Archive for the ‘தமிழ் பற்றற்றத் தமிழர்கள்!’ Category

நவகிரகங்களை தூஷிக்கும் திராவிட நாத்திகம்!

பிப்ரவரி27, 2010

நவகிரகங்களை தூஷிக்கும் திராவிட நாத்திகம்!

தஞ்சை நாராயணசாமி, மக்களுக்குத் தரும் போதைகள் நவக்கிரக கோவில்கள், விடுதலை, 27-02-2010, ஞாயிறு மலை, பக்கம்.5.

http://viduthalai.periyar.org.in/20100227/snews05.html

தஞ்சை நாராயணசாமி என்பவர் எழுதியதாக, “மக்களுக்குத் தரும் போதைகள் நவக்கிரக கோவில்கள்”, என்ற தலைப்பில், வீரமணியின் விடுதலையில் இப்படியொரு கட்டுரை வெளியிடப் பட்டுள்ளது. பகுத்தறிவுள்ள தமிழர்கள் படித்து பயன் பெறுவார்களாக!

(கிரகங்களின் எண்ணிக்கை தற்போது பத்து, மேலே சொல்லியுள்ளவற்றில் இராகு, கேது, என்பவை (சாயாகிரகம்) இல்லாதவை. இந்த ஒன்பதைச் சொல்லி, அவற்றிற்குக் கோவில்கள் அமைத்தும், சிலைகளை கோவில்களில் அமைத்தும், அவற்றை விளம்பரப்படுத்தி, மக்கள் அங்கு சென்று வர ஆசைகாட்டியும், பார்ப்பனர்கள் ஏமாற்றி வருகிறார்கள். நம்மக்களும் காலத்தையும் பொருளையும், மானத்தையும் இழந்து வாழ்கின்றனர். மக்கள் இவவற்றை புறக்கணிக்க வேண்டும்)

2. சபரிமலை அய்யப்பன் கோயில் 18 படிக்கட்டுகளும் ஒவ்வொரு கடவுளைக் குறிப்பதாகுமாம்.

ஒன்றாம் படி _ சூரியன்

இரண்டாம் படி _ சிவன்

மூன்றாம் படி _ சந்திரன்

நான்காம் படி _ பராசக்தி

அய்ந்தாம் படி _ செவ்வாய்

ஆறாம் படி _ முருகன்

ஏழாம் படி _ புதன்

எட்டாம் படி _ விஷ்ணு

ஒன்பதாம் படி _ குருபகவான்

பத்தாம் படி _ பிரம்மா

பதினொன்றாம் படி _ சுக்கிரன்

பன்னிரெண்டாம்படி _ ரங்கநாதன்

பதின்மூன்றாம் படி _ சனீஸ்வரர்

பதினான்காம் படி _ எமன்

பதினைந்தாம் படி _ ராகு

பதினாறாம் படி _ காளி

பதினேழாம் படி _ கேது

பதினெட்டாம் படி _ விநாயகர் (தினகரன் பொங்கல் மலர்)

(அய்யப்பனே ஒரு கற்பனை; அவன் பிறப்பே அசிங் கம். இரு ஆண்களுக்குப் பிறந்தவன் என்று கூறி. அவன் பெருமைக்கு கதைகள் வேறு. அந்தக் கோயி லில் 18 படிகள் இருந்தால், அவை ஒவ்வொன்றும் ஒரு கடவுளைக் குறிக்கிறதாம். சபரிமலை செல்லும் பக்தர்கள் பலகாலமாக அந்தப் 18 படிகளிலும் ஏறி மிதித்துக் கொண்டுமேலே சென்று அய்யப்பனைப் பார்க்-கிறார்கள். இத்தனை ஆடம்பரமும் காட்டு மிராண்-டித்தனமும் வெளியில் தெரிபவை. இந்தப் படிகளின் விளக்கத்தின்படி, 18 படிகளும் 18 கடவுள் கள் என்றால் , பக்தர்கள் அனைவரும் அந்தப் பதி னெட்டுக் கடவுள்களையும் ஏறி மிதித்துச் சென்று, திரும்பி மிதித்துக்கொண்டு வருகின்றனர். என்றுதான் அருத்தம். கடவுளர் மதிப்பு இப்படிப்பட்ட முட்டாள் தனத்தால் சந்திசிரிக்கின்றன. கடவுளைக் கற்பித்தவன் முட்டாள் என்பதற்கு இதுவே சான்றாகும்)

தஞ்சை நாராயணசாமி

Advertisements

மக்களிடையே நாட்டுப்பற்று குறைந்து வருகிறது: திருவாவடுதுறை ஆதீனம்!

ஜனவரி8, 2010
மக்களிடையே நாட்டுப்பற்று குறைந்து வருகிறது: திருவாவடுதுறை ஆதீனம்
First Published : 03 Jan 2010 01:36:00 AM IST

http://dinamani.com/edition/story.aspx?Title=%u0bae%u0b95%u…………

திருவாவடுதுறை ஆதீன திருமடத்தில் வெள்ளிக்கிழமை இரவு நடைபெற்ற மார்கழி திருவாதிரை விழாவில் ஓதுவார்கள் மற்றும் தமிழறிஞருக்கு விருதுகளை வழங்கி, ஆசி வழங்குக

மயிலாடுதுறை,  ஜன. 2:     போராட்டம் என்ற பெயரில் பொது சொத்துகள் சேதப்படுத்தப்படுவதன் மூலம், மக்களிடையே நாட்டுப்பற்று குறைந்து வருவது தெரிய வருகிறது என்றார் திருவாவடுதுறை ஆதீனம் சீர்வளர்சீர் சிவப்பிரகாச தேசிக பரமாச்சாரிய சுவாமிகள்.நாகப்பட்டினம் மாவட்டம், குத்தாலம் வட்டம், திருவாவடுதுறை ஆதீன திருமடத்தில் மார்கழித் திருவாதிரை, ஆங்கிலப் புத்தாண்டையொட்டி, வெள்ளிக்கிழமை சிறப்பு வழிபாடுகள், சொற்பொழிவுகள், விருது வழங்குதல், நூல் வெளியீடு, நலத் திட்ட உதவிகள் வழங்குதல், அன்னதானம் உள்ளிட்ட பல்வேறு நிகழ்ச்சிகள் நடைபெற்றன.இந்த நிகழ்ச்சிகளில் கலந்து கொண்டு திருவாவடுதுறை ஆதினம் மேலும் பேசியது:

2010-ம் ஆண்டு நாட்டில் அமைதி நிலவும். மக்கள் சுபிட்சமாக வாழ்வர். மழை குறையாது. உலகம் அழியும் எனக் கூறப்படுவதை யாரும் நம்பக் கூடாது. ஜாதி, மத பேதங்களை மறந்து, மக்கள் கூட்டுப் பிரார்த்தனையில் ஈடுபட வேண்டும். இதன் மூலம் கிடைக்கும் பலன், அனைத்து மக்களையும் சென்றடையும்.சுப காரியங்கள், திருமணங்களில் மரக்கன்றுகளைப் பரிசளிப்பதை வழக்கமாக்கிக் கொள்ள வேண்டும். மரம் வளர்த்தால், புவி வெப்பமயமாதலைத் தடுக்கலாம். பாவங்களையும், தாகத்தையும் போக்கும் கோயில் குளங்களை மாசுபடாமல், தூய்மையாகப் பாதுகாக்க வேண்டும்.வெளி நாடுகளிலிருந்து வழிபாட்டுக்காக இந்தியா வரும் பக்தர்களுக்கு விசா வழங்கும் முறையில் சலுகை அளிக்க வேண்டும். இதில், பாதுகாப்பு அம்சத்தைக் கவனத்தில் கொள்ள வேண்டும்.உரிமைக்காகப் போராடும் மக்கள், வன்முறைகளைக் கைவிடவேண்டும். போராட்டங்கள் என்ற பெயரில் பொதுச் சொத்துகளை சேதப்படுத்தக் கூடாது. பொது சொத்துகள் சேதப்படுவதால் நாட்டின் வளம் குறைகிறது. நாட்டுப்பற்று குறைந்து வருவதால்தான் வன்முறைகள், பொது சொத்துகள் சேதம் ஆகியவை நிகழ்கின்றன என்றார் திருவாவடுதுறை ஆதீனம்.

சிறப்புச் சொற்பொழிவுகள்: முன்னதாக, வெள்ளிக்கிழமை மாலை ஆதீனத் திருமடம் வேணுவனலிங்க விலாச அரங்கில் இன்னிசைக் கச்சேரி நடைபெற்றது. அதைத்தொடர்ந்து, கோவை அரசு கலைக் கல்லூரி தமிழ்த் துறை இணைப் பேராசிரியர் முனைவர் கி. சுப்பிரமணியன், கடலூர் புலவர் ஞானப்பிரகாசம் ஆகியோர் சிறப்புச் சொற்பொழிவாற்றினர்.

ஓதுவார்களுக்கு பட்டம்: இதைத் தொடர்ந்து, இரவு நேர வழிபாடு முடிந்த பின்னர், காரைக்குடி கொப்புடைநாயகியம்மன் திருக்கோயில் ஓய்வு பெற்ற ஓதுவார் டி. ஆர். நாராயணன், சூரியனார்கோயில் அருள்மிகு சிவசூரியப்பெருமாள் திருக்கோயில் ஓதுவார் சிவ. மோகனசுந்தரம், மதுரை திருப்புவனம் அருள்மிகு திருப்பூவணநாதர் திருக்கோயில் ஓதுவார் அ. முத்துக்குமார் ஆகியோருக்கு தலா ரூ. 3 ஆயிரம் பண முடிப்பு, “தெய்வத்தழிசைச் செல்வர்’ விருது, கோவை தமிழறிஞர் கி. சுப்பிரமணியனுக்கு ரூ.  3 ஆயிரம் பண முடிப்பு, “திருநெறிய தமிழ்ச் செல்வர்” விருது ஆகியவற்றை திருவாவடுதுறை ஆதீனம் வழங்கினார்.

நூல் வெளியீடு: பின்னர், “சைவ அனுட்டான விதி” என்ற விழா மலரை திருவாவடுதுறை ஆதீனம் வெளியிட, அதன் முதல் பிரதியை வேளைக்குறிச்சி ஆதீனம் இளவரசு சீர்மிகு அஜபா நடேஸ்வரர் பெற்றுக் கொண்டார்.அதைத்தொடர்ந்து, “திருத் தில்லை நீரோட்டக யமக அந்தாதி’ என்ற நூலை ஆதீனம் வெளியிட்டார். இதன் முதல் பிரதியை நாமக்கல் அரசு கலைக் கல்லூரி முன்னாள் முதல்வர் உ. சிவசாமியும், 2-ம் பிரதியை நூலாசிரியர் கடலூர் புலவர் வ. ஞானப்பிகாசமும் பெற்றுக் கொண்டனர்.பின்னர், திருவாவடுதுறை ஆதீனம் சார்பில் நலத் திட்ட உதவிகள் வழங்கப்பட்டன.இந்த நிகழ்ச்சிகளில் கட்டளை தம்பிரான் சுவாமிகள், தமிழ் ஆர்வலர்கள், ஆதீனப் புலவர்கள், ஆதீனப் பள்ளிகளின் ஆசிரியர்கள் கலந்து கொண்டனர்.

கோவில்களுக்கு ISO சான்றிதழ் தேவையா?

நவம்பர்13, 2009

கோவில்களுக்கு ISO சான்றிதழ் தேவையா?

கோவில் நிர்வாகத் தரம் பார்க்கும் நிறுவனங்கள், முயற்ச்சிகள்: திடீரென்று இப்பொழுது கோவில்கள் எல்லாம் ISO தரச்சான்றிதழ் (ISO Certification) பெற்றாகிவிட்டன என்று தெரிவிக்கப் படுகின்றன. உடனே கோவில் டிரஸ்ட் அதிகாரிகள், தலைவர்கள், “இப்பொழுதெல்லாம் கோவில்கள் மிகவும் நன்றக நிர்வகிக்கப்படுவதாகவும், வெளியாட்களின் சேவையால் கோவிலின் பாதுகாப்பு மற்றும் தூய்மை நன்றாக இருப்பதாகவும் வைத்திருப்பதாகவும்“ அறிக்கைகள் விடப்படுகின்றன, செய்திகள் வருகின்றன. உடனே மற்றவர்களும் அப்பாதையைப் பின்பற்றுவோம் என்று கிளம்பிவிட்டர்கள்.

கோவில்களை சுத்தப்படுத்த வெளியாட்கள் வரவேண்டும் என்றால் இந்துக்கள் வெட்கப்பட வேண்டும்: இந்துக்களுக்கு என்ன கொஞ்சம் கூட சூடு, சொரணை, தன்மானம்…..  ….  ….  …இவையெல்லாம் இல்லையா, அல்லது மறந்து விட்டதா? “இந்துக்களாக” சாமி கும்பிட உள்ளே வரும்வரும் அவர்களுக்கு கொஞ்சம்கூட புத்தியில்லையா? மனத்திற்குள் இருக்கும் மாசை, அழிக்கை, குப்பைகளை அழிக்கத்தானே இந்துக்கள் கோவில்களுக்கு வருகிறார்கள்? ஒருவேளை, இத்தனை ஆண்டுகளாக கோவில்களுக்கு வந்து அங்கேயே இவையெல்லாவற்றையும் கொட்டிவிட்டுச் சென்றதால்தானோ, இந்த பெறுக்கிகள் இன்று தூய்மை செய்கிறேன் என்று கிளம்பி விட்டர்கள்? பாருங்களேன், கோவில்களுக்கு உள்ளயேயும், வெளியேயும்! [மனிதனால் வெளியேற்றப் பட்ட குப்பைகள், நாகரிக குப்பைகள், விஞ்ஞானமுறையில் கொட்டப்பட்டக் குப்பைகள்] அத்தகைய “பக்திகரமான” ஊழலை, அசிங்கத்தை ஏன் செய்ய வேண்டும்? இதையேல்லாம் தான் ஆழ்வார்களும், நாயன்மார்களும் சொல்லிக் கொடுத்தார்களா?

உழவாரப்பணி எங்கே போயிற்று? நமது திருமூலர் சொல்லியதைவிடவா, இவர்கள் நமக்கு ஆலய நிர்வாகத்தைப் பற்றி சொல்லிவிட போகின்றனர்? நினைவிருக்கிறதா? திருநாவுக்கரசர் / அப்பர் அடிகள் அந்த தள்ளாடும் வயதினிலும் எப்படியிருந்தார்? குவாலிஸ் காரில் சென்றாரா? கையிலே உழவாரப்ப்டை வைத்துக் கொண்டுதானே கோவில்களில் சுத்தம் செய்துகொண்டிருந்தார். ஆமாம், “பெருசு” பற்றியெல்லாம் கதை சொல்ல ஆரம்பித்துவிட்டார்கள் என்று ஏளனம் பேசி திசைத் திருப்பும் காலமிது! இந்துக்கள் விழித்துக் கொள்ளவேண்டும். எப்படி தங்களது மீதான தாக்குதல்கள் அதி-நவீன முறையில் பிரயோகிக்கப் படுகிறது, செயல்படுகிறது என்பதனை உணர்ந்து, அறிந்து காரியத்தில் இறங்கவேண்டும் [ஏனெனில் படித்த நண்பர்களே அத்தகைய நவீன நிர்வாகமுறை நல்லதிற்காகத்தானே என்று வாதிட தோன்றும்]

கோவில்களைக் கட்டியவர்களுக்கு நிர்வாகம் தெரியாதா? கோவில் நிர்வாகம் என்பது ஒன்றும் புதிய கலையல்ல, அதை இந்தியர்களுக்கோ, இந்துக்களுக்கோ புதியதாகச் சொல்லிக் கொடுக்க. கோவிகளைக் கட்டத் தெரியும், ஆனால் நிர்வகிக்கத் தெரியாது என்பன போல சித்தரித்துக் காட்டும் இந்த முயற்ச்சிகள் கோவில்களில் உண்மையான அக்கரை இல்லாத “கருப்புப் பரிவார்”, “சிகப்புப் பரிவார்” கோஷ்டிகள், மறைமுகமாக கோவில் பணத்தை சட்டரீதியாக உறுஞ்சுவதற்கு என்றுதான் தெரிகிறது. மேலும் அத்தகைய எண்ணத்தை உருவாக்குவதே நச்சுத்தனமானது.

“குருகுலங்கள்” அழிக்கப்பட்டு வியாபாரக் கூடங்கள் வளர்ந்தமை: எப்படி “குருகுலங்கள்” அழிக்கப்பட்டு, இன்று கல்வி வியாபாரமாக்கப் பட்டு அதிலும், சிறுபான்மையினர் என்றெல்லாம் சொல்லிக் கொண்டு இந்திய நாகரிகம், கலாச்சாரம், பண்பாடு, பாரம்பரியம் முதலியவற்றை அழித்துக் கொண்டிருக்கிறார்களோ, அதுபொல, நேரிடையாக கோவில்களில் நுழைந்து, இந்தியநாகரிகம், கலாச்சாரம், பண்பாடு, பாரம்பரியம் முதலியவற்றை அழிக்கப் போடும் வேடமோ என்ரு எண்ணத் தோன்றுகிறது. விஜயநகர காலத்திற்குப் பிறகு வந்த மேனாட்டு வியாபாரக் கம்பெனிகளும், இனிமேல் வரப்போகும் வியாபாரக் கம்பெனிகளும் ஆலயங்களைக் காக்காது, நிச்சயமாகக் கொள்ளைத் தான் அடிக்கும்.

கோவில்கள் வியாபாரக் கம்பெனிகள் அல்ல: இப்படியே விட்டுவிடால், எப்படி “குருகுலங்கள்” அழிக்கப்பட்டு, இன்று கல்வி வியாபாரமாகி போய்விட்டதோ, அதுபோல, கோவில்களும் கம்பனிகளாகிவிடும்! பிறகென்ன, லாபம்-நஷ்டம் பார்க்கவேண்டியிருக்கும்! ஒரு பொருளை / சேவையை விற்ப்பவன் மற்றும் வாங்குபவன் என்ற நிலையில் கோவில்கலின் நிலையைக் குறைத்துவிட்டால், அத்தகைத் தரம், தரமாகாது. அது கோவில்களுக்கு(ள்) வரும் “நம்பிக்கையாளர்களின்” திறம் குறைந்துவிட்டது என்பதுதான் பொருள்! பிறகு எந்த கோவில்கள் லாபத்துடன் இயங்குகிறது-இல்லை, எந்த கோவில்கள் வேவை செய்யும் கம்பெனிகளுக்கு சம்பளம் / போனஸ் கொடுக்கிறது-இல்லை, அத்தகைய கோவில்களின் மீது வழக்குகள், அத்தகைய குற்ரங்களை மீறியதற்கு கோவில்களின் மீது அபராதங்கங்கள், திவாலா நோட்டீஸுகள், ஜப்தி…………………அல்லது அடுத்த கோவில் ”தத்தெடுத்து”க் கொள்வது (takeover)………..  …  … இப்படியெல்லாம் நடக்கும். அது இந்துக்களுக்குத் தேவையா? அதுமட்டுமா, வேவை செய்யும் வேலையாட்கள் இந்த கோவில் சங்கம் . அந்த கோவில் சங்கம் என்று ஆரம்பித்துவிட்டு, கோவில் முன்பே கொடியேற்றி விடுவர்! அவை அரசியல் சார்புடையாதாக இருக்கும். திடீரென்று “ஸ்டிரைக்”கும் நடக்கும்! இதெல்லாம் தேவையா?

கோவில்களை பாதுகாப்பது யார்? “வெளியாட்களை நியமித்தல்” (Outsourcing) என்ற ரீதியில், இவர்களே புதிய கம்பெனிகளைத் தோற்றுவித்து அல்லது உள்ல கம்பெனிகளையே காசு கொடுத்து வாங்கிவிட்டு, அதன் மூலம் தமது அதிகாரத்தை பலப்படுத்திக் கொள்ள ஆரம்பிப்பார்கள். செக்யூரிடி கம்பெனிகள் பாதுகாப்பு அளிக்குமாம். பிறகு, யாராக இருக்கும் இந்த செக்யூரிடி கம்பெனிகள்? யார் அதில் பயிற்ச்சி கொண்டு, கோவில்களுக்கு பாதுகாப்பு கொடுக்க வருவர்? அதில் இந்துக்கள் அல்லாதவர்கள் கூட வரலாமே? ஏன் இத்தகைய வாய்ப்பு உள்ளது என்று தெரிந்தவுடனே “ஜிஹாதி தீவிரவாதிகள்” இன்று முதலே “இந்துக்கள்” போர்வையில் பயிற்ச்சி பெற்று கழகங்களின் கம்பெனிகள் மூலம் கோவில்களுக்குள் நுழைந்து விடுவார்களே? பிறகு, கோவில்களினின்று குண்டுகள் வெடிக்கும்! உடனே நம்முடைய செக்யூலரிஸ சித்தாந்திகள் மற்றவர்கள் “இந்து தீவிரவாதிகளே, குண்டு வைத்துவிட்டு” மற்றவர்கள்மீது பழி போடுகிறார்கள் என்ற பிரச்சாரத்தை ஆரம்பித்து விடுவார்கள். கோவிகளில் “ரையிட்” நடக்கும். ஞாபகம் இருக்கிறதா, “Operation Bluestar”!

இந்து அறநிலையத்துறை சான்று பெற்றுவிட்டதா? நாத்திகக் கூட்டங்கள் கோவில் சொத்துகளைக் கொள்ளையடித்து, ஔரங்கசீப்புகள், மாலிக்காஃபுர்களையும் வென்றுவிட்ட இவர்கள், இன்று கோவில் நிர்வாகத்தைப் பற்றி பேசுகின்றனர். கோடிக்கணக்கான கோவில் பணம் நிலுவையுள்ளதை வசூல் செய்ய இவர்களுக்குத் துப்பில்லை, நாதியில்லை. கோவில் நிலங்களையே பட்டாப் போட்டு கொடுத்து விட்டபிறகு, தவறு என்று “சர்க்குலர்” விடும் நிர்வாகம் இந்த கொள்ளையடிக்கும் நிர்வாகம். “இந்து அறநிலையத்துறை”யில் சம்பந்தமே இல்லாதவர்கள் வேலையில் இருந்து கொண்டு கோடிக்கணக்கான இந்துக்களை ஆட்டிப் படைக்கிறார்கள். கும்பாபிஷேகம் நடத்துகிறோம் என்று லட்சக்கணக்கில் வசூல் பணத்தை விழுங்கிவிடுகிறார்கள். ஆனால், அதே நேரத்தில், பல்லாயிரக் கணக்கான வழக்குகள் போட்டு, நல்ல காரியங்களை முடக்கி வைத்துள்ளார்கள்.

படித்த இந்து இளைஞர்கள் முன்னே வரவேண்டும்: இன்று ஓரளவிற்கு இந்து இளைஞர்களுக்கு விழிப்பு வந்துயிருக்கிறது [சித்தாந்தங்களினால் குழம்பியுள்ளனர் என்பது வேறு விஷயம்]. ஆகவே எப்படி கோவில்களைக் காப்பது என்பது பற்றி அவர்கள் தீவிரமான சிந்தனையுடன் அவர்கள் இத்தகைய பிரச்சினைகளை நுண்ணமாக யோசித்து, அலசி முடிவிற்கு வரவேண்டும். வாரத்திற்கு ஒருநாள் அங்கங்குள்ள இளைஞர்கள் கோவில்களுக்குச் சென்று சுத்தப்படுத்த ஆரம்பித்தாலே போதும், அந்த குப்பைகளை அள்ள, இன்னொரு டென்டர் விட்டுவிடுவார்கள்! கோடிக்கணக்கான “இந்துக்கள்” உள்ளனரே, அப்படி ஒருநாள் வந்து புல்லைப் பிடுங்கி, களையெடுக்க ஆரம்பித்துவிட்டலே போதும், இத்தகைய அதி-நவீன-யுக்திக்காரர்கள் அடங்கி விடுவர்கள்.

எழுமின், விழுமின்: விவேகானந்தர் சொல்லியபடி இந்துக்கள் விழித்துக் கொள்ளவும், எழுந்துக் கொள்ளவேண்டிய நேரம் வந்தாகிவிட்டது! இனி வெட்கப் படாமல், பாரபட்சம் பார்க்காமல், தைரியம்மாகப் புல்லைப் பிடுங்க வேண்டும், களையெடுக்க வேண்டும், நச்சுண்ணிகள், சாருண்ணிகள், ஒப்புண்ணிகளை அழித்துவிட வேண்டும். புறப்படுங்கள், எழுமின், விழுமின்!

பாழாகிவரும் பல்லவர் கால குடைவரை கோவில் பராமரிக்கப்படுமா?

ஒக்ரோபர்21, 2009
பாழாகிவரும் பல்லவர் கால குடைவரை கோவில் பராமரிக்கப்படுமா?
அக்டோபர் 21,2009,00:00  IST
http://www.dinamalar.com/fpnnewsdetail.asp?news_id=5359
சிதம்பரம் கோவிலிலே இரவோடு இரவாக உண்டியல் வைத்த பச்சைத் தமிழினம், இந்த பல்லவன் குடைவரை கோவிலை ஏன் கண்டு கொள்ளவில்லை? உண்டி வைத்தாலும் காசு வராது என்பதால் தானே?

பிறகு என்ன நாத்திக-அரசியல்வாதிகளுக்கு கோவில்களில் அக்கரை?

அனால், நிச்சயமாக கொள்ளை அடிக்கும் திராவிடக் கூட்டங்களுக்கு அதில் அக்கரை உண்டு. எப்படி சமீபத்தில் ஒரு போலீஸ் அதிகாரி விக்கிரங்களைப் பற்றித் தகவல்களை கொள்ளைக்காரர்களுக்கு சொல்லி வந்தாரோ, அதே மாதிரி இத்தகைய இடிந்த கோவில்கள்,  யாரும் வராத கோவில்கள், ஒதுக்குப் புறத்தில் இருக்கும் கோவில்கள் என ஒரு பட்டியல் வைத்துக் கொண்டு கோள்ளையடித்து, கடத்தி பணம் சம்பாதிக்கின்றன். அதற்கு சான்றிதழ் அளிக்கவும் சரித்திர ஆசிரியர்கள் / ASI மற்ற அதிகாரிகளும் உண்டு.

Front page news and headlines today

செஞ்சி : செஞ்சி அருகே வரலாற்று முக்கியத்துவம் வாய்ந்த பல்லவ மன்னர் களின் குடைவரைக் கோவில் பராமரிப் பின்றி அழிவின் விளிம் பில் உள்ளது. தொல்லியல் துறையினரின் கவனத்திற்கு வராமல் உள்ள இந்த குடைவரை கோவிலை பாதுகாக்க அரசு விரைவான நடவடிக்கை எடுக்க வேண்டும்.

பல்லவ மன்னர்கள் தமிழகத்தை ஆட்சி செய் வதற்கு முன்பு வரை தமிழகத்தில் கட்டப்பட்ட கோவில்கள் செங்கல், மரம், உலோகம், சுண் ணாம்பு கலவைகளால் கட்டப்பட்டன. பல்லவ மன்னர்களின் காலத் தில் முதன் முறையாக பாறைகளை குடைந்து குடைவரை கோவில்களை அமைத்தனர். செஞ்சி அருகே உள்ள மண்டகப்பட்டு, தளவானூர் ஆகிய இடங்களில் உள்ள குடைவரை கோவில்களே தமிழகத்தின் முதன்மையான குடைவரை கோவில்கள் என வரலாற்று ஆசிரியர்கள் கருதுகின்றனர். இதே போன்ற பழமையான பல்லவ மன்னர்களின் காலத்தை சேர்ந்த குடைவரை கோவில் ஒன்று செஞ்சியில் இருந்து 5 கி.மீ., வடமேற்கே மேலச்சேரி கிராமத்தில் உள்ளது.

இந்த கோவிலில் உள்ள சிவலிங்கத்தை மத்திலீஸ்வரர் என பெயரிட்டு கிராம மக்கள் வணங்கி வருகின்றனர். வரலாற்று ஆய்வாளர்களால் இந்த குடைவரை கோவில் சிகாரி பல்லவேஸ்வரம் என குறிப்பிடப்பட்டுள் ளது. நீளமான பாறையின் அடி முதல் உச்சி வரை சதுரமான இரண்டு தூண் களுடன் குடைவரையின் முன்பகுதி உள்ளது. உள்பகுதியில் அர்த்தமண்டபம், முகமண்டபம் என பிரிக்காமல் இரண்டும் சேர்ந்து ஒரே மண்டபமாக குடைந்துள்ளனர்.

கருவறையின் உள்ளே தாய்ப் பாறையில் 5 அடி உயர அளவில் 7 அடி சுற் றளவில் என்கோண வடிவிலான சிவலிங் கத்தை வடித்துள்ளனர். கருவறைக்கு வெளியே உள்ள மண்டபத்தின் வடக்கு பகுதி தாய்ப்பறையில் நின்ற நிலையில் பார்வதியின் உருவத்தை மிக நேர்த்தியாக புடைப்பு சிற்பமாக வடித்துள்ளனர். (இந்த அம்மனை பிரஹன்னா நாயகி என கிராம மக்கள் அழைக் கின்றனர்.) குடை வரையின் வெளியே தெற்கு பகுதி சுவற்றில் விநாயகரின் புடைப்பு சிற்பமும், கருவறைக்கு வெளியே சுப்பரமணியர், வள்ளி, தேவயானை சிலைகளும் உள்ளன. இவைகள் பிற்காலத்தை சேர்ந்தவை.

இப்பகுதியை ஆட்சி செய்த நாயக்க மன்னர்கள் விழாக்கள் நடத்தவும், பைரவர் உள்ளிட்ட சிலைகளை வைத்து வழிபடவும் குடைவரையின் முன் பகுதியை மறைத்து பிற்காலத்தில் கருங்கல் தூண் மற்றும் செங்கற்களை கொண்டு இரண்டு பிரிவுகளாக மண்டபத்தை கட்டியுள்ளனர். இவற்றிற்கு வெளியே கருவறையை நோக்கியபடி சிறிய மண்டபத்தில் நந்தியும், (இந்த மண்டபம் கடந்த சில ஆண்டுகளுக்கு முன்பு இடிந்து விட்டது.) நந்திக்கு பின்புறம் பலி பீடம், துஜஸ்தம்பமும், வடக்கே சிதிலமடைந்த கருங்கல் மண்டபமும், தெற்கே குடைவரை உள்ள பறையின் தொடர்ச்சியை ஒட்டி படிகளுடன் கூடிய சிறிய குள மும். குளத்தின் எதிரே கருங்கற் களால் கட்டப்பட்ட விக்ரகங்கள் இல்லாத இரண்டு சிறிய சன்னதிகளும், சன்னதிக்கு பின்னால் நான்கு தூண்களுடன், கலை நயமிக்க சுதை வேலைகளால் ஆன சிறிய உற்சவ மண்டபமும் உள்ளது.

தளவானூரில் உள்ள சத்ருமல்லேஸ்வராயம் கோவிலை பல்லவ மன் னன் நரேந்திரன் என்னும் சத்ருமல்லனும் (காலம் கி.பி. 580 முதல் 630), மண் டகப்பட்டில் உள்ள குடைவரைக்கோவிலை பல் லவ மன்னன் முதலாம் மகேந்திரவர்மனும் கட்டியுள்ளனர். இந்த இரண்டு இடங்களிலும் உள்ள குடைவரை கோவில்களின்முகப்பில் இரண்டு பக்கமும் துவார பாலகர்களை வடித் துள்ளனர். ஆனால் மேலச்சேரியில் உள்ள குடைவரை கோவிலில் துவார பாலகர்கள் இல்லை. எனவே மேலச்சேரியில் உள்ள குடைவரை கோவில் தளவானூர், மண்டகப்பட்டு குடைவரை கோவில்களுக்கு முந்தைய காலத்தை சேர்ந்தவையாக இருக்கலாம் என வரலாற்று ஆய்வாளர்கள் கருதுகின்றனர். வரலாற்றில் செஞ்சிக் கோட்டை நூலாசிரியர் பொறியாளர் மணி, மேலச்சேரி குடைவரை கோவிலை பற்றி குறிப்பிடுகையில், மகேந்திரவர்மனின் தந்தையான சிம்மவிஷ்ணு காலத்தில் இந்த குடைவரை கோவில் உருவாக்கப்பட்டது என வரலாற்று அறிஞர் சுப்புராயலு தனது ஆய்வில் தெரிவித்திருப்பதை மேற் கோள் காட்டியுள்ளார். இதன்படி மேலச்சேரி மத்திலீஸ்வரர் குடைவரைக் கோவில் 4 – 5ம் நூற் றாண்டில் உருவாக்கப்பட் டிருப்பதற்கான வாய்ப்புகள் அதிகம் உள்ளன.

இந்த குடைவரையின் முன்பகுதியில் உள்ள வலது பக்க தூணில் பழமையான கல்வெட் டுக் கள் காணப்படுகின்றன. இந்த கோவிலின் வடமேற்கே உள்ள சிறிய ஏரியில் உள்ள பாறையிலும் சிதிலமடைந்த நிலையில் கல்வெட்டுக்கள் உள்ளன. இந்த கல்வெட்டுக்களைப் பற்றிய சரியான ஆய்வுகள் இதுவரை செய்யவில்லை. ஊருக்கு வெளியே ஒரு கி.மீ., தூரத்தில் பாதை எதுவும் இல் லாமல் கரடு முரடான ஒத்தையடி பாதையில் ஏரி வாய்க் காலை கடந்தே இந்த கோவிலுக்கு பொதுமக் கள் சென்று வரு கின்றனர். குடைவரைக்கு வெளியே பிற்காலத்தில் கட்டப் பட்ட மண்டபங்கள் இடிந்து விழும் ஆபத்தான நிலையில் இருப்பதுடன், விஷப் பாம்புகளின் நடமாட்டமும் இருப்பதால் மிகக்குறைந்த எண்ணிக் கையிலேயே பக்தர்கள் வருகின்றனர். ஒன்பதாவது தலைமுறையாக இந்த கோவிலில் பூஜைகள் செய்து வரும் செவலபுரை கிராமத்தை சேர்ந்த முத்து குமாரசாமி குருக் கள் மட்டும் மேலச் சேரியை சேர்ந்த குப்பன் என் பவரின் உதவியோடு நித்ய பூஜைகளை செய்து வருகிறார். கோவிலுக்கு என சொத்துக்கள் இருந் தும் இவற்றில் இருந்து வருவாய் இல்லாமல் உள்ளது.

மாமல்லபுரத்திற்கு இணையான குடைவரைகளை கொண்ட செஞ்சி பகுதியில் மற்றுமொரு வரலாற்று முக்கியத்துவம் வாய்ந்த இந்த இடம், இதுவரையில் இந்திய தொல் லியல் துறையின் கவனத்திற்கு வராமல் உள் ளது. இந்தியாவின் சிற்பக் கலை பெருமையை உலகுக்கு உணர்ந்தும் மற்றுமொரு குடைவரையை அழிவில் இருந்து காக்க வேண்டியது நமது கடமையாகும். எனவே தமிழக அரசு உடனடியாக தொல்லியல் ஆய்வா ளர்களை கொண்டு இந்த குடைவரை கோவிலை ஆய்வு செய்வதுடன், இதை அழிவில் இருந்து பாதுகாக்க மத்திய அரசின் தொல் லியல் துறைக்கு பரிந்துரை செய்ய வேண்டும் என வரலாற்று ஆர்வலர்களும், மேலச் சேரி செஞ்சி பகுதி மக்களும் எதிர்பார்க்கின்றனர்.