Archive for the ‘சடாரி மரியாதை’ Category

கோவில் கருவறை கதவில் வடகலை / தென்கலை நாமத்திற்கு எதிர்ப்பு – உள்மதப் பிரச்சினைகள் இந்து மதத்தை பாதிக்கும் (1)

செப்ரெம்பர்2, 2011

கோவில் கருவறை கதவில் வடகலை / தென்கலை நாமத்திற்கு எதிர்ப்பு – உள்மதப் பிரச்சினைகள் இந்து மதத்தை பாதிக்கும் (1)

இந்து மதத்தை பாதிக்கும் சச்சரவுகள்: நாமம் இடுவதற்கு இப்படி வைணவர்கள் அடிக்கடி பிரச்சினை கிளப்புவது, சண்டை போடுவது, ஏன் நீமன்றங்களுக்குச் செல்வது முதலியன, இந்துமதத்தை குறைகூற ஏதுவாகும் நிகழ்ச்சிகள் போல உள்ளன.  யானைக்கு, கதவிற்கு, என எல்லாவற்றிற்கும் சண்டை போடுவது கடவுளுக்கு சந்தோஷத்தையளிக்குமா என்று பக்தர்கள் யோசித்துப் பார்க்க வேண்டும்.  இது புறமதக்காரர்களுக்கு, நாத்திகர்களுக்கு மற்ற வேண்டாதவர்களுக்கு உபயோகமாக இருக்குமேத் தவிர, சண்டையிடும் பக்தகளுக்கு ஒரு பிரயோஜனமும் ஏற்படாது என்பதுதான் உண்மை. இதனால் தான், “வைணவர்களிலே – வடகலை நாமம், தென்கலை நாமம் போட்டவர்கள் ஒருவரை ஒருவர் பார்த்துவிட்டால் அதற்காக உடனே போய் சுவரில் முட்டிக் கொள்ளும் வழக்கம்”, என்று விடுதலை நாளிதழ் கிண்டலடிக்கிறது[1]. முன்பு “சடாரி மரியாதை” குறித்து பிரச்சினை ஏற்பட்டதற்கு உச்சநீதி மன்றம் வரை சென்றுள்ளனர். அப்பொழுது, இப்பிரச்சினைகளை நாத்திக அரசு அதிகமாக ஊக்குவிப்பதை எடுத்து காட்டியுள்ளேன்[2]. முடிவாக இப்படி பதிவு செய்தேன்.

இது வடகலை-தென்கலை என்ற பிரச்சினையைவிட நாத்திகர்கள் ஏற்படுத்திய குளறுபடியாகத்தான் தெரிகிறது: முன்னமே இவர்கள் இவ்வாறு நிறைய தகராறுகள் செய்துள்ளனர் அல்லது ஆங்கிலேயர்களால் தூண்டிவிடப் பட்டு அவ்வாறான கலாட்டாக்களை செய்துள்ளனர். இப்பொழுது இந்த கருப்புப் பரிவார் இதனை உபயோகித்துக் கொள்கிறது. மற்ற வழக்குகளை விட்டுவிட்டு சுப்ரீம் கோர்ட்டும், இதை விசாரித்து, இந்த சந்தர்ப்பத்தில் தீர்ப்பு அளிப்பதும் வினோதமா அல்லது அரசு இட்ட ஆணையா என்று காலம் தான் பதில் சொல்லியாக வேண்டும்.

கம் செப்டம்பர் – நாமப்பிரச்சினை: வைணவர்களுக்கு பிரச்சினைகள் ஆரம்பித்துவிடும் போல இருக்கிறது. செப்டம்பரில் இந்துக்களுக்கு பல முக்கியமான விழாக்கள், பண்டிகைகள் வரும். முக்கியமாக வைணவ கோவில்களில் பிரம்மோட்சவம் நடத்தப்படும். இதனுடன் நாமப் பிர்ச்சினையும் வந்து விடுவது வருத்தமாக இருக்கிறது. எந்த நாமத்தைப் போட்டால் என்ன, அல்லது அமைதியாகவே இருந்து விட்டால் என்ன என்று யோசிக்குக் நிலையில் ஊடகங்களில் செய்திகளாக வரும் அளவிற்கு பக்தர்கள் போராடுவது விந்தையே. இத்தகைய போராட்டங்களை கோவிலை கொள்ளைய்டிப்பவர்களுக்கு, சிலைகளை-விக்கிரங்களைத் திருடி விற்ப்பவர்களுக்கு, கோவில் நிலங்களை-சொத்துக்களை அபகரிப்பவர்களுக்கு எதிராக நடத்தினால் நன்றக இருக்கும்.

காஞ்சிபுரம் தேவராஜ சுவாமி கோவிலின் கருவறை வெள்ளிக் கதவில், வடகலை நாமம் பொறிக்கப்பட்டுள்ளதற்கு எதிர்ப்பு (2011): காஞ்சிபுரம் தேவராஜ சுவாமி கோவிலின் கருவறை வெள்ளிக் கதவில், வடகலை நாமம் பொறிக்கப்பட்டுள்ளதற்கு எதிர்ப்பு கிளம்பியுள்ளது. காஞ்சிபுரம் தேவராஜ சுவாமி கோவிலில், அறநிலையத்துறை ஆணையரின் அனுமதியின்றி வடகலை, தென்கலை தொடர்பாக எதையும் சேர்க்கக் கூடாது, என்ற அரசின் உத்தரவு உள்ளது. இதை மீறி கடந்த மாதம் ஜூலை 25ம் தேதி, கோவிலின் கருவறையில் வெள்ளிக் கதவு பொருத்தப்பட்டுள்ள, சங்கு சக்கரம் சின்னங்களுடன் உள்ள கதவில், வெள்ளியிலான வடகலை நாமம் திடீரென பொறிக்கப்பட்டுள்ளது. இதற்கு, சின்ன காஞ்சிபுரத்தில் உள்ள யதீந்த்ர ப்ரவண சபை எதிர்ப்பு தெரிவித்துள்ளது[3]. கோவிலின் அறிவிப்பு பலகையில் இதுகுறித்து முறையான அறிவிப்பு ஏதும் வெளியிடப்படாமல், கடந்த மாதம் 25ம் தேதி மாலை பக்தர்கள் அனுமதிக்கப்படாமல், மாலையில் ரகசியமாக வெள்ளிக் கதவு பொருத்தப்பட்டுள்ளது. எவ்வளவு கிலோ வெள்ளியால் செய்யப்பட்டது, யார் இந்த வெள்ளிப் பொருட்களை நன்கொடையாகக் கொடுத்தது என்ற அறிவிப்பின்றி இந்த கதவு பொருத்தப்பட்டுள்ளது. இக்கதவு செய்தது போக மீதமுள்ள வெள்ளிப் பொருட்களை, கோவில் நிர்வாகத்தில் உள்ளவர்கள் சுருட்டியிருப்பார்களோ, என்ற சந்தேகம் எழுந்திருக்கிறது[4]. புதிதாக பொருத்தப்பட்டுள்ள வெள்ளிக் கதவில் உள்ள வடகலை நாமத்தை அகற்ற முற்பட்டபோது, அங்கிருந்த அர்ச்சகர்கள் அதைத் தடுத்துவிட்டனர். அறநிலையத்துறை ஆணையர் போனில் உத்தரவிட்ட பின்னும், அந்த நாமத்தை அகற்ற அர்ச்சகர்கள் மறுத்தனர். இதற்கு முறையான விளக்கம் அளிக்கும்படி, யதீந்த்ர ப்ரவண சபைத் தலைவர் கே.எஸ்.சம்பத்குமார் கோரிக்கை வைத்திருக்கிறார்.

செப்டம்பர் 2010ல், திருமலையிலும் இதே போன்ற பிரச்சினை கிளம்பியது[5]: திருப்பதி வெங்கடேச பெருமாள் கோவிலில் பணிபுரியும் அர்ச்சகர்கள் மத்தியில் எழுந்துள்ள வடகலை, தென்கலை திருநாமம் பிரச்னை குறித்து ஆந்திர மாநில கவர்னர் நரசிம்மன் கவனத்திற்கு புகார் அனுப்பியுள்ளதாக அகோபில மடம் செயலர் சேஷாத்ரி தெரிவித்தார். ஒவ்வொரு ஆண்டும் திருமலையில் நடக்கும் ஆண்டு பிரம்மோற்சவ விழாவின் வாகன சேவையின்போது கோவிலில் பணிபுரியும் அர்ச்சகர்களிடையே திருநாமம் முக்கியத்துவம் குறித்து வடகலை, தென்கலை நாமப் பிரச்னை தொடர்ந்து பல ஆண்டுகளாக, “நீறுபூத்த நெருப்பு போல்’ இருந்து வருகிறது. இந்த ஆண்டும் 18-09-2010 சனியன்று திருமலையில் நடந்த ரத உற்சவத்தின்போது திருநாமத்துடன் கூடிய பெரிய துணியால் தயாரிக்கப்பட்ட ஆங்கில “ஏ’ எழுத்து போன்ற கூடாரம் வாகன சேவைக்கு முன்னும் பின்னும் அணிவகுத்து செல்வது வழக்கமாக நடந்து வருகிறது. இதில் வடகலை நாமம் வெளியில் தெரியாமல் துணியை மூடிவிட்டனர். தென்கலை நாமம் பிரிவைச் சேர்ந்த அர்ச்சகர்கள் வேண்டுமென்றே இதுபோன்ற செயல்களில் ஈடுபடுகின்றனர் என வடகலை பிரிவைச் சேர்ந்த அர்ச்சகர்கள் பகிரங்கமாக குற்றம் சாட்டினர். பிரம்மோற்சவ வாகன சேவையின்போது தொடர்ந்து, “வடகலை’ நாமத்திற்கு அவமானம் நடந்து வருவதாக இப்பிரிவைச் சேர்ந்த அர்ச்சகர்கள், கவர்னரின் கவனத்திற்கு கொண்டு செல்ல வேண்டுமென கூறியதன் பேரில் வடகலை, தென்கலை திருநாமப் பிரச்னைக்கு நிரந்தர தீர்வு காணக்கோரி அகோபில மடம் செயலர் சேஷாத்ரி 18-09-2010 அன்று பேக்ஸ் மூலம் கவர்னருக்கு புகார் அனுப்பி வைத்துள்ளார். இப்பிரச்னைக்கு கவர்னர் நரசிம்மன் சரியான தீர்வு காண வேண்டுமென அர்ச்சகர்கள் எதிர்பார்க்கின்றனர். மேலும், உற்சவத்தின்போது ரதத்தின் மீதுள்ள மரத்திலான மரப்படிவம் உடைந்து விழுந்தது. இதனால் மேல் பகுதியில் தங்கக் தகடுக்கு கீழ் பாகத்தில் இருந்த துணி காற்றுக்கு விலகி விட்டது. இந்த சம்பவமும் அர்ச்சகர்கள், பக்தர்கள் மத்தியில் உற்சவத்தின்போது பரபரப்பாக பேசப்பட்டது[6].

மார்ச் 2001ல் ஸ்ரீரங்கத்தில் இதே பிரச்சினை[7]: ஸ்ரீரங்கம் ரங்கநாதர் கோவில் மகா கும்பாபிஷேகம் நடந்து முடிந்த பின் ராஜகோபுரத்தில் தென்கலை நாமம் போடப்பட்டுள்ளது புதிய பிரச்சனையை கிளப்பியுள்ளது ஸ்ரீரங்கம் ரங்கநாதர் கோவிலுக்கு இந்த மாதம் 15-ம் தேதி கும்பாபிஷேகம் நடைபெற்றது. அதன் பின் உலகிலேயே உயரந்த 237 அடி உயரமுள்ள ராஜகோபுரத்தில் தென்கலை நாமம் போடப்பட்டது. இது வடகலை குழுவினரை புண்படுத்துவதாக ஸ்ரீரங்கம் அகோபில மடத்தின் 45-வது பீடாதிபதியான ஜீயர் சுவாமிகள் கூறியுள்ளார்.  இந்த விஷயத்தில் முதல்வர் கருணாநிதி தலையிட்டு சுமுகமான தீர்வு காணுமாறு அவர்கேட்டுக் கொண்டுளளார்[8].  இது குறித்து ஜீயர் சுவாமிகள் நிருபர்களிடம் கூறுகையில், ராஜகோபுரம் எனக்கு முன்பு இருந்த ஜீயர் சுவாமிகளால் கட்டப்பட்டது. அவர் வடகலை நாமம் போடுபவராக இருந்தாலும் அவர் எந்த விதமான பிரச்சனையும் வரக்கூடாது என்பதற்காக எந்தவிதமான நாமமும் போடாமல் விட்டுவிட்டார்[9]. ஆனால் இப்போதுள்ள கோவில் அதிகாரிகள் கும்பாபிஷேக புணரமைப்புப் பணி எனக் கூறி கும்பாபிஷேகம் முடிந்தவுடன்  ராஜகோபுரத்தின் ஆறாவது வாயிலில் தென்கலை நாமத்தை வைத்து அதற்கு நியான் விளக்கும் போட்டுள்ளார்கள்[10]. இதுவடகலை நாமம் போடுபவர்களை புண்படுத்தும் செயலாகும். இதே போல் கோவிலின் தேசிகர் சுவாமி சன்னிதியிலும் தென்கலை நாமம் போடப்பட்டுள்ளது. இந்த கோவில் வடகலை நாமம் போடுபவரால் பராமரக்கப்பட்டு வருகிறது. ஆனால், இங்கு தென்கலை நாமம் போடப்படடுள்ளது.

நல்லவேளை நாமம் விவகாரத்தில் கருணாநிதி வரவில்லை போலும்: இந்த விஷயத்தில் முதல்வர் தலையிட்டு எந்த விதமான பிரச்சனையும் இல்லாமல் சுமுகமான தீர்வு ஏற்படுத்த முயல வேண்டும் என்றார். [குங்குமம் வைத்ததற்கே என்ன நெற்றியில் ரத்தம் வருகிறதே என்ற கேட்ட ஆசாமியிடம் போய் புகார் கொடுக்கும் இவரை என்னென்று சொல்வது] கும்பாபிஷேகத்திற்கு முன், ஸ்ரீரங்கம் கோவில் கலாச்சார பாதுகாப்புக் குழு செயலாளர் கிருஷ்ணமாச்சாரி என்பவர் மூலஸ்தானத்தில் இருக்கும் ரங்கநாதர் மார்பில் இருந்த வஸ்தாலட்சுமியின் திருவுருவவம் நீக்கப்பட்டு அங்கு முக்கோண வடிவிலான எந்திரம் வைக்கப்பட்டிருக்கிறது என புகார் கூறினார். இது குறித்து தமிழக முதல்வருக்கும் தந்தி அனுப்பினார்.  கும்பாபிஷேகத்திற்கு முன்பே அரசு இந்த விஷயத்தில் தலையிட்டு மீண்டும் வஸ்தாலட்சுமியின் திருவுருவத்தை பிரதிஷ்டை செய்ய வைத்தது என்பது நினைவு கூறத்தக்கது [நல்லவேளை கருணாநிதி தான் செய்து வைத்தார் என்று குறிப்பிடாமல் இருந்தார்களே].

யானைக்கு எந்த நாமம் பொடுவது? ஸ்ரீ ரங்கத்திலே ஒரு யானை இருந்தது. 1918 -19 ல் ஒரு வழக்கு. யானைக்கு வடகலை நாமம் போடுவதா அல்லது தென்கலை நாமம் போடுவதா என்ற பிரச்சினை வைணவகளுக்குள் ஏற்பட்டது.  அப்பொழுது நீதி மன்றங்களை கடந்து, பிரைவி கவுன்சில் வரைக்கும் வழக்குப் போனது. கவுன்சிலிலே விசாரித்து ஒரு உத்தரவு போட்டார்கள். யானைக்கு ஒரு மாதம் வடகலை நாமம், ஒரு மாதம் தென்கலை நாமம் போடலாம் என்று சமரச தீர்ப்பு கொடுக்கப்பட்டது. அதன்படியே ஸ்ரீரங்கத்திலிருக்கிற வடகலை நாமக்காரர்கள் கெட்டிமேளத்தோடு வந்து ஒரு மாதம் யானைக்கு வடகலை நாமம் போட்டார்கள், பிறகு தென்கலை நாமக்காரர்கள் ஒரு மாதம் யானைக்குத் தென்கலை நாமம் போட்டார்கள். மூன்று மாதங்கள் நடந்த இந்த அல்லோகலத்தில் யானை சங்கிலியை அறுத்துக் கொண்டு ஓடிவிட்டதாம். மறுநாள் பத்திரிகைக்கைகளில் ஸ்ரீரங்கத்து யானைக்கு மதம் பிடித்து சங்கிலியை அறுத்துக் கொண்டு ஓடிவிட்டது என்று செய்தி வந்தது. ஆனால், அதற்கு அடுத்த நாள் அதே பத்திரிகைகளில் வேறு செய்தி கூறியதாவது, ஸ்ரீரங்கத்து யானைக்கு மதம் பிடிக்கவில்லை, அப்படி தவறுதலாகப் பிரசுரிக்கப்பட்டது, உண்மையில் யானைக்கு மதம் பிடிக்காமல்தான் சங்கிலியை அறுத்துக் கொண்டு ஓடியது, என்று விளக்கம் கொடுக்கப்பட்டதாம்.

வேதபிரகாஷ்

02-09-2011


[2] வேதபிரகாஷ், காஞ்சிபுரத்தில் சண்டை, https://atheismtemples.wordpress.com/2010/05/31/intra-religious-strife-in-kanchipuram-over-ritual-going-to-court/

தினமலர், கருட சேவையில் மணவாள மாமுனிகளுக்கு சடாரி மரியாதை: சுப்ரீம் கோர்ட்டில் தள்ளுபடி, http://www.dinamalar.com/News_Detail.asp?Id=7205&Print=1

[3] தினமலர், கோவில் கருவறை கதவில் வடகலை நாமத்திற்கு எதிர்ப்பு, செப்டம்பர் 02, 2011, http://www.dinamalar.com/News_Detail.asp?Id=305852

[4] வைணவர்கள் தமக்குள் நடக்கும் சண்டையில் இத்தகைய சர்ச்சைக்குரிய விஷயங்களை இப்படி வேடிக்கைக்காகவோ, விமர்சனத்திற்காகவோ, விவகாரத்திற்காகவோ தாமாகவோ அல்லது பத்திரிக்கை நிருபர் வழிகாகவோ “கமண்டாக”க் கூட அனுமதித்திருப்பது அல்லது நிருபரே சுதந்திரமாக நுழைத்து அவ்வாறு “கமண்ட்” அடித்திருப்பது என்பதையும் நோக்கத்தக்கது.

[6] இத்தகைய உணர்வுகள், சிந்தனைகள் இருக்கும் போது, ஏன் பக்தர்கள் சண்டை போட்டுக் கொள்ள வேண்டும் என்பதுதான் வேடிக்கையாக இருக்கிறது.

[8] இப்படி திருடனிடத்தில் சாவியைக் கொடுப்பது போல, இந்துக்களுக்கு விரோதியாக, இந்து-விரோத-நாத்திகனாக செயல்பட்டு வரும் கருணாநிதியிடத்தில் புகார் செய்ததே வேடிக்கை தான்.

[9] இதே சமரச அல்லது அமைதியான மனப்பாங்கு தான் மற்றவர்களிடமும் இருக்கவேண்டும், எதிர்பார்க்கப்படுகிறது.

[10] இதிலிருந்தே, நாத்திகக்காரர்கள் செய்துள்ள விஷமம் என்று நன்றாகவே புரிந்து கொள்ளலாமே. அறநிலையத்துறை ஆட்கள் அவ்வாறு செய்கின்றனர் என்றால், குடுமி முடிச்சி விடுகின்றனர் என்பதனைத் தெரிந்து கொள்ள வேண்டும். அதைவிடுத்து, அவர்களிடமே புகார் கொடுத்தால், உள்ள வேறுபாட்டை அறிந்து கொண்டு, அதிலிருந்து தங்களுக்கு என்ன ஆதாயம் கிடைக்கும் என்றுதான் பார்ப்பார்கள்.

கோவில் கொள்ளை ஜெயலலிதா ஆட்சியிலும் தொடர்வது ஏன்?

ஓகஸ்ட்13, 2011

கோவில் கொள்ளை ஜெயலலிதா ஆட்சியிலும் தொடர்வது ஏன்?

நாத்திகத்திற்குப் பிறகு ஆத்திகமா, நாத்திகமா, இல்லை திராவிட பாணியில்  கொள்ளையா?  கருணாநிதி, இந்து எதிரி, விரோதி, துரோகி, துவேஷி என்று நன்றாகத் தெரிந்த விஷயம். அதேபோல இருக்கும் நாத்திக இந்து-விரோதி கூட்டங்கள் பற்பல பெயர்களில், உருவங்களில் அமைப்புகளாக வளர்ந்து, விரிந்து அத்தகைய துவேஷங்களை பரப்பி மக்களை கடந்த 60 வருடங்களாக கெடுத்து வைத்துள்ளனர். அத்தகைய மனப்பாங்கு, மனத்தில் ஊறித்திளைத்த அநியாயங்களை நியாயப்படுத்தி பேசிவந்த திறமை, அக்கிரமங்களை சரியென்றே தோற்றமளிக்கச் செய்த சாதுர்யம் முதலியவை மக்களில் சில பிரிவினரை உள்ள சட்டங்களை மதிக்காமல், தார்மீக கட்டுமுறைகளுக்கும் சிறிதும் மதிப்பளிக்காமல் கொலை, கொள்ளை முதலிய காரியங்களில் அதிகமாகவே செய்து வருகின்றன. அந்நிலையில், இப்பொழுது அரசு மாறியுள்ள நிலையில், குறிப்பாக ஜெயலலிதா ஆட்சிக்கு வந்த பிறகும், அத்தகைய கோவில் கொள்ளைகள், அம்மன் தாலி திருட்டுகள்,  உண்டியல் உடைப்புகள், கவசங்கள், கலசங்கள் முதலியவற்றைக் களவாடுதல் என்று தொடர்ந்து நடந்து வருவதன் மர்மம், பின்னணி என்ன? திராவிட பாரம்பரியம், கலாச்சாரம், பண்பாடு தொடர்கின்றனவா?  ஏற்கெனவே சில விஷயங்கள் “தமிழகத்தில் ஒரு நாளைக்கு ஒரு கோவிலில் கலசம், நகை, பணம் முதலியவை கொள்ளையடிக்கப்படுகின்றன”, என்ற தலைப்பில் அலசப்பட்டுள்ளன[1].

ஆடி மாதத்தில் அம்மன் தாலி அறுப்புகள் ஏன்? ஆடிமாதத்தில் தமிழகம் முழுவதும், கிராமங்கள் முதல் நகரங்கள் வரை அம்மன் கோவில்களில் பூஜை, அபிசேகம், என மக்கள் விமசரியாகக் கொண்டாடி வருகின்றனர்[2]. அம்மன் தாலிகள், கவசங்கள் ஆடிமாதத்திலேயே நடக்கின்றன என்றால், அது தங்கம், வெள்ளி உலோக மதிப்பிற்காக கொல்ளையடிக்கப் படுகின்றனவா அல்லது அம்மன் ஒன்றும் செய்யமாட்டாள், அது வெறும் சிலைதான், இல்லை, அம்மனை வழிபட்டு கூட திருடலாம், அம்மன் பார்த்துக் கொள்வாள் (!) என்று திருடுகின்றனரா?

அம்மனைப் பார்க்க வரும், அம்மணிகளின், தமிழச்சிகளின்  தாலிகளையும் பறிக்கின்றவர்கள் தமிழர்களா?

  • உண்மையிலேயே அவர்கள் தாலிக்கட்டிய தாய்மார்களுக்குப் பிறந்தவர்களா,
  • தாலி கட்டிய மனைவிகளுடன் வாழ்க்கை நடத்துபவர்களா,
  • தாலிக்கட்டிய சகோதரிகள், மகள்கள், பெண்களைக் கொண்டவர்களா,
  • அத்தகைய குடும்பத்தைக் கொண்டவர்களா, சேர்ந்தவர்களா?
  • என்னத்தான் நடக்கிறது, தமிழ் நாட்டில், தமிழகத்தில்?
  • பிறகெதற்கு அம்மன் பெயரில் சினிமா எடுக்கின்றனர்?
  • கேடு கெட்ட, சமுதாயத்தை சீரழிக்கின்ற சினிமாக்களுக்கும் பூஜை போடுகின்றனர்?
  • கேடுகெட்ட நடிகைகளுக்கு முன் அம்மன் சிலைகள், படங்கள் வைத்து பூஜை செய்வது மாதிரி நாடகம் ஆடுகின்றனர்?

தெய்வபக்தியும் இல்லை, தாய் பக்தியும் இல்லை, பெண்களுக்கு மதிப்புக் கொடுக்கத் தெரியவில்லை, பெண்ணினத்தை கௌரவமாக நடத்தத் தெரியவில்லை…. இல்லை, இதுவே இப்பொழுது தமிழகர்களின் நாகரிகமாகக் கூட மாறிவிட்டதோ என்னவோ? சம உரிமை என்று பேசும் பெண்களும் இதைப்பற்றிக் கவலைப் படுவதாக இல்லை. இது பெண்களின் உரிமைகளில் வராதா?

பூதப்பாண்டி அருகே அடுத்தடுத்து 3 கோவில்களில் சாமி சிலைகள் உடைப்பு; மர்ம கும்பல் அட்டூழியம்[3]:பூதப்பாண்டி, ஆக. 4, 2011- பூதப்பாண்டியை அடுத்துள்ள அழகியபாண்டிய புரம் எட்டாமடையில் முத்தாரம்மன், சுடலை மாடன் கோவில்கள் உள்ளன. 400 ஆண்டு பழமை வாய்ந்த இந்த கோவில்களில் கடந்த 3 மாதங்களுக்கு முன்புதான் கும்பாபிஷேகம் நடந்தது. இதற்காக கோவில் புதுப்பிக்கப்பட்டு தினசரி பூஜைகளும் நடத்தப்பட்டு வந்தன.  வாரத்தின் செவ்வாய் மற்றும் வெள்ளிக்கிழமைகளில் சிறப்பு பூஜைகள் நடப்பதால் ஏராளமான பக்தர்கள் இந்த கோவிலுக்கு வந்துச்செல்வார்கள். இக்கோவிலில் முத்தாரம்மன், சாஸ்தா, வினாயகர், நாகர், நாக கன்னி, நாகலெட்சுமி உள்பட 7 சாமி சிலைகள் உள்ளன. இதில் அங்குள்ள ஒரு பீடத்தில் 1 1/2 அடி உயரத்தில் நாக லெட்சுமி, நாக கன்னி சிலைகள் இருந்தன. இந்த நிலையில் நேற்று இரவு 2 மணி அளவில் கடுமையான மழை பெய்துகொண்டிருந்தது.

அப்போது முத்தாரம்மன் கோவிலுக்குள் நுழைந்த மர்ம கும்பல் பீடத்தில் இருந்த நாக லெட்சுமி, நாக கன்னி சிலைகளை உடைத்து சேதப்படுத்தியது. மேலும் சிலைகளை சாக்கு மூட்டையில் கட்டிய அந்த கும்பல் அங்குள்ள கழிவு நீர் ஓடையில் வீசி விட்டு சென்றுள்ளது. இதைப்போல் அந்த பகுதியில் உள்ள சுடலை மாடசாமி கோவிலில் புகுந்த கும்பல் சுடலைமாட சாமியின் சிலையை சேதப்படுத்தி விட்டு சென்று உள்ளனர். அழகியபாண்டி புரம், பெரிய குளத்தங்கரையில் அமைந்துள்ள சுடலைமாட சுவாமியின் தலையை உடைத்து நடுரோட்டில் வீசிச் சென்று உள்ளனர். இந்நிலையில் இன்று காலை கோவிலுக்கு வந்த பூசாரி அப்பாத்துரை, சாமி சிலைகள் உடைக்கப்பட்டும், சேதப்படுத்தப்பட்டும் இருப்பதை கண்டு அதிர்ச்சி அடைந்தார். உடனடியாக அவர் ஊர் கமிட்டிக்கு தகவல் தெரிவித்தார்.

தொடர்ந்து நடந்து வரும் கோவில் கொள்ளை, திருட்டுகள்:  ஒரு பத்து நிமிட கூகுள் தேடலில் கீழ்கண்ட கொள்ளைகள் காணக்கிடைக்கின்றன, பட்டியல் இடப்படுகிறது. இவற்றில் நிச்சயமாக ஒரு குறிப்பிட்ட நடத்தை முறை, கொள்ளை அமைப்பு, மனப்பாங்கு முதலியவை தெரியவருகின்றன.

  1. 08-08-2011: வள்ளியூர் (திருநெல்வேலி) அருகே காட்டு நாயக்கர் பராமரிப்பில் உள்ள 200 ஆண்டுகள் பழமையான கோவிலில், சாமி சிலைகள் சேதப்படுத்தப் பட்டன.
  2. 4 ஆகஸ்ட் 2011 – ஸ்ரீவைகுண்டம் கோவிலில் உண்டியலை உடைத்து பணம் கொள்ளை : மர்ம ஆசாமிகளுக்கு வலை
  3. 3 ஆகஸ்ட் 2011 – திருச்சி உறையூரில் உள்ள வெக்காளியம்மன் கோவிலில் உண்டியல் உடைக்கும் முயற்சி நடைபெற்றது. திருச்சி உறையூரில் புகழ் 
  4. 1 ஆகஸ்ட் 2011 – உளுந்தூர்பேட்டை அருகே கோவில் உண்டியலை உடைத்துரூ.20 ஆயிரம் கொள்ளை: நள்ளிரவில் மர்ம மனிதர்கள் கைவரிசை.
  5. 29-06-2011: புதுச்சேரி: கண்டமங்கலம் அருகே, சின்ன புதுப்பட்டு கிராமத்தில், கோவில் பூட்டை உடைத்து இரண்டு பஞ்சலோக சிலைகளைத் திருடிச் சென்ற மர்ம நபர்களை போலீசார் தேடிவருகின்றனர்.
  6. ஜூலை 14, 2011: வேலூர்,: அம்பலூர் அருகே எக்லாஸ்புரம் ஆற்றங்கரையோரம் உள்ள அங்காள பரமேஸ்வரி கோவிலில், புதன்கிழமை நள்ளிரவு சுவாமிக்கு  அணியப்பட்டிருந்த தங்கத் தாலி, வெள்ளி கீரிடம் திருடு போனதாம்.புகாரின்பேரில் அம்பலூர் போலீசார் வழக்குப் பதிந்துள்ளனர்.
  7. 25 ஜூன் 2011 – பேய்க்குளம் அருகே அம்மன் கோயில் உண்டியல் உடைப்பு.
  8. ஜூலை 16, 2011: திருநெல்வேலி: பாளையங்கோட்டை அருகே கோயில் கோபுரத்தின் மீது உள்ள பழைமை வாய்ந்த 3 கலசத்தைத் திருடிச் சென்ற மர்ம நபர்களை போலீஸôர் தேடி வருகின்றனர்.
  9. 14 ஜூன் 2011 – ‘பழநி அருகே கோபுர கலசம் திருட்டு: கோவில்களை குறிவைக்கும் கும்பல்’..
  10. 17 ஜூன் 2011 புதுவை அண்ணா நகரில் கோவிலில் கொள்ளை …
  11. 17 மே 2011 – பள்ளிபாளையம் அடுத்த ராகவானந்தா நகரில், சக்தி மாரியம்மன் கோவில் உள்ளது. இக்கோவிலில், நேற்று அதிகாலை 4 மணிக்கு பூட்டை உடைத்து உள்ளே சென்ற மர்ம நபர்கள் உண்டியலை உடைத்துள்ளனர். சத்தம் கேட்டு அப்பகுதியை சேர்ந்த மக்கள் கோவில் முன் திரண்டனர். மக்கள் வருவதை பார்த்து அதிர்ச்சியடைந்த மர்ம நபர்கள் மூன்று பேர், அங்கிருந்து தப்பி ஓடினர். அவர்களை விரட்டிச் சென்ற மக்கள், ஒருவரை மடக்கிப் பிடித்து பள்ளிபாளையம் போலீஸில் ஒப்படைத்தனர். விசாரணையில், பள்ளிபாளையம் அடுத்த தாஜ்நகரை சேர்ந்த ராமதாஸ் (22) என்பது தெரியவந்தது. தப்பி ஓடிய மற்ற இரண்டு பேரையும் போலீஸார் தீவிரமாக தேடி வருகின்றனர்.
  12. 6 மே 2011 – தினமலர் முதல் பக்கம் » சம்பவம் செய்தி »தமிழ்நாடு. கோவிலில்அம்மன் தாலி திருட்டு.
  13. 6 மே 2011 – திண்டுக்கல்லில் கோவிலில் கொள்ளை முயற்சி: அபாய மணி ஒலித்ததால் கொள்ளையன் தப்பி ஓட்டம்.
  14. 7 மார்ச் 2011 – திரவுபதி அம்மன் கோவிலில்
  15. 22 பிப்ரவரி 2011 – தூத்துக்குடி அருகே கோயில் கோபுரத்திலுள்ள வெண்கல கலசம் திருட்டுப்போனது.    திருட்டுகும்பலை பிடிக்க போலீசார் தீவிர நடவடிக்கை எடுத்து வருகின்றனர். இது குறித்து போலீஸ் தரப்பில் கூறப்படுவதாவது; தூத்துக்குடி அருகே செட்டியாபத்து கிராமத்திலுள்ள சிதம்பரேஸ்வரர் கோயில் இந்து அறநிலையத்துறை கட்டுப்பாட்டில் உள்ளது. இந்த கோயில் கோபுரத்தில் பல லட்சம் மதிப்பிலான கலசம் இருந்தது. இதனை நோட்டமிட்ட மர்ம ஆசாமி கோயில் உச்சியில் ஏறி கலசத்தை திருடிச் சென்றுள்ளனர். 
  16. 13 பிப்ரவரி 2011 – தஞ்சையில் சோழர் கால கோவிலில் நகை திருட்டு. அதிகம்  தஞ்சாவூர்: தஞ்சையில் சோழர் காலத்து கோவிலில் நகைகள் திருட்டு போனது..
  17. 10 பிப்ரவரி 2011 – சுவாமி சிலைகள் திருடு 
  18. 9 பிப்ரவரி 2011 – கோவில் விழாவில் நகை கொள்ளை…மதுராந்தகத்தில் நடந்த கோவில் குடமுழுக்கு விழாவில் கலந்து கொண்ட பெண்ணிடம் பொன் நகையை சிலர் களவாடி னர். மதுராந்த கம் தேரடி தெருவை சேர்ந் தவர் சிறீ ராமுலு. இவரது மனைவி வரலட்சுமி (வயது 68).
  19. 29 ஜனவரி 2011 –அழகர்சாமி கோவிலில்  சுவாமி சிலைகள் திருடு போயிருந்தன.  ஆனந்த வள்ளியம்மாள் ஐம்பொன் சிலைகள் திருடுபோயிருந்தன. .
  20. 21 ஜனவரி 2011 – கோவிலில் அம்மன் தாலி திருட்டு 
  21. 6 ஜனவரி 2011 – தாவடிப் பிள்ளையார் கோவிலின் கூரையை பிய்த்துக்கொண்டு உள்நுழைந்த திருடர்கள் ஆலயத்திலிருந்த பெறுமதியான பொருட்களையும் 
  22. 25-08-2009: நாகர்கோவில்: நாகர்கோவில் அருகே பூஜையில் வைக்கப்பட்டிருந்த விநாயகர் சிலையை போலீஸ் உடையில் வந்தவர்கள் உடைத்ததால், பெரும் பதட்டம் ஏற்பட்டுள்ளது. இதனால், அங்கு போலீசார் குவிக்கப்பட்டுள்ளனர். கன்னியாகுமரி மாவட்டம், பூதப்பாண்டி அருகே வடக்கு மாத்தாரில், இந்து முன்னணி சார்பில் விநாயகர் சிலை வைக்கப்பட்டிருந்தது. ஆக., 30 ல் விசர்ஜனம் செய்ய முடிவு செய்யப்பட்டிருந்தது. மாவட்டத்தில் விநாயகர் சிலை வைத்துள்ள அமைப்பினர் தான் பாதுகாப்பும் கொடுக்க வேண்டும், என்று மாவட்ட நிர்வாகம் உத்தரவிட்டுள்ளது. இதனால், அந்த பகுதியை சேர்ந்த ராஜாசெந்தில், ராமச்சந்திரன், நீலகண்டன், ராஜா, கண்ணன், பாலமுருகன் ஆகிய ஆறு பேரும் பாதுகாப்பு பணியில்..

வேதபிரகாஷ்

12-08-2011


[1] வேதபிரகாஷ்,தமிழகத்தில் ஒரு நாளைக்கு ஒரு கோவிலில் கலசம், நகை, பணம் முதலியவை கொள்ளையடிக்கப்படுகின்றன, https://atheismtemples.wordpress.com/2010/07/21/temples-looted-daily-basis-in-tamilnadu/

https://atheismtemples.wordpress.com/2010/08/03/%E0%AE%A4%E0%AE%AE%E0%AE%BF%E0%AE%B4%E0%AE%95%E0%AE%A4%E0%AF%8D%E0%AE%A4%E0%AE%BF%E0%AE%B2%E0%AF%8D-%E0%AE%92%E0%AE%B0%E0%AF%81-%E0%AE%A8%E0%AE%BE%E0%AE%B3%E0%AF%88%E0%AE%95%E0%AF%8D2/

[2] சன் – கலைஞர் டிவிக்கள் வழக்கம் போல பூதக்கண்ணாடி, உண்மை என்று பொய்களைப் பரப்பி வருகின்றன. சமீபத்தில் அவர்கள் கொடுக்கும் விளக்கமாவது, மக்கள் மனம் புண்படுத்தாது மாதிரி, புண்படுத்துவார்களாம்!

காஞ்சிபுரத்தில் சண்டை

மே31, 2010

கருட சேவையில் மணவாள மாமுனிகளுக்கு சடாரி மரியாதை: சுப்ரீம் கோர்ட்டில் தள்ளுபடி

http://www.dinamalar.com/News_Detail.asp?Id=7205&Print=1

வரதராஜ பெருமாள் விவகாரமா, திமுக ஆட்சியின் தூண்டுதலா? புதுடில்லி; காஞ்சிபுரம் வரதராஜ பெருமாள் கோவில் பிரம்மோற்சவத்தில், கருட சேவையின் போது மணவாள மாமுனிகளுக்கு சடாரி மரியாதை செய்ய வேண்டும் என்ற உத்தரவை எதிர்த்து தாக்கல் செய்த அப்பீல் மனுவை சுப்ரீம் கோர்ட் தள்ளுபடி செய்தது. சின்ன காஞ்சிபுரத்தில் வரதராஜ பெருமாள் கோவில் (தேவராஜ சுவாமி கோவில்) உள்ளது. இங்கு ஆழ்வார்களுக்கும், ஆச்சாரியார்களுக்கும் சிலைகள் உள்ளன. தென்கலைப் பிரிவைச் சேர்ந்த மணவாள மாமுனிகள் சிலையும் உள்ளது.

1991ல் ஆரம்பித்து வைக்கப் பட்ட இந்து அறநிலையப் பிரச்சினை: கடந்த 1991ம் ஆண்டு இந்து அறநிலையத் துறை கமிஷனர் பிறப்பித்த உத்தரவில், “பிரம்மோற்சவத்தின் மூன்றாம் நாளில் கருடசேவையின் போது, கோவில் பிரகாரத்தில் உள்ள மணவாள மாமுனிகள் சிலை முன், தேவராஜ சுவாமி வரும் போது, மணவாள மாமுனிகள் சிலைக்கு சடாரி மரியாதை செய்ய வேண்டும்‘ என கூறப்பட்டுள்ளது. இந்த உத்தரவை எதிர்த்து காஞ்சிபுரம் கோர்ட்டில் சீனிவாசராகவன் என்பவர் வழக்கு தொடுத்தார். “மணவாள மாமுனிகளுக்கு சடாரி மரியாதை செய்வது பாரம்பரியமானது அல்ல. அந்த உத்தரவை ரத்து செய்ய வேண்டும்‘ என மனுவில் கூறப்பட்டது. இந்த வழக்கை, 1997ம் ஆண்டு காஞ்சிபுரம் கோர்ட் தள்ளுபடி செய்தது.

தமிழ்வாணனின் தீர்ப்பு எதிர்பார்த்தபடிதான் இருந்தது: இதை எதிர்த்து சென்னை ஐகோர்ட்டில் சீனிவாசராகவன் மனு தாக்கல் செய்தார். மனுவை விசாரித்த நீதிபதி தமிழ்வாணன், “தென்கலை ஆச்சாரியரான மணவாள மாமுனிகளுக்கு மரியாதை செய்வது பாரம்பரியத்துக்கு எதிராக ஆகாது. சாதாரண மக்களுக்கே சடாரி மரியாதை செய்யும் போது, தென்கலை பிரிவின் தலைவரான மணவாள மாமுனிகளுக்கு சடாரி மரியாதை செய்வதில் தவறில்லை. “எனவே, கருட சேவையின் போது ஆழ்வார் பிரகாரத்தில் அமைந்துள்ள மணவாள மாமுனிகளுக்கு சடாரி மரியாதை செய்வது சட்ட விரோதமானதோ, வைணவ பாரம்பரியத்துக்கு எதிரானதோ அல்ல. காஞ்சிபுரம் கோர்ட் பிறப்பித்த உத்தரவை உறுதி செய்கிறேன். அப்பீல் மனுவை தள்ளுபடி செய்கிறேன்’ என உத்தரவிட்டார். ஐகோர்ட் உத்தரவை எதிர்த்து சுப்ரீம் கோர்ட்டில் சீனிவாசராகவன் அப்பீல் மனுவை தாக்கல் செய்தார். இதை நீதிபதிகள் ரவீந்திரன், ராதாகிருஷ்ணன் அடங்கிய, “டிவிஷன் பெஞ்ச்’ விசாரித்தது. அப்பீல் மனுவை தள்ளுபடி செய்து, “டிவிஷன் பெஞ்ச்’ உத்தரவிட்டது. தேவராஜ சுவாமி கோவிலில் பகல்பத்து விழாவின் போது, ரேவதி நட்சத்திரம் வரும் நாளன்று மணவாள மாமுனிகள் விக்ரகத்தை ஊர்வலமாக ரங்கநாத பெருமாள் கோவிலில் இருந்து எடுத்துச் சென்று மீண்டும் அங்கேயே கொண்டு வருவது குறித்து இந்து அறநிலையத் துறை கமிஷனர் ஒரு உத்தரவை பிறப்பித்தார். இதை எதிர்த்து வடகலை ஸ்ரீ வைஷ்ணவ சம்பிரதாய சபாவின் செயலர், ஐகோர்ட்டில் மனு தாக்கல் செய்தார்.

இனி உச்சநீதி மன்றத்தை கேட்க வேண்டுமா, ராமரையே கேள்வி கேட்ட சரித்திரம் படைத்த பாலகிருஷ்ணன் இருந்த இடமாயிற்றே? இம்மனுவை விசாரித்த நீதிபதி டி.ராஜா பிறப்பித்த உத்தரவு: காஞ்சிபுரம் தேவராஜ கோவிலில் வடகலை, தென்கலை பிரிவினருக்கு இடையில் பல ஆண்டுகளாக தொடர்ந்து சண்டை நடந்து வருகிறது. ரங்கநாதரை தரிசிக்கும் இந்த இரு பிரிவினர் மத்தியில் ஆரோக்கியமான மத நல்லிணக்கத்தை பிரதிபலிப்பதாக இது இல்லை. ஒருவன் எந்த மதத்தைச் சேர்ந்தவனாக இருந்தாலும் அவனை மனிதனாக பார்ப்பவன் தான் உண்மையான பக்தன். கடவுளை எங்கும் காண்பதன் மூலம் கோபம், வெறுப்பு இவற்றில் இருந்து அந்த உண்மையான பக்தன் மீள வேண்டும். பகல்பத்து விழாவின் போது மணவாள மாமுனிகளின் விக்ரகத்தை ஊர்வலமாக எடுத்துச் சென்று மீண்டும் அதே இடத்துக்கு மாலையில் கொண்டு வருவதன் மூலம், ரங்கநாதரை வழிபடும் இரண்டு பிரிவினருக்கு இடையில் சமூக நல்லிணக்கத்தை வளர்க்கும் விதமாக, இந்து அறநிலையத் துறை கமிஷனர் இந்த உத்தரவை பிறப்பித்துள்ளார். இதில் குறை காண முடியாது. மேலும், 50 ஆண்டுகளாக இந்த நடைமுறை அமலில் இருப்பதாக தெரிவிக்கப்பட்டுள்ளது. இதை கோர்ட்டால் நிறுத்த முடியாது. எனவே, இந்து அறநிலையத் துறை கமிஷனர் பிறப்பித்த உத்தரவில் குறுக்கிட எந்த காரணமும் இல்லை. மனு தள்ளுபடி செய்யப்படுகிறது. இவ்வாறு நீதிபதி டி.ராஜா உத்தரவிட்டுள்ளார்.

இது வடகலை-தென்கலை என்ற பிரச்சினையைவிட நாத்திகர்கள் ஏற்படுத்திய குளறுபடியாகத்தான் தெரிகிறது: முன்னமே இவர்கள் இவ்வாறு நிறைய தகராறுகள் செய்துள்ளனர் அல்லது ஆங்கிலேயர்களால் தூண்டிவிடப் பட்டு அவ்வாறான கலாட்டாக்களை செய்துள்ளனர். இப்பொழுது இந்த கருப்புப் பரிவார் உபயோகித்துக் கொள்கிறது. மற்ற வழக்குகலை விட்டுவிட்டு சுப்ரீம் கோர்ட்டும், இதை விசாரித்து, இந்த சந்தர்ப்பத்தில் தீர்ப்பு அளிப்பதும் வினோதமா அல்லது அரசு இட்ட ஆணையா என்று காலம் தான் பதில் சொல்லியாக வேண்டும்.