கள், இதில் உள்ள சிற்பங்களும், பாரம்பரியத்தின் மீதும், கலையின் மீதும் அக்கறை உள்ள ஒவ்வொருவரையும் வருத்தமடையச் செய்யும். கோடிக்கணக்கில் செலவு செய்து புதிய கோவில்களை கட்டுவதற்கு முன், பழமையான கோவில்களை பராமரிப்பதும், அழிவில் இருந்து தடுப்பதும் ஒவ்வொருவரின் கடமையாகும்

செஞ்சி ஶ்ரீ கோதண்டராமர் கோவில்: இவ்விதமாக சுதந்திரத்திற்கு முந்தைய சரித்திரம் இருக்கும்போது, சுதந்திரத்திற்குப் பிறகு, திடீரென்று ஒரு கிருத்துவ பாதிரி, சங்கராபரணி ஆற்றங்கரையில் உள்ள ஸ்ரீகோதண்டராம கோவிலுடன் சேர்ந்த இடம் முழுவதும் தமக்குச் சொந்தம் என்று ஆரம்பித்தபோது, இன்னொரு புதிய பிரச்சினை தோன்றியது. இப்பிரச்சினையைப் பற்றிய என்னுடைய முந்தைய பதிவுகள்[9].

நாத்திக ஆட்சியாளர்கள் காலத்திலும் முகமதியர் போன்ற நிலை தொடரும் விதம் (பிப்ரவரி 2010)[10]: செஞ்சியில் உள்ள கோதண்டராமர் கோவில் பிரச்னையில் தமிழக அரசு தீர்க்கமான நடவடிக்கை எடுக்க வேண்டும். தமிழகத்தில் உள்ள புராதன நகரங்களில் விழுப்புரம் மாவட்டத்தில் உள்ள செஞ்சியும் ஒன்று. 13ம் நூற்றாண்டில் தமிழ் மன்னர்கள் இங்கு கட்டத் துவங்கிய கோட்டையை விஜயநகர மன்னர்கள், நாயக்க மன்னர்கள் தொடர்ந்து பலம் பொருந்திய கோட்டையாக கட்டினர். ஒரு ராஜ்ஜியத்தின் தலைமையிடமாக விளங்கிய செஞ்சிக் கோட்டையை சுற்றி பல கோவில்கள் உருவாக்கப்பட்டன. இந்தியர்களின் பண்பாடு, கலை, கலாசாரத்தை விளக்கும் நகரங்களில் ஒன்றாக 18ம் நூற்றாண்டு வரை வெகு சிறப்போடு செஞ்சி விளங்கியது. இந்து மன்னர்களின் ஆட்சி முடிவுக்கு வந்த பிறகு செஞ்சிக்கு சரிவு ஏற்படத் துவங்கியது. தெய்வ வழிபாட்டின் மூலம் ஒழுக்கத்தையும், நற்பண்புகளையும், கலையையும் வளர்க்க முன்னோர் உருவாக்கிய கலைப் பொக்கிஷமாக விளங்கிய கோவில்கள், சிலைகள் சீரழிக்கப்பட்டன. விலைமதிப்பு மிக்க பஞ்சலோக சிலைகள் திருடப்பட்டன. இப்போது பல கோவில்கள், சுவாமி சிலைகள் இல்லாத வெற்றிடமாக காட்சி தருகின்றன.
மதப்பிரச்சினையான கோவில் இடம் (டிசம்பர், 2009): இது போன்ற கோவில்களில் செஞ்சி சங்கராபரணி ஆற்றங்கரையில் உள்ள கோதண்டராமர் கோவிலும் ஒன்று. நாயக்கர்கள் காலத்தை சேர்ந்த 500 ஆண்டுகள் பழமையான இக்கோவிலில் வழிபாடு நின்றிருந்த காலத்திலும், சிங்கவரம் அரங்கநாதர், பீரங்கி மேடு ஏகாம்பரேஸ்வரர் கலந்து கொண்ட மாசி மக தீர்த்தவாரி தடையின்றி நடந்தது. ஏகாம்பரேஸ்வரர், கோதண்டராமர் கோவில் உள்ளே படித்துறை வழியாக சென்று சங்கராபரணி ஆற்றில் இறங்கி தீர்த்தவாரி நடக்கும். பின், ஆற்றின் நடுவே உள்ள நீராழி மண்டபத்தில் பக்தர்களுக்கு சுவாமி காட்சி தருவார். சிங்கவரம் ரங்கநாதர் சுவாமி, திண்டிவனம் ரோட்டில் உள்ள நெடுஞ்சாலைத் துறை பயணியர் விடுதி வழியாக சங்கராபரணி ஆற்றில் இறங்கி தீர்த்தவாரி நடக்கும். பின், பாலத்தின் அருகிலுள்ள மண்டபத்தில் சுவாமி எழுந்தருள்வார். இதன் பிறகு, கோதண்டராமர் கோவிலில் வழிபாட்டை ஏற்படுத்த அறக்கட்டளை துவக்கி பஜனை, யாகம், பாகவத சொற்பொழிவுகள் நடத்தினர். பின், சிலை வைத்து வழிபாடு நடத்தினர். கடந்த டிசம்பர் மாதம் 5ம் தேதி 2009, கோவில் இடத்தில் அறக்கட்டளைக்கு தொடர்பில்லாத நபர், தனது டிராக்டரில் பொருத்திய புதிய ஏர் கலப்பையை சரிபார்க்க கோவில் அருகில் இருந்த இடத்தை உழுதார். இதன் பிறகே பிரச்னை உருவாகி டிச., 7ம் தேதி கோவில் இடம் கிறிஸ்தவர்களுக்கு சொந்தமானது என செஞ்சி பங்கு தந்தை ஜோசப் ஆல்பர்ட், போலீசில் புகார் செய்தார். மதம் சம்பந்தமான பிரச்னை என்பதால் போலீசார் பிரச்னையை தாசில்தார் சங்கரனுக்கு பரிந்துரைத்தனர். பிறகு டிச., 16ம் தேதி முதல் சமாதான கூட்டம் திண்டிவனம் சப் -கலெக்டர் மஞ்சுளா தலைமையில் நடந்தது.
கிருத்துவர்கள் வைணவ கோவில் நிலத்தை சைவ மடாதிபதியிடமிருந்து 1878ல் வாங்கினாராம்! கோதண்டராமர் கோவில் உள்ள சர்வே எண் 67-1 உள்ள 1.70 ஏக்கர் நிலத்தை கடந்த 1878ம் ஆண்டு விழுப்புரம் தாலுகா மயிலம் தேவஸ்தான ஆதீனம் பரம்பரை தர்மகர்த்தா சிவாக்கியா பாலய சுவாமிகளிடம் இருந்து, திண்டிவனம் தாலுகா செம்மேடு மதுரா வேலந்தாங்கல் ரெவரெண்டு எப். டாருஸ் என்பவர் 500 ரூபாய்க்கு கிரயம் வாங்கியதாக பத்திரத்தை, கிறிஸ்தவர்கள் தாக்கல் செய்தனர். இந்துக்கள் தரப்பில் ஆவணங்களை தாக்கல் செய்ய ஒரு மாத கால அவகாசம் கேட்டதால் ஜன., 20ம் தேதிக்கு கூட்டத்தை தள்ளி வைத்தனர். அதுவரையில் இரு தரப்பினரும் பிரச்னைக்குரிய இடத்திற்கு செல்லக் கூடாது. சம்பந்தப்பட்ட இடத்தில் எந்த மாற்றமும், மாறுதலும் செய்யாமல் இருக்க தீர்மானம் நிறைவேற்றினர். கிருத்துவர்கள் வைணவ கோவில் நிலத்தை சைவ மடாதிபதியிடமிருந்து 1878ல் வாங்கினார் என்ற விஷயமே சர்சசைக்குரியதாக உள்ளது. இது ஆங்கிலேயர்களின் சைவ-வைணவ வேறுபாட்டை வளர்க்க ஏற்படுத்தப்பட்ட சதியாகக் கூட இருக்கலாம்.
பூஜை நிறுத்தப்படலும், நிலம் அளக்கப்படலும்: பின், ஜன., 20, 2010ல் கூடிய கூட்டத்தில் இரு தரப்பிலும் சமர்ப்பித்த ஆவணங்களின் உண்மை தன்மையை வருவாய்த் துறையினர் ஆய்வு செய்வது, பிப்., 1ம் தேதி கோவில் இடத்தை இருதரப்பினர் முன்னிலையில் சர்வேயர்களை கொண்டு அளப்பது. பின், பிப்., 3ம் தேதி மீண்டும் சமாதானக் கூட்டம் நடத்துவது என தீர்மானித்தனர். இதன்படி கடந்த 1ம் தேதி கோவில் இடத்தை அளப்பதை கண்காணிக்க அதிகாரிகள் வருவதற்கு முன், பங்கு தந்தை ஜோசப் ஆல்பர்ட், சொத்து பாதுகாப்பு குழுத் தலைவர் ஆசிரியர் செல்வராஜ், பிரச்னைக்குரிய இடத்திற்கு வந்தனர். அப்போது கோவிலில் அர்ச்சகர் சரவணன், பூஜைகளை செய்து கொண்டிருந்தார். பூஜையை நிறுத்தி கோவிலை பூட்டுமாறு ஜோசப் ஆல்பர்ட்டும், செல்வராஜூம் கூறியதால் பதட்டம் ஏற்பட்டது. அங்கு வந்த தாசில்தார் சங்கரன், கோவிலை பூட்டி சாவியை வாங்கினார். இவ்விதமாக, இந்தியக் கிருத்துவர்கள், ஆட்சியாளர்கள் நடந்து கொண்டர்கள் என்றால், அவர்கள் எந்த அளவிற்கு, இந்துக்களின் அடிப்படை உரிமகளை மதிக்கிறார்கள் என்பதனை அறிந்து கொள்ளலாம்.
இந்து-கிருத்துவ பேச்சுவார்த்தைக் கூட்டங்கள்: இதன் பிறகு இந்துக்கள் தரப்பில் பதட்டம் ஏற்பட்டது. அதுவரை நடந்த சமாதான கூட்டத்தில் உள்ளூர் பிரமுகர்கள் மட்டும் கலந்து கொண்ட நிலையில், 3ம் தேதி நடந்த மூன்றாவது கூட்டத்தில் கலந்து கொள்ள இந்து முன்னணி மாநில நிர்வாகக் குழு உறுப்பினர் காஞ்சி கண்ணன், மாவட்ட பொதுச் செயலர் நேரு ஆகியோரும், கிறிஸ்தவர்கள் தரப்பில் புதுச்சேரி மாவட்ட சொத்து பாதுகாப்புக் குழுவைச் சேர்ந்த அருட்தந்தை அருள்புஷ்பம் வந்தனர். இரு தரப்பிலும் பலர், தாசில்தார் அலுவலகம் முன் திரண்டதால், விழுப்புரத்தில் இருந்து அதிரடிப்படை போலீசார் குவிக்கப்பட்டனர். வெளியூரில் இருந்து வந்தவர்களைக் கொண்டு கூட்டம் நடத்தினால் சிக்கலாகி விடும் என கருதிய போலீசார், மூன்று கட்டமாக கூட்டத்தை நடத்த சப்- கலெக்டர் மஞ்சுளாவிடம் கேட்டனர். இதனால், முதலில் இந்துக்களை மட்டும் அழைத்து கூட்டம் நடத்தி கருத்து கேட்டனர். அடுத்து கிறிஸ்தவர்களிடம் கருத்து கேட்டனர். மூன்றாவதாக நடந்த கூட்டத்தில் ஏற்கனவே நடந்த கூட்டத்தில் கலந்து கொண்ட உள்ளூர் நபர்களை மட்டும் அனுமதித்தனர். மற்றவர்களை தாசில்தார் அலுவலக வளாகத்தில் இருந்து வெளியேற்றினர். இந்துக்கள் தரப்பில் எட்டு பேரும், கிறிஸ்தவர்கள் தரப்பில் ஒன்பது பேரும் கலந்து கொண்டனர். இந்துக்களுக்கு இடம் ஒதுக்குவது சம்பந்தமாக, பேராயரை கேட்டு முடிவு தெரிவிப்பதாக கிறிஸ்தவர்கள் தரப்பில் கூறப்பட்டது. இதற்கு ஒப்புக் கொண்டு 15ம் தேதிக்கு கூட்டம் ஒத்தி வைக்கப்பட்டது.

இந்துக்களுக்கு இடம் ஒதுக்குவது சம்பந்தமாக, பேராயரை கேட்டு முடிவு தெரிவிப்பதாக கூறிய கிறிஸ்தவர்கள்: இந்துக்களுக்கு இடம் ஒதுக்குவது சம்பந்தமாக, பேராயரை கேட்டு முடிவு தெரிவிப்பதாக கிறிஸ்தவர்கள் தரப்பில் கூறப்பட்டது வேடிக்கையிலும், வேடிக்கை. இதில் எங்கு பேராயர் வந்தார், அல்லது அவருக்கு என்ன இதில் வேலை என்றதெல்லாம் மர்மமாக உள்ளது. இது சாதாரண நிலப்பிரச்சினை போலல்லாது, வேறோதோ திட்டமிட்ட ஒரு பெரிய பிரச்சினையை உண்டாக்க மனத்தில் வைத்துக் கொண்ட செயல்பட்ட முறை நன்றாகத் தெரிகிறது. ஏனெனில், இந்துக்களும் அவ்வாறு நினைத்திருந்தால், தங்களது மதத்தலைவர்களை அழைத்து வருவோம் என்று பிரச்சினையை வளர்த்திருக்கலாம். ஆனால், உள்ளூரிலேயே அவர்கள் அமைதியாக போராடிய நிலை போற்றுவதாக உள்ளது.
இந்துக்களின் மீது அடிப்படை உரிமைகளையும் மீறி கட்டுப்பாடு விதித்தது: அதுவரை கோவிலில் வழிபாடு நடத்தாமல் இருக்க வேண்டும் என்ற பாரபட்சமான முடிவுக்கு எதிர்ப்பு தெரிவித்து இந்து முன்னணி மாவட்ட செயலர் சிவசுப்ரமணி, கோதண்டராமர் கோவில் அறக்கட்டளை நிறுவனர் ரங்க ராமானுஜதாசர், கணேசன், பழனி, தமிழ்ச்செல்வி வெளிநடப்பு செய்தனர். கோபிநாத், அரங்க ஏழுலை, ஏழுமலை தீர்மானத்தில் கையெழுத்திட்டனர். கூட்டம் முடிந்த சிறிது நேரத்தில், காஞ்சி கண்ணன் தலைமையில் இந்துக்கள், கோவிலில் வழிபாடு நடத்தச் சென்றனர். போலீசார் அவர்களை தடுத்து நிறுத்தியதால் பரபரப்பு ஏற்பட்டது. பின், கோவிலுக்கு வெளியே தேங்காய் உடைத்து, கற்பூரம் ஏற்றி வழிபட்டு கலைந்து சென்றனர். கோதண்டராமர் கோவிலை பூட்டியதற்காக தமிழகம் முழுவதும் போராட்டம் நடத்தப்படும் என இந்து முன்னனியினர் அறிவித்துள்ளனர்.
பிரச்சினைத் தீர்ப்பதற்கு பதிலாக கோவிலைப் பூட்டிய கலெக்டர்: சப் – கலெக்டர் மஞ்சுளா தலைமையில் கூட்டம் நடத்த இந்து முன்னணியினர் எதிர்ப்பு தெரிவித்துள்ளனர். கலெக்டர் தலைமையில் கூட்டம் நடத்த வேண்டும் என்ற கோரிக்கைக்கு அரசு தரப்பில் இதுவரை பதில் இல்லை. இந்த பிரச்னையில் அடுத்த கட்டமாக, இந்து அறநிலையத்துறை தலையிட வேண்டும் என்று செஞ்சி அருணாச்சலேஸ்வரர் கோவில் வழிபாட்டுக் குழு உறுப்பினர் லோகஜெயராமன், சிங்கவரம் ரங்கநாதர் கோவில் தேர் திருப்பணிக் குழு உறுப்பினர் ஏழுமலை கோரிக்கை விடுத்துள்ளனர். 500-600 வருடகாலத்தைய கோவிலை யாரும் விற்க்கவோ வாங்கவோ முடியாது என்ற அடிப்படையைக் கூடத் தெரிந்தும், தெரியாதது மாதிரி நடித்து செயல்பட்ட கலெக்டர், கோவிலை பூட்டி, போலீஸாரையும் காவலுக்கு வைத்தது தான், உச்சக்கட்ட தமாஷா எனலாம்.
நிலவிலை உயர்ந்து வருகிறது என்று காரணம் கூறுவது – பிரச்னைக்கான காரணம்: இந்துக்களும், கிறிஸ்தவர்களும் ஒற்றுமையாக இருந்த செஞ்சியில் இப்போதைய பிரச்னைக்கு இப்பகுதி விவசாய நிலங்கள் வீட்டு மனைகளாக மாறி வருவதே முக்கிய காரணம்.பிரச்னைக்குரிய இடத்தை ஒட்டிய பகுதியில் ஒரு ஏக்கர் நிலம் இரண்டு கோடி ரூபாய்க்கு விலை போகிறது. பிரச்னைக்குரிய இடத்தின் மதிப்பு மூன்று கோடிக்கு உயர்ந்துள்ளது. இதனால் இந்த இடம் யாருக்கு சொந்தம் என்பதில் இரு தரப்பிலும் போட்டி ஏற்பட்டுள்ளது. இந்த இடத்தில் இந்து கோவில் உள்ளது என்பதற்கு கோபுரங்களும், மண்டபங்களும் மறுக்க முடியாத சாட்சி. இந்த இடம் தாங்கள் கிரயம் பெற்றது என கிறிஸ்தவர்கள் ஆவணங்கள் சமர்ப்பித்துள்ளனர். எனவே, இந்த இடத்தை இரு தரப்பினரும் இழக்க தயாராக இல்லை.இரு தரப்பினரும் ஏற்றுக் கொள்ளும் விதமான தீர்க்கமான, முடிவான திட்டத்தை தமிழக அரசு எடுக்க வேண்டும். இப்பிரச்னையை தொடரச் செய்வதும்; காலம் கடத்துவதும் செஞ்சி பகுதியின் அமைதி கெடுவதற்கு வழி வகுக்கும்.
சமாதான கூட்டத்தில் நடந்தது என்ன? செஞ்சி கோதண்டராமர் கோவில் பிரச்னை கூறித்து மூன்று கட்டமாக சமாதானக் கூட்டம் நடந்தது. முதல் கூட்டத்தில் இந்துக்கள் மட்டும் அனுமதிக்கப்பட்டனர். இதில் காஞ்சி கண்ணன் பேசுகையில், “இந்து கோவில் என்பதற்கு மண்டபங்கள், ராஜகோபுரம், கருவறையே சாட்சி. இந்து கோவில்கள் இந்துக்களுக்கு சொந்தமானது. இதை வாங்கியதும், விற்பனை செய்ததும் செல்லாது. கோவிலை பூட்டியவர்களை தேசிய பாதுகாப்பு சட்டத்தில் கைது செய்ய வேண்டும். கோவில் இடத்திற்கான அரசு ஆவணங்களை முறைகேடாக திருத்தி உள்ளனர். இதை ஆய்வு செய்து திருத்தியவர்கள் மீது தேசிய ஒழுங்கு சட்டத்தில் நடவடிக்கை எடுக்க வேண்டும்.கிரய பத்திரத்தில் குறிப்பிட்டுள்ளதை போல் சொத்தின் மூலப்பத்திரம், டிரஸ்டி பத்திரத்தை ஏன் ஒப்படைக்கவில்லை. இப்போது பட்டாவில் உள்ள காண்டியார் என்பவர் யார், அவரின் தந்தை பெயர் என்ன? கிரயம் பெற்ற டாரூசுக்கும், காண்டியாருக்கும் என்ன உறவு, என கேள்வி எழுப்பினார். அடுத்து கிறிஸ்தவர்களுக்கு மட்டும் நடந்த கூட்டத்தில், அவர்கள் தரப்பில் வக்கீல் பாலசுப்பிரமணியன் பேசுகையில், இந்துக்கள் தரப்பில் இந்து கோவில் தான் என்பதற்கும், அதில் தங்களுக்கு உள்ள உரிமைக்கும் எந்தவிதமான ஆவணங்களையும் தாக்கல் செய்யவில்லை என்றார். பங்கு குரு ஜோசப் ஆல்பர்ட் பேசுகையில், காண்டியார் என்பது பிரெஞ்ச் பெயர், செஞ்சி செயின்ட் மிக்கேல் சர்ச்சில் பாதிரியாராக இருந்தவர். இவரது கல்லறை சர்ச்சின் பின்புறம் உள்ளது. இந்த விஷயங்கள் எதற்கு என்று தெரியவில்லை.
2000 வருடத்தில் நடந்த வழக்கை தள்ளுபடி செய்தது: “காண்டியாருக்கு கொடுத்த பட்டாவை ரத்து செய்யக் கோரி 2000வது ஆண்டு, செஞ்சி கோர்ட்டில் தொடர்ந்த வழக்கை தள்ளுபடி செய்து வழக்கு தொடர்ந்தவருக்கு கோர்ட்டில் 250 ரூபாய் அபராதம் விதித்துள்ளனர். போலீசார் நாங்கள் கொடுத்த புகார் மீது நடவடிக்கை எடுக்கவில்லை. எங்கள் சொத்தில் பிரவேசித்தவர்களை தடுத்து, அவர்கள் மீது நடவடிக்கை எடுத்திருந்தால் இந்த சமாதானக் கூட்டம் தேவையில்லை. சொத்துக்கான ஆதாரத்தை கொடுத்துள்ளோம். சொத்தை எங்களிடம் ஒப்படையுங்கள். கிரய பத்திரத்தை தவிர வேறு மூலப் பத்திரங்கள் கிடையாது. முதல் கூட்டத்தில் கோவிலுக்கு இடம் ஒதுக்கித் தர அவகாசம் கேட்டோம். இப்போது அதை தரமுடியாது. வேண்டுமானால் மார்க்கெட் மதிப்பிற்கு கிரயம் பெற்றுக் கொள்ளுங்கள் என்றார். பிறகு உள்ளூர் பிரமுகர்களை கொண்டு நடந்த மூன்றாவது கூட்டத்தில், இரு கூட்டங்களிலும் என்ன கோரிக்கை விடுத்தனர் என்பது குறித்து முழுமையாக அரசு தரப்பில் தெரிவிக்கவில்லை.
பத்திரம் உண்மையென்றால், நிலத்துடன் பழமையான கோவிலை விற்க்கமுடியுமா? இரண்டாவது கூட்டத்தில், பத்திரத்தின் உண்மை தன்மையை ஆய்வு செய்ததில் அது உண்மையானது என்று தெரிய வந்துள்ளதாக அரசு தரப்பில் அறிவித்தனர். இந்துக்கள் வழிபாட்டிற்கு கோரிக்கை விடுப்பது பற்றி கிறிஸ்தவர்கள் தான் முடிவு சொல்ல வேண்டும் என்று பொறுப்பை கிறிஸ்தவர்கள் மீது அரசு அதிகாரிகள் திணித்தனர். அவர்கள் தங்களின் பேராயரை கேட்டு முடிவை அறிவிப்பதாக தெரிவித்தனர். அதற்காக 10 நாள் அவகாசம் கேட்கப்பட்டது. இந்த அவகாசத்தை வழங்கி 15ம் தேதிக்கு கூட்டத்தை, சப்-கலெக்டர் மஞ்சுளா ஒத்தி வைத்தார். இரண்டு நாளில் கோவிலில் வழிபாடு நடத்த அனுமதிப்பதாக கூறித்தான் தாசில்தார், கோவில் சாவியை வாங்கினார். 15ம் தேதி வரை கோவிலில் பூஜைகள் நடத்தாமல் மூடிவைக்க முடியாது. வழிபட்டிற்கும், அபிஷேகம் செய்யவும் கோவிலை திறந்து விட வேண்டும் என, இந்துக்கள் தரப்பில் கோரிக்கை விடப்பட்டது. இது குறித்து கிறிஸ்தவர்கள் கருத்தை கேட்காமல், தற்போதுள்ள நிலையே நீடிக்க வேண்டும் என்று சப்-கலெக்டர் மஞ்சுளா அறிவித்தார். இதற்கு எதிர்ப்பு தெரிவித்து இந்துக்களின் ஒரு பகுதியினர் வெளிநடப்பு செய்தனர்.
செஞ்சியில் விஸ்வரூபம் எடுக்கும் கோவில் பிரச்னை : கிறிஸ்தவர்களுக்கு பட்டா வழங்கியதற்கு எதிர்ப்பு தெரிவித்து வழக்கு தொடர்ந்த செஞ்சி வக்கீல் பூபதி கூறுகையில்,“பீரங்கி மேட்டை சேர்ந்த கணேசன் சார்பாக, கடந்த 2000ம் ஆண்டு இந்து கோவில் உள்ள இடத்தின் பட்டா, கிறிஸ்தவரான காண்டியாருக்கு கொடுத்தது செல்லாது என்று வழக்கு தொடர்ந்தேன். இந்த வழக்கில் கலெக்டர், தாசில்தார், வி.ஏ.ஓ., காண்டியார் எதிர் மனுதாரராக சேர்க்கப்பட்டனர். வழக்கு நடந்த ஐந்து ஆண்டும் எந்த அடிப்படையில் பட்டா மாற்றம் செய்யப்பட்டது என்ற தகவலை அரசு தரப்பில், கோர்ட்டில் தெரிவிக்கவில்லை. அதிகாரிகள் ஆஜராகவும் இல்லை. காண்டியார் தரப்பில் சம்மனை இறுதிவரை பெறவில்லை. பேப்பரில் விளம்பரம் செய்து எக்ஸ்-பார்ட்டியாக வழக்கு முடிய வேண்டிய நிலையில், வழக்கு தொடர்ந்த கணேசன் உடல் நலம் இல்லாமல் சென்னை மருத்துவமனையில் அனுமதிக்கப்பட்டார். இவர், வழக்கில் ஆஜராகாமல் போனதால் வழக்கை தள்ளுபடி செய்தனர். வழக்கில் சம்மன் அனுப்பிய தொகையைத்தான் அவரிடம் வசூலிக்க உத்தரவிட்டனர். இது அபராதம் கிடையாது. கிறிஸ்தவர்கள், மயிலம் ஆதினத்திடம் இருந்து 1878ல் கிரயம் பெற்று இருந்தாலும் செஞ்சி கோர்ட்டில் வழக்கு தொடர்ந்த 2000ம் ஆண்டு வரை இதை அனுபவித்ததற்கான ஆதாரம் கிடையாது.
130 வருடங்களாக உபயோகப்படுத்தாத நிலைத்தை வாங்கிய கிருத்துவர்: கிரயம் பெற்று இருந்தாலும், கிரயம் பெற்றவர் வேறு, பட்டா பெற்றவர் வேறு. கிரயப்பத்திரத்திலோ, பட்டா ரசீதிலோ கிறிஸ்தவர்களுக்கு சொந்தமானது என்று எந்த ஆதாரமும் கிடையாது. கிரையம் வாங்கியவர் தனிப்பட்ட நபர். அவரின் வாரிசுகள் யாரும் இதில் உரிமை கோரவில்லை. சொத்து யாருக்கு என்றும் அவர் எழுதி வைக்கவும் இல்லை. காண்டியார் பெயரில் பட்டா வழங்கி இருந்தாலும் அதை குறிப்பிட்ட காலத்திற்குள் டெலிவரி எடுக்க வேண்டும். (அனுபவத்திற்கு கொண்டு வர வேண்டும்) அதுவும் நடக்கவில்லை. இந்த சொத்தை, கிறிஸ்தவர்கள் உரிமை கொண்டாட எந்த முகாந்திரமும் இல்லை’ என்றார்.
மனதை புண்படுத்துகின்றனர் – வழக்கம்போல பரஸ்பர குற்றச்சாட்டுகள்: கிறிஸ்தவர்கள் சொத்து பாதுகாப்பு குழு தலைவர் செல்வராஜ், சமாதான கூட்டத்தில் பேசுகையில், “கிறிஸ்தவர்கள் கோவிலை பூட்டியதாக வரும் செய்திகள், கிறிஸ்தவர்கள் மனதை புண்படுத்துவதாக உள்ளது. நாங்கள் பிரச்னைக்கு உரிய இடத்திற்கு சென்ற போது அங்கே சரவணன், வெங்கடேசன் என இருவர் இருந்தனர். கோவிலில் பூஜை நடந்து கொண்டிருந்தது. முதல் கூட்டத்தில் யாரும் பிரவேசிக்கக் கூடாது என்று கூறியிருந்த போது, ஏன் வந்தீர்கள் கோவில் பூட்டையும், சாவியையும் என்னிடம் தாருங்கள் என வாங்கினேன். இதற்குள் அங்கு வந்தவர்கள் எங்களை மிரட்டினர். அப்போது அங்கு வந்த தாசில்தார், இந்துக்களை விட்டே கோவிலை பூட்டி சாவியை வாங்கினார். நாங்கள் வழிபாட்டை நிறுத்தியதாக கூறுவது தவறு”, என்றார். இந்துக்களின் கோவில், புராதனமான கோவில் என்ற எண்ணம் அவருக்கி இல்லாதது எதனைக்காட்டுகிறது? ஆனால், கிருத்துவ பாதிரி இந்துக்களை மிரட்டிய விவரங்களை பத்திரிக்கைகள் வெளியிடவில்லை. இந்த பிரச்னை தொடர்பாக இந்து முன்னணி மாவட்டச் செயலர் சிவசுப்பிரமணி கூறுகையில், “இதன் மூலம் இந்துக்களை பணிய வைக்க அரசு முயல்கிறது. எந்த அடிப்படையில் காண்டியார் பெயருக்கு பட்டா வங்கப்பட்டது என்று தகவல் அறியும் உரிமை சட்டத்தில் கேட்டதற்கு, அரசிடம் எந்த ஆவணமும் இல்லை என பதில் கொடுத்துள்ளனர். இது குறித்து மேல் முறையீடு செய்ய உள்ளேன்’ என்றார்.

செஞ்சி கோதண்டராமர் கோவில் விவகாரம் அனைத்து கட்சிகள் குரல் கொடுக்க வேண்டுகோள் (மார்ச் 2010)[11]: செஞ்சிக்கோட்டை கோதண்டராமர் கோவிலுக்காக தமிழகத்தில் உள்ள அனைத்து கட்சிகளும் குரல் கொடுக்க வேண்டும்என, பா.ஜ., மாநில தலைவர் பொன். ராதாகிருஷ்ணன் கூறினார். விழுப்புரம் மாவட்டம் செஞ்சியில் நிருபர்களிடம் அவர் கூறியதாவது: “செஞ்சி கோதண்டராமர் கோவிலை விலைக்கு வாங்கியதாக சொல்கின்றனர். இது, வெள்ளைக்காரன் விலைக்கு வாங்கியதை போல் உள்ளது. விலை போகும் அதிகாரிகளால், தவறான ஆவணங்கள் பதிவு செய்யப்படுகின்றன. இது திட்டமிட்ட சதி வேலை. நாளைக்கு என்னுடைய பெயரில் எக்மோரை விலைக்கு வாங்கினேன் என்றால், அங்கு ரயில்கள் போக முடியாது என உரிமை கொண்டாட முடியாது. அந்தக் கால மன்னர்கள் இடத்தை பிடித்ததை போல், இடம் பிடிக்கின்றனர். மத மாற்ற முயற்சிகளில் வெற்றி பெற முடியும் என்பது பகல் கனவு. அந்தந்த மத உரிமைகளில் தலையிடுவது ஏற்றுக்கொள்ள முடியாது. சர்ச், மசூதி இடங்களை விலை கொடுத்து வாங்கியது என்றால் ஏற்று கொள்வார்களா… செஞ்சி கோதண்டராமர் கோவில் கை விடப்பட்ட சொத்தா? தமிழகத்தில் தி.மு.க., முதல் அனைத்து கட்சிகளும் கோதண்டராமர் கோவிலுக்காக உரிமை குரல் கொடுத்து நியாயம் கேட்க வேண்டும். அப்படி நியாயம் கேட்கவில்லை என்றாலும் பா.ஜ., பார்த்துக் கொண்டு சும்மா இருக்காது. மதமாற்றங்களை அரசு தடுக்க வேண்டும். இப்பிரச்னையில் வெளிநாடு சதி உள்ளதா என்ற சந்தேகமும் எழுந்துள்ளது”, இவ்வாறு பொன்.ராதாகிருஷ்ணன் கூறினார்.


[1] C. S. Srinivasachari, Gingee and its Rulers, Annamalai University, Chidambaram, 1940, p.x.

[2] K. A. Nilakanta Sastri, History of India, Part.III, S. Viswanathan & Co, Madras, 1952, p.415.

[3] Arcot Gazetteer, 1848, p.420.

P. V. Jadadisa Ayyar, South Indian Shrines, AES, 1993,  p.186-187.

[4] K. A. Nilakanta Sastri, History of India, Part.III, Ibid, p. 80.

[5] Soon after this the French and Chanda Sahib marched out and began ravaging and levying contributions on the country. They captured Tiruvati and sent a party to Chidambaram where they plundered the suburbs and negotiated for a large contribution in return for their non-molestation of the temple at the place.

C. S. Srinivasachari, Gingee and its Rulers, Annamalai University, Chidambaram, 1940, p. 475.

[6] C. S. Srinivasachari, Gingee and its Rulers, Annamalai University, Chidambaram, 1940, p.7

[7] In 1860 a Jain official and a member of the Madras Provincial Service, Sri Baliah, took away a number of stone pieces from Gingee to Sittamiir; among them the great stone elephants placed at the foot ofthe Termutti (car-stand), are noteworthy. The most admirable carvings in theVenkataramanaswamitemple are found in the panels on either side of the gateway under the entrance ; and they depict well known scenes from the Ramayana, from the different incarnations of Vishnu and the Puranic legend of the churning of the ocean of milk by the Devas and the Asuras.

C. S. Srinivasachari, Gingee and its Rulers, Annamalai University, Chidambaram, 1940, p.7

[8] The Fattabhi Ramaswami temple is also deemed to be architecturally as important as, and perhaps even more than, the Venkataramanaswami temple. The twelve-pillared mautapam in it constitutes its most conspicuous feature. In 1858 the Collector of South Arcot suggested the removal of its pillars to Madras and their utilisation as a base for the statue of General Neill, (theMadras hero of the Indian Mutiny) at Madras, which was then in process of manufacture.

C. S. Srinivasachari, Gingee and its Rulers, Annamalai University, Chidambaram, 1940, p.8.

[9]  வேதபிரகாஷ், கிருத்துவர்கள்செஞ்சியைத்தாக்கும்மர்மம்என்ன?,

http://christianityindia.wordpress.com/2010/05/19/%E0%AE%95%E0%AE%BF%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-https://atheismtemples.wordpress.com/2010/02/08/%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%B5%E0%AE%BF%E0%AE%B8%E0%AF%8D%E0%AE%B5%E0%AE%B0%E0%AF%82%E0%AE%AA%E0%AE%AE%E0%AF%8D-%E0%AE%8E%E0%AE%9F/%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AF%88/

http://christianityindia.wordpress.com/2010/02/03/%E0%AE%95%E0%AE%BF%E0%AE%B1%E0%AE%BF%E0%AE%B8%E0%AF%8D%E0%AE%A4%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%A4%E0%AE%BF%E0%AE%9F%E0%AF%80%E0%AE%B0%E0%AF%86%E0%AE%A9-%E0%AE%9A%E0%AF%8A/

[10] தினமலர், செஞ்சியில் விஸ்வரூபம் எடுக்கும் கோவில் பிரச்னை : அரசின் நடவடிக்கை தேவை[10] பிப்ரவரி 08,2010,00:00  IST,

[11] தினமலர், செஞ்சி கோதண்டராமர் கோவில் விவகாரம் அனைத்து கட்சிகள் குரல் கொடுக்க வேண்டுகோள், மார்ச் 18,2010,00:00  IST

http://www.dinamalar.com/Political_detail.asp?news_id=17237

தமிழகத்தில் ஒரு நாளைக்கு ஒரு கோவிலில் கலசம், நகை, பணம் முதலியவை கொள்ளையடிக்கப்படுகின்றன!

ஜூலை21, 2010

தமிழகத்தில் ஒரு நாளைக்கு ஒரு கோவிலில் கலசம், நகை, பணம் முதலியவை கொள்ளையடிக்கப்படுகின்றன

 

நாத்திக ஆட்சியில் நடக்கும் இவை திட்டமிட்ட நடப்பைவையா? நாத்திகர்கள் வளர்ந்துள்ளதால், இப்படி கோவில் நகை மற்றும் விலையுயர்ந்த பொருள் எதுவாக இருந்தாலும், திருடுவது, கொள்ளயடிப்பது என்பது தினம்-தினம் நடக்க்கும் திழாலாகி விட்டது. அவற்றில் குறிப்பிட்ட அமைப்பு, முறை காணப்படுவதால், அத்தகைய கொள்ளையர்கள் திட்டமிட்டு செய்கிறார்களா என்ற சந்தேகம் எழுகின்றது.

  1. கோவில் ஆட்களே சம்பந்தப்படுவது. இவர்கள் எல்லாமே ஆளும் கட்சிக்க்காரர்களாக இருக்கின்றனர், அல்லது உள்ளூர் எம்.எல்,ஏ, எம்.பி, எம்.எல்.சி, வட்டச்செயலாளர்………….போன்ற நிலையில் உள்ளனர்.
  2. அறநிலையத்துறை ஆட்களே ஈடுபடுகின்றனர் / சம்பந்தப் பட்டுள்ளனர்.
  3. திருடியவர்களே, மறுபடியும் திருடுகின்றனர்.
  4. புதியதாக கும்பாபிஷேகம் நடந்தவுடன் திருடப்படுகின்றது.
  5. புதியதாகப் புரளிக் கிளப்பிவிட்டுத் திருடுகின்றனர்.
  6. உண்டி எண்ணப்படுகின்ற ஒரு-சில நாட்களுக்கு முன்பு உண்டியல் உடைக்கப் பட்டுத் திருடப் படுகிறது.
  7. காவலாளி இல்லாத கோவிலாகத் தேர்ந்தெடுக்கப்படுவது.
  8. உண்மை நகைகளை எடுத்துவிட்டு, பொலிநகைகளை வைப்பது.
  9. அம்மன் தாலிகளை, நகைகளைத் திருடுகின்ற கூட்டம் – பொதுவாக, கிராமம், நகர்புறங்களில் முன்னரெல்லாம், அம்மன் கோவிலில் எந்தர்த் திருடனும் கை வைக்க மாட்டான். ஆனால், இப்பொழுது அதிகமாவதால், குறிப்பிட்டக் கூட்டம் அல்லது அத்தகைய மனப்பாங்குள்ள ஆட்கள் / கூட்டம் ஈடுபடுவது தெரிகிறது.

10.  சில நேரங்களில் கவலாளியைக் கொல்லவும் தயுஅங்குவதில்லை. இது திட்டம் போட்டு செய்யப்படும் கொலை, கொள்ளை என்றாகிறது.

 

புதுக்கோட்டை அருகே கோவில் உண்டியல் உடைத்து கொள்ளை (ஜூலை 21,2010)[1]: புதுக்கோட்டை: புதுக்கோட்டை அருகே கோவிலுக்குள் புகுந்து உண்டியலை உடைத்து பணத்தை கொள்ளையடித்துச் சென்ற மர்ம நபர்களை போலீஸார் தேடி வருகின்றனர். புதுக்கோட்டை மாவட்டம் இலுப்பூரில் பழமை வாய்ந்த பிடாரி அம்மன் கோவில் உள்ளது. இங்கு நாள்தோறும் மூன்று கால பூஜைகள் நடக்கிறது. இதில், இலுப்பூர் மற்றும் சுற்றுவட்டாரக் கிராமப்பகுதிகளைச் சேர்ந்த ஏராளமான பக்தர்கள் கலந்துகொண்டு அம்மனை தரிசிப்பது வழக்கம். நேற்றுமுன்தினம் இரவு கோவிலுக்குள் புகுந்த மர்ம நபர்கள் கருவறை முன்பிருந்த உண்டியலை உடைத்து அதிலிருந்த பணம் மற்றும் நகைகளை கொள்ளையடித்து சென்றுள்ளனர். கோவில் அர்ச்சகர் அய்யாவு கொடுத்த புகாரின் பேரில், வழக்குப்பதிவு செய்துள்ள இலுப்பூர் போலீஸார் மர்ம நபர்களை தேடி வருகின்றனர்.

இரண்டு கோவில்களில் தங்கம், வெள்ளி காணவில்லை
கோவில் நிருவாக அதிகாரி இடை நீக்கம்
[2]: சேலம், ஜூலை 21_ சேலத்தில் 2 கோவில்களில் தங்கம்வெள்ளி காணாமல்போன பிரச் சினையில் எல்லைப் பிடாரியம்மன் கோவில் நிருவாக அதிகாரியை தற்காலிக பணி நீக்கம் செய்து மாநில இந்து சமய அற நிலையத்துறை ஆணையர் உத்தரவிட்டார். சேலம் மாநகரில் செரிசாலையில் உள்ள எல்லைப்பிடாரியம்மன் கோவில், சின்னக்கடை வீதியில் உள்ள சின்னமாரியம்மன் கோவில், அயோத்தியாபட்டணம் ராமர் கோவில் உள்பட 6 கோவில்களுக்கு கடந்த 2004 ஆம் ஆண்டு முதல் நிருவாக அதிகாரியாக சந்திரபிரகாஷ் இருந்து வருகிறார். எல்லைப்பிடாரியம்மன் கோவிலுக்கு பக்தர்கள் உண்டியல் மூலம் காணிக்கையாக கொடுக்கும் தங்கம், வெள்ளி போன்றவை வங்கி லாக்கரில் வைத்து பாதுக்காக்கப்படுவது வழக்கம். அதற்கான சாவி கோவில் நிருவாக அதிகாரி வசம் இருப்பது வழக்கம். இந்த நிலையில் கோவில் நிருவாக அதிகாரி மற்றும் அறங்காவலர் குழுவினர் சமீபத்தில் கோவிலுக்கு பக்தர்கள் காணிக்கையாக கொடுத்துள்ள தங்கம் மற்றும் வெள்ளி இனங்களை நகை பதிவேட்டில் உள்ளவாறு சரியாக இருக்கிறதா? என சரிபார்த்தனர். அப்போது எல்லைப்பிடாரி அம்மனுக்கு சொந்தமான 36 பவுன் தங்கம் மற்றும் 580 கிராம் வெள்ளி குறைந்தது[3].

சின்ன மாரியம்மன் கோவிலிலும் கொள்ளை: இதுபோல சேலம் சின்னக்கடை வீதியில் உள்ள சின்ன மாரியம்மன் கோவிலுக்குச் சொந்தமான தங்கம் மற்றும் வெள்ளியை சரி பார்த்தபோது அங்கும் 12 பவுன் தங்கம் காணாமல் போனது தெரியவந்தது. இது குறித்து இந்து சமய அறநிலையத்துறை மாவட்ட உதவி ஆணை யாளர் வரதராஜன் மற்றும் இணை ஆணை யர் ராஜா ஆகியோரிடம் புகார் தெரிவிக்கப்பட் டது. எல்லைப்பிடாரியம்மன் கோவில், சின்ன மாரியம்மன் கோவிலில் உள்ள தங்கம், வெள்ளி காணா மல்போனது குறித்து சேலம் நகர குற்றப்பிரிவு காவல்துறை யில் கோவில் நிருவாக அதி காரியான சந்திரபிரகாஷ் புகார் தெரிவித்தார். அதன் அடிப்படையில் காவல் நிலைய ஆய்வாளர் கபிலன் வழக்கு பதிவு செய்து விசாரணை நடத்தினார். இது தொடர்பாக புகார் கொடுத்த நிருவாக அதிகாரி சந்திரபிரகாஷ் மற்றும் கோவில் நிருவாக அலுவலக உதவியாளர்களிடம் புலன் விசாரணை மேற்கொண்டனர். அப்போது தங்கம், வெள்ளியை பாதுகாக்கும் முழு பொறுப்பையும் நிருவாக அதிகாரியே கவனித்து வந்தார் என விசாரணையில் தெரியவந்தது.

கோவில் அதிகாரிகளே உடைந்தையா? காவல்துறையினர் விசாரணை ஒருபுறம் நடந்து கொண்டிருக்கும் வேளையில், சென்னையில் உள்ள மாநில இந்து அறநிலையத்துறை ஆணையாளர் பி.ஆர்.சம்பத், சேலம் எல்லைப்பிடாரியம்மன் கோவில் நிருவாக அதிகாரி சந்திரபிரகாஷ் மீது துறை சார்பு நடவடிக்கையாக அவரை தற்காலிக நீக்கம் செய்து நேற்று உத்தரவு பிறப்பித்தார்.கோவில் சொத்தான தங்கம், வெள்ளியை பாதுகாக்கும் பொறுப்பில் கவனக்குறைவாக செயல்பட்டதால் இத்தகையை நடவடிக்கை மேற்கொள்ளப்பட்டதாக கூறப்படுகிறது. அதே வேளையில் பக்தர்கள் காணிக்கையாக கொடுத்த தங்கம்வெள்ளி எங்கே? போனது. அதற்கு காரணமானவர்களில் இன்னும் சிலர் இருக்கலாம் என்ற கோணத்தில் காவல்துறையினரின் புலன் விசாரணையும் தொடர்ந்து நடந்து வருகிறது.

17 Jul 2010 சிவன் கோவிலில் கலசங்கள் திருட்டு பாளையங்கோட்டையை அடுத்த மேலப்பாட்டம் கிராமத்தில் பழமை வாய்ந்த சிவன் கோவில் உள்ளது.
www.dailythanthi.com/article.asp

 

நெல்லை மாவட்டத்தில் பரபரப்பு 2 கோவில்களின் கோபுர கலசங்கள் கொள்ளை ; மர்மக் கும்பல் கைவரிசை ஜூலை.17, 2010: நெல்லை, ஜூலை. 16- பாளை அருகே உள்ள மேலப்பாட்டம் கிராமத்தில் புகழ்பெற்ற பழமையான சிவன் கோவில் உள்ளது. சுமார் 300 ஆண்டுகளுக்கும் முந்தைய பாரம்பரியமான இந்த கோவிலின் கோபுரத்தில் 3 கும்ப கலசங்கள் இருந்தது. இந்த கோவிலில் அதிக சக்தி இருப்பதால் வேண்டியது நடக்கும் என்று ஏராளமான பொது மக்கள் தினசரி சென்று சாமி தரிசனம் செய்து வந்தனர். பத்மநாபபட்டர் தினமும் பூஜை செய்து பொதுமக்களுக்கு பிரசாதம் வழங்கி வந்தார்.  நேற்று இரவு பூஜை முடிந்து பத்மநாப பட்டர் கோவிலை சுற்றி வந்து ஆய்வு செய்தார். அப்போது கோவிலின் மேல்புறம் பளபளப்பாக மின்னும் கோபுர கலசம் இல்லாமல் வெறுமையாக காட்சி அளித்தது. இதனால் அதிர்ச்சி அடைந்த அவர் கோவில் நிர்வாக அதிகாரி முத்துராமனுக்கு தகவல் தெரிவித்தார். உடனடியாக அவர் விரைந்து வந்து ஊழியர்கள் மூலம் கோவிலின் மேல் பகுதியில் ஏறி ஆய்வு செய்தார். அப்போது ஒரு மர்மக் கும்பல் கோவில் மேல் ஏறி 3 கோபுர கலசத்தையும் அப்படியே பெயர்த்து எடுத்து கொள்ளையடித்துச் சென்றது தெரிய வந்தது. இந்த கும்ப கலசத்தின் மதிப்பு தற்போது பல லட்சம் இருக்கும் என்று கூறப்படுகிறது. இதுகுறித்து நிர்வாக அதிகாரி முத்துராமன் பாளை தாலுகா போலீசில் புகார் செய்தார். இன்ஸ்பெக்டர் ராமகிருஷ்ணன், சப்- இன்ஸ் பெக்டர்கள் சண்முகவேல், செந்தட்டியா பிள்ளை மற்றும் போலீசார் சம்பவ இடத்துக்கு விரைந்து சென்று விசாரணை நடத்தி வருகிறார்கள்.

இடிதாக்கிய பழமையான கோபுர கலசம் இரிடியமாக மாறி சக்தி வாய்ந்ததாக மாறிவிடும் என்று புரளி, கொள்ளை: இதுபோல தென்காசி அருகே உள்ள கீழப்புலியூர் குலசேகரநாதர் கோவிலிலும் நேற்று சக்தி வாய்ந்த 1 கோபுர கலசம் கொள்ளையடிக்கப்பட்டுள்ளது. இந்த கோவிலில் சமீபத்தில்தான் கும்பா பிஷேகம் நடத்தப்பட்டு கோபுர கலசத்துக்கு தங்க முலாம் பூசி உள்ளனர். இந்த நிலையில் இந்த கோபுர கலசமும் கொள்ளை நடந்திருப்பது பரபரப்பை ஏற்படுத்தி உள்ளது. மிகவும் பழமையான கோபுர கலசத்தில் அபூர்வ சக்தி இருப்பதாக கருதி இந்த கொள்ளை சம்பவம் நடந்திருக்கலாம் என்று கூறப்படுகிறது. சமீபத்தில் ஒரு கும்பல் இடிதாக்கிய பழமையான கோபுர கலசம் இரிடியமாக மாறி சக்தி வாய்ந்ததாக மாறிவிடும் என்று பல லட்ச ரூபாய் மோசடியில் ஈடுபட்டு வந்தது.

இசக்கி அம்மன் கோவில் உண்டியல் கொள்ளை: அந்த கும்பலைச் சேர்ந்த வர்கள் தான் தற்போது கோபுர கலசங்களை கொள்ளை அடித்துச் சென்றிருக்கலாம் என்று கூறப்படுகிறது. இதனால் மாவட்ட போலீஸ் சூப்பிரண்டு அஸ்ராகார்க் மேற்பார்வையில் கோபுர கலச கொள்ளையர்களை பிடிக்க தனிப்படை அமைக்கப் பட்டுள்ளது. இவர்கள் தீவிரமாக விசாரணை நடத்தி வருகிறார்கள். நெல்லை மாவட்டம் நாங்குநேரி அருகே உள்ள தென்னிமலையில் முப்பந்தல் இசக்கி அம்மன் கோவில் உள்ளது. சம்பவத்தன்று இங்கு வழக்கம் போல் பூஜையை முடித்துவிட்டு சென்று விட்டனர். நள்ளிரவு மர்மநபர் அந்த கோவிலுக்குள் புகுந்தான். அங்கு இருந்த உண்டியலை உடைத்து பணத்தை அள்ளியதோடு அம்மனுக்கு வைத்திருந்த சூலாயுதத்தையும் திருடி சென்றுவிட்டான். அதே வேளையில் அருகில் இருந்த உய்க்காட்டு சுடலை கோவிலிலும் உண்டியல் உடைத்து பணம் திருட்டு போனது. இந்த சம்பவங்கள் தொடர்பாக தென்னி மலையை சேர்ந்த வீரபெருமாள் (69), மாரியப் பன் ஆகியோர் நாங்குநேரி போலீசில் புகார் செய்தனர். போலீசார் வழக்கு பதிவு செய்து மர்ம நபரை தேடி வருகின்றனர்.

கும்மிடிப்பூண்டி அருகே 2 கோவில்களில் நகை உண்டியல் கொள்ளை[4] ஜூலை 14, 2010: கும்மிடிப்பூண்டி அடுத்து உள்ளது தம்புரெட்டிபாளையம் இங்கு பழமை வாய்ந்த அங்காள பரமேஸ்வரி கோவில் உள்ளது. நேற்று நள்ளிரவு இந்த கோவிலுக்கு வந்த கொள்ளையர்கள் முதலில் பின்பக்கமாக கரு வறையையொட்டி உள்ள சுவரை உடைக்க முயற்சி செய்தனர். அது பலன் அளிக்காததால் கோவிலின் முன்பக்க இரும்பு கேட்டின் பூட்டை உடைத்து உள்ளே புகுந்தனர். பின்னர் கோவில் வனா கத்தில் உள்ள பழங்கால ராட்சத மரக்கதவின் பூட்டை உடைத்து கருவறைக்குள் புகுந்தனர். அங்கு அம்மன் கழுத்தில் கிடந்த தாலி சரடு, செயின், காப்பு போன்ற 10 பவுன் நகைகளையும், வெள்ளி பொருட்களையும் அள்ளிச் சென்றனர். இது தவிர கோவிலில் இருந்த உண்டியலை உடைத்து அதிலிருந்த ரொக்க பணம் மற்றும் சில்லறை காசுகளை யும் அள்ளிச் சென்றனர்.

நத்தம் கிராமத்தில் எல்லையம்மன் கோவிலும் கொள்ளை: இக்கோவிலின் அருகே 100 மீட்டர் தொலைவில் நத்தம் கிராமத்தில் எல்லையம்மன் கோவில் உள்ளது. இங்கும் பூட்டை உடைத்து உள்ளே புகுந்த கொள்ளையர்கள் அங்கிருந்த உண்டியலை உடைத்து ரொக்கப்பணம் மற்றும் சில்லறை காசுகளை அள்ளிச் சென்றனர். 2 கோவில்களிலும் கொள்ளை போன பொருட்களின் மொத்த மதிப்பு ரூ. 2 லட்சம் ஆகும். ஒரே நாள் இரவில் அடுத் தடுத்து 2 அம்மன் கோவில் களில் கொள்ளை போன சம்பவம் இப்பகுதியில் பெரும் பரபரப்பை ஏற் படுத்தி உள்ளது. கடந்த 2 வருடத்திற்கு முன்னர்தான் தம்பிரெட்டிபாளையம் கிராமத்தில் உள்ள அங் காள பரமேஸ்வரி கோவி லில் கொள்ளை சம்பவம் நடந்தது. அப்போது 13 பவுன் நகையை கொள்ளை போனது குறிப்பிடத் தக்கது. கும்மிடிப்பூண்டி போலீஸ் இன்ஸ்பெக்டர் பழனி தலைமையில் போலீசார் வழக்கு பதிவு செய்து கொள்ளையர்களை தேடி வருகிறார்கள்.

சோழிங்கநல்லூர் அருகே கோவில் கலசம் கொள்ளை [5]ஜூலை.12, 2010: திருவான்மியூர், ஜூலை. 12- சென்னை சோழிங்கநல் லூர் அடுத்த செம்மஞ்சேரி ராஜீவ் காந்தி சாலை பழத்தோட்டம் பகுதியில் ஸ்ரீநிவாச பெருமாள்கோவில் உள்ளது. நேற்று இரவு 4 பேர் கொண்ட கொள்ளை கும்பல் ஆட்டோவில் அங்கு வந்தது. அவர்கள் மதில்சுவர் ஏறி குதித்து கோவிலுக்குள் சென்றனர். பின்னர் பூட்டை உடைத்து கோவிலுக்குள் புகுந்தனர்.  அங்கிருந்த கோவில் கலசம், டி.வி.டி.பிளேயர் மற்றும் பொருட்களை கொள்ளையடித்தனர். அத்தனை பொருட்களையும் கோணிப்பையில் கட்டி ஆட்டோவில் ஏற்றினார் கள். பின்னர் மீண்டும் கோவிலுக்குள் புகுந்து கொள்ளையடிக்க முயன்றனர். அப்போது செம்மஞ்சேரி போலீசார் ரோந்து சென்று கொண்டி ருந்தனர். இதனால் கொள்ளை யர்கள் 4 பேரும் மதில்சுவர் ஏறி குதித்து ஆட்டோவில் தப்பினார்கள்.

அய்யனார் கோவிலில் கொள்ளை, ஜூலை. 11, 2010[6]: ஒரத்தநாடு- ஒரத்தநாடு அருகே பெருமங்கல கோவில் கீழையூரில் அய்யனார் கோவில் உள்ளது. இக்கோவிலில் ஒவ்வொரு வெள்ளிக்கிழமை மட்டுமே பூஜைகள் நடைபெறுவது வழக்கம். இந்நிலையில் நேற்று முன் தினம் இரவு பூஜை செய்ய வந்தபோது கோவிலில் பொருட்கள் திருட்டு போனதை கண்டு அப்பகுதி மக்கள் அதிர்ச்சி அடைந்தனர். இதில் பூஜை பொருட்கள் மற்றும் குத்து விளக்கு வெண்கல பொருட்கள் என சுமார் ரூ. 10 ஆயிரம் மதிப்புள்ள பொருட்கள் திருட்டு போனது. இதுகுறித்து பாப்பாநாடு போலீஸ் இன்ஸ்பெக்டர் பாலமுருகன் வழக்கு பதிவு செய்து விசாரணை நடத்தி வருகிறார்.

 

சூளகிரி அருகே மாரியம்மன் கோவிலில் உண்டியல் உடைத்து கொள்ளை[7] ஓசூர், ஜூலை. 10, 2019 (சனிக்கிழமை): சூளகிரி அருகே உள்ள எலசேப்பள்ளி கிராமத்தில் பிரசித்தி பெற்ற மாரியம்மன் கோவில் உள்ளது. இங்கு ஆண்டு தோறும், 50-க்கும் மேற்பட்ட பல்லக்கு உற்சவம் சிறப்பாக நடைபெற்று வருகிறது. இந்த கோவிலுக்கு சுற்றுவட்டார கிராமத்தை சேர்ந்த பொதுமக்கள் திரளாக வந்து செல்வார்கள். காணிக்கை பணமும் உண்டியலில் அதிகளவில் சேரும். இந்நிலையில் நேற்று நள்ளிரவு மர்மநபர்கள் யாரோ கோவிலின் உண்டியலை உடைத்து கொள்யைடித்து சென்று விட்டனர். இதுகுறித்து சூளகிரி போலீசார் வழக்குப்பதிவு செய்து விசாரணை நடத்தி வருகிறார்கள்.

அதிராம்பட்டினத்தில் துணிகரம் பெருமாள் கோவிலில் நகை கொள்ளை (ஜூன்.26, 2010)[8]:  பட்டுக்கோட்டை, – தஞ்சை மாவட்டம் பட்டுக்கோட்டை அருகே அதிராம்பட்டினம் உள்ளது. இங்கு பிரசித்திபெற்ற ரெங்கநாதர் கோவில் உள்ளது. நேற்று முன்தினம் இரவு பூசாரி பூஜையை முடித்து விட்டு பூட்டி விட்டு சென்றார். பின்னர் இன்று காலை வந்து பார்த்த போது கோவிலில் இருந்த பொருட்கள் கொள்ளை போய் இருந்தது.  இதை கண்டு பூசாரி அதிர்ச்சியடைந்தார். கோவில் கருவறை அருகே இருந்த 80 கிலோ எடை கொண்ட வெண்கல விளக்கு, 2 அடி குத்து விளக்கு மற்றும் அம்பாள் கழுத்தில் கிடந்த 1 பவுன் தாலி உள்பட பல பொருட்கள் திருட்டு போய் இருந்தது. இதன் மதிப்பு ரூ. 50 ஆயிரம் ஆகும். இதுகுறித்து கோவில் செயல் அலுவலர் ஜெயராமன் அதிராம் பட்டினம் போலீசில் புகார் செய்தார். அதன் பேரில் இன்ஸ்பெக்டர் நாராயணசாமி வழக்கு பதிவு செய்து விசாரணை நடத்தி வருகிறார். அதிராம்பட்டினத்தில் பெருமாள் கோவிலில் கொள்ளை நடந்த சம்பவம் அப்பகுதியில் பரபரப்பை ஏற்படுத்தியுள்ளது.

கோவில்கலசம்திருட்டு[9] ஜூன் 16, 2010: அரியலூர்: குழுமூர் பெருமாள் கோவில் கலசத்தை மர்ம நபர்கள் திருடிச் சென்றனர். அரியலூர் மாவட்டம், செந்துறை தாலுகா, குழுமூர் கிராமத்திலுள்ள வரதராஜ பெருமாள் கோவிலின் தாயார் சன்னதியிலுள்ள கோபுர கலசம் திருட்டு போயுள்ளது. இரண்டடி உயரமும், மூன்றரை கிலோ எடையும் கொண்ட இந்த வெண்கல கலசம் திருட்டு போனது குறித்து, கோவில் நிர்வாக அலுவலர் மணி கொடுத்த புகாரின் பேரில், செந்துறை போலீஸார் வழக்கு பதிவு செய்து விசாரிக்கின்றனர்.

கண்டமானடி கோவிலில் திருட்டு Dinamalar

23 Jun 2010 கண்டமானடி கோவிலில் திருட்டு. அதிகம் படித்தவை கோவிலில் புகுந்த மர்ம ஆசாமிகள் கோவில் கலசத்தை திருடிச் சென்றனர்.

சிதம்பரம் அருகே கோவில் கலசம் திருட்டு

13 Jan 2010 சிதம்பரம் அருகே கோவில் கலசம் திருட்டு. சிதம்பரம் : சிதம்பரம் அருகே கோவில் செப்பு கலசங்கள் திருடிய மர்ம ஆசாமியை
cuddalore-news.blogspot.com/…/blog-post_5697.html

ஈரோடுகோவிலில்கோபுரகலசம்திருட்டு[10] ஜூன் 9, 2010: ஈரோடு: ஈரோடு அக்ரஹாரம் வீதியில் பழமை வாய்ந்த பெருமாள் ஐயர் கோயில் உள்ளது. கோவில் கோபுரக் கலசம் நேற்று காணாமல் போனது. கோவில் நிர்வாகி முரளி கூறியதாவது: இக்கோவில் 300 ஆண்டுகள் பழமை வாய்ந்தது. நாள்தோறும் அதிகாலை 4.30 மணிக்கு நடை திறந்து, இரவு 8 மணிக்கு நடை சாத்தப்படும். இரண்டாண்டுக்கு முன் இதே கோவிலில் விமானக் கலசம் திருட்டு போனது. திருட்டு சம்பவத்தில் ஈடுபட்ட திருடனை போலீஸார் கைது செய்தனர். இந்த வழக்கு நீதிமன்றத்தில் நிலுவையில் உள்ளது. மே 15ம் தேதி அக்ஷய திருதியையன்று கோவில் விமானக் கலசம் திருட்டு போயிருந்தது தெரியவந்தது. இதுகுறித்து டவுன் போலீஸாருக்கு புகார் செய்துள்ளோம். திருட்டுபோன கலசம் சுத்தமான செம்பாலானது. இதன் மதிப்பு 7,000 ரூபாய் இருக்கும். இவ்வாறு அவர் கூறினார். எனினும் டவுன் போலீஸார் இதுபற்றி வழக்கு ஏதும் பதிவு செய்யவில்லை.

நாமக்கல் கோவிலில் கொள்ளை[11], ப.வேலூர் :மே 22, 2010:பாண்டமங்கலம் பிரசன்ன வெங்கட்ரமண சுவாமி கோவில் உண்டியலை உடைத்து, ஐந்து லட்சம் ரூபாய் மதிப்புள்ள நகை, பணம் கொள்ளையடிக்கப்பட்டது. நாமக்கல் மாவட்டம், ப.வேலூர் அருகே பாண்டமங்கலத்தில் உள்ள பிரசன்ன வெங்கட்ரமண சுவாமி கோவிலில், நேற்று காலை கோவில் துப்புரவு பணியாளர் சுப்ரமணி, சுத்தம் செய்ய வந்தார்.அப்போது, கோவில் பூட்டு உடைக்கப்பட்டு, கோவில் வளாகத்தில் இருந்த உண்டியலும் மாயமாகியிருந்தது. இதை, கோவில் அர்ச்சகர் ஸ்ரீராம், அலுவலர் சிவசண்முகமிடம், சுப்ரமணி தெரிவித்தார். கோவில் அலுவலர் சிவசண்முகம், போலீசில் புகார் செய்தார். போலீசார் விசாரணை நடத்தினர். கைரேகை பதிவு செய்யப்பட்டது. கோவிலில் திருடப்பட்ட உண்டியல், கோவிலுக்கு பின்புறம் வீசப்பட்டிருந்தது. அதில் இருந்த நகை, பணம் உள்ளிட்டவை கொள்ளையடிக்கப்பட்டிருந்தது. உண்டியலில் ஐந்து லட்சம் ரூபாய் மதிப்புள்ள நகை, பணம் இருந்திருக்கும் என மதிப்பிடப்பட்டுள்ளது.கொள்ளையர்களைப் பிடிக்க தனிப்படை அமைக்கப்பட்டுள்ளது.

வேதபிரகாஷ்

21-07-2010


[1] தினமலர், புதுக்கோட்டை அருகே கோவில் உண்டியல் உடைத்து கொள்ளை, ஜூலை 21,2010, http://www.dinamalar.com/News_Detail.asp?Id=44176

[2] http://www.viduthalai.periyar.org.in/20100721/news13.html

[3] http://www.dailythanthi.com/article.asp?NewsID=581642&disdate=7/21/2010&advt=2

[4] மாலைமலர், http://www.maalaimalar.com/2010/07/14125553/gold-robbery-in-Gummidipoondi.html

[5] மாலைமலர், http://www.maalaimalar.com/2010/07/12131716/robbery-in-temple.html

[6] மாலைமலர் நாளிதழ் , சென்னை 21-07-2010 (புதன்கிழமை)

http://www.maalaimalar.com/2010/07/11134707/temple.html

[7]மாலைமலர்,  http://www.maalaimalar.com/2010/07/10161958/mariamman-temple.html

[8] மாலைமலர், சென்னை 26-06-2010 (சனிக்கிழமை), http://www.maalaimalar.com/2010/06/26160958/gold-robbery-in-tanjore.html

[9] http://thinamalar.net/News_Detail.asp?Id=20089

[10] http://www.dinamalar.com/News_Detail.asp?Id=15488

[11] தினமலர், http://www.dinamalar.com/News_Detail.asp?id=7828

பக்தர்கள் கொடுக்கும் பணத்தை ஏன் ஸ்டாலினிடம் கொடுக்கவேண்டும்?

மே26, 2010

பக்தர்கள் கொடுக்கும் பணத்தை ஏன் ஸ்டாலினிடம் கொடுக்கவேண்டும்?

  • அப்பனோ இந்துக்களை வசைமாரி பொழிகிறான்,
  • பிள்ளைகளோ நாத்திகம் பாடிக்கொண்டு அலைகின்றன,
  • பெண்களைப் பற்றி சொல்லவே வேண்டாம்
  • மனைவி-துணைவிகளோ ………..
  • கோவிகள் இடிக்கப்படுகின்றன…………
  • கோவில் மண்டபங்கள் தரைமட்டமாக்கப் படுகின்றன………..
  • கோவில் நிலங்களை நிது அறநிலையத் துறையே விற்கிறதாம்………….

அந்நிலையில் இந்து அறநிலையை நாத்திக ஆட்சியாளர்களின் கீழ் வைத்துக் கொள்ளவேண்டிய அவசியம் இல்லை. எல்லாமே பக்தர்களே செய்யும்போது, பணத்தை மட்டும் கோடி-கோடியாக வசூலித்து, அதை அந்த இந்து-விரோத நாத்திகர்களுக்கே கொடுக்கும் விந்தையை என்னவென்பது?

சோளிங்கர் கோவிலுக்கு ரூ.5 கோடி : துணை முதல்வரிடம் ஒப்படைப்பு : சோளிங்கர், லட்சுமி நரசிம்ம சுவாமி கோவில் விமானங்களுக்கு தங்கத் தகடுகள் பொறுத்த ஐந்து கோடி ரூபாய்க்கான காசோலை, துணை முதல்வர் ஸ்டாலினிடம் நேற்று வழங்கப்பட்டது. அதை வாங்கிக் கொள்ள ஸ்டாலினிற்கு எந்த அருகதை உள்ளது? உண்மையில் நாத்திகம் பேசும் ஸ்டாலின், அதைத் திரும்பக் கொடுத்திருக்க வேண்டும்.

கூட்டுக் கொள்ளையா, கூட்டு உபயமா? வேலூர் மாவட்டம், சோளிங்கர், லட்சுமி நரசிம்மர் கோவில், 750 அடி உயரத்தில் உள்ள மலை மீது 1,305 படிக்கட்டுகளைக் கொண்டு அமைந்துள்ளது. கோவிலின் ஆண்டு வருமானம் 1.35 கோடி ரூபாய். இக்கோவிலில் குடமுழுக்கு செய்து, விமானங்களுக்கு 20 கோடி ரூபாய் மதிப்பில் 110 கிலோ தங்கத்தில் தங்கத் தகடுகள் போர்த்தப்படுமென, அறநிலையத் துறை அமைச்சர் அறிவித்து இருந்தார். இப்பணிகளை மேற்கொள்ள காந்தி எம்.எல்.ஏ., தலைமையில் அமைக்கப்பட்ட குழு, இதுவரை உபயதாரர் மூலமும், காணிக்கையாகவும் கிடைத்த 38 கிலோ தங்கத்தை பயன்படுத்தி, 5.44 கோடி ரூபாய் செலவில் 30 சதவீத பணிகள் முடிக்கப்பட்டன. மேலும், தேவைப்படும் 72 கிலோ தங்கத்துக்காக உபயதாரர்கள் வரவேற்கப்பட்டனர்.

பக்தர்கள், ஆத்திகர்களின் பனத்தை வாங்க இவர்களுக்கு என்ன யோக்கியதை இருக்கிறது? சோளிங்கர் அருகில் உள்ள எரும்பி என்ற ஊரைச் சொந்த ஊராகக் கொண்ட பெங்களூரு தொழிலதிபர் பூபாலன், அவரது மனைவி பூங்கொடி மற்றும் அவரது நண்பர்கள் சேர்ந்து கடந்த 9ம் தேதியன்று மூன்று கோடியே ஏழு லட்சம் ரூபாயை நன்கொடையாக வழங்கினர். அப்போதே, சில உபயதாரர்களிடம் இருந்து ஒரு கோடியே இரண்டு லட்சத்து 50 ஆயிரம் ரூபாய் நன்கொடையாக பெறப்பட்டது. மேலும், இப்பணிக்குத் தேவைப்படும் தங்கத்தை வாங்க, ஐந்து கோடி ரூபாய்க்கான காசோலையை, பூபாலன், பூங்கொடி மற்றும் அவரது குடும்பத்தினர், நண்பர்கள் சேர்ந்து நன்கொடையாக, துணை முதல்வர் ஸ்டாலினிடம் தலைமைச் செயலகத்தில் நேற்று வழங்கினர். இந்த காசோலையை, கோவில் உதவி ஆணையர் வீரபத்ரனிடம், துணை முதல்வர் வழங்கினார். கோவிலில் பணிகள் முடிக்கப்பட்டு, வரும் செப்டம்பர் 10ம் தேதியன்று குடமுழுக்கு நடக்குமென, தமிழக அரசு தெரிவித்துள்ளது.