Archive for the ‘மடாதிபதி’ Category

திருவாடுதுறை ஆதீன மடத்திற்கு சொந்தமான சொத்துக்கள் – மதம், தர்மம் மற்றும் ஆன்மீகம் விடுத்து அரசியல் சார்ந்த காரியங்களில் ஈடுபடக் கூடாது (4)

ஒக்ரோபர்29, 2020

திருவாடுதுறை ஆதீன மடத்திற்கு சொந்தமான சொத்துக்கள் –  மதம், தர்மம் மற்றும் ஆன்மீகம் விடுத்து அரசியல் சார்ந்த காரியங்களில் ஈடுபடக் கூடாது (4)

இந்து சமய அறநிலையத்துறை, 55,820 ஏக்கர் நிலங்கள் ஆதீனங்கள் மற்றும் மடங்களுக்குச் சொந்தமாக இருப்பதாகத் தெரிவித்திருக்கிறது: இது தொடர்பாக வழக்கை தாக்கல் செய்த திருத்தொண்டர்கள் சபையின் நிறுவனர் மற்றும் தலைவரான ராதாகிருஷ்ணனிடம் பேசினோம்… “உயர் நீதிமன்றம், `தமிழகத்திலிருக்கும் கோயில், ஆதீனங்கள் மற்றும் மடங்களின் நிலங்களை அளந்து ஆய்வு செய்து ஆக்கிரமிப்புகளை மீட்க வேண்டும்’ என்று அறநிலையத்துறையினருக்கு உத்தரவிட்டது. ஆனால், எந்த ஆக்கிரமிப்பு மீட்பு நடவடிக்கையையும் யாரும் மேற்கொள்ளவில்லை. மதுரை உயர் நீதிமன்றக் கிளையில் `செங்கோல் ஆதீன’த்துக்கு உரிய நிலங்களை மீட்க வேண்டும் என்று கூறி பொதுநல வழக்கைத் தாக்கல் செய்தோம். நீதிமன்றமே மற்ற ஆதீன நிலங்களின் ஆக்கிரமிப்பு தகவல்களைக் கேட்டறிந்து, அனைத்து ஆதீன மடங்களையும் வழக்கில் எதிர் மனுதாரர்களாக இணைத்து நோட்டீஸ் அனுப்பியிருக்கிறது. இந்து சமய அறநிலையத்துறை, 55,820 ஏக்கர் நிலங்கள் ஆதீனங்கள் மற்றும் மடங்களுக்குச் சொந்தமாக இருப்பதாகத் தெரிவித்திருக்கிறது. ஆனால், ஆதீன மடங்களுக்கு உரிய நிலத்தை அளந்தால் இதன் மதிப்பு இன்னும் அதிகமாகும். தனிப்பட்டவர்களின் சுயநலத்தால் நிலங்களை மீட்க முடியாத சூழல் நிலவிக் கொண்டிருக்கிறது. கண்துடைப்புக்காக மீட்பு நடவடிக்கைகளை மேற்கொண்டு, அனைவரையும் ஏமாற்றிக்கொண்டிருக்கிறார்கள். ஆக்கிரமிக்கப்பட்டிருக்கும் அனைத்து நிலங்களையும் மீட்டு வருவாயை ஒழுங்குபடுத்தினால், பல்வேறு நலத்திட்டப் பணிகளை மேற்கொள்ள முடியும்.கோயில் மற்றும் ஆதீன, மட நிலங்களை விற்பவர்கள் தப்பித்துக்கொள்கிறார்கள். ஆனால், அதை வாங்கும் நடுத்தர மக்கள்தாம் சிக்கிக் கொள்கிறார்கள்.

திருக்கோயில், ஆதீன, மடங்களின் பட்டா, புறம்போக்கு நிலங்களுக்கு “தரும சாசன சொத்துகள்” ஆகுமா?: திருக்கோயில், ஆதீன, மடங்களின் பட்டா, புறம்போக்கு நிலங்களுக்கு “தரும சாசன சொத்துகள்” என்று பெயர். `இந்த தரும சாசனச் சொத்துகளை யார் வாங்கி பட்டா போட்டுக்கொண்டாலும், அது செல்லாது’ என்று உச்ச நீதிமன்றமே அறிவித்திருக்கிறது. பொது மக்கள் யாரும் கோயில் மற்றும் ஆதீன, மட நிலங்களை வாங்கி ஏமாற வேண்டாம். அந்த நிலங்கள் மீண்டும் தன்னிச்சையாக திருக்கோயில் வசம் வந்துவிடும். தர்ம சாசன நிலங்களை விற்பவர்கள் மீதும், வாங்குபவர்கள் மீதும் குண்டர் சட்டம் பாயும்படி சட்டம் இயற்றப்பட வேண்டும். கடந்த ஐந்தாண்டுகளில் மக்களுக்கும் இது தொடர்பாக விழிப்புஉணர்வு அதிகம் வந்திருக்கிறது.. ஆக்கிரமிக்கப்பட்ட நிலங்கள் தொடர்பாக வழக்கு, நீதிமன்றத்தில் நடந்துகொண்டிருக்கிறது. நல்ல தீர்ப்பு வரும் என்று எதிர்பார்க்கிறோம்…” என நம்பிக்கையுடன் பேசுகிறார் ராதாகிருஷ்ணன்.`சிவன் சொத்து குல நாசம்’ என்பார்கள். பல்வேறு காலகட்டங்களில் நம் முன்னோர்களால் தானமாக, புனித காரியங்களுக்காக அளிக்கப்பட்ட இந்த நிலங்களை அத்துமீறி அனுபவிப்பது என்பது தவறான செயல். தர்ம சாசன சொத்துகளை முறைகேடாக வாங்கியவர்களே கோயிலுக்குத் திருப்பிக் கொடுக்க முன்வர வேண்டும். இந்து சமய அறநிலையத்துறையும் ஆக்கிரமிக்கப்பட்ட மற்றும் முறைகேடாக விற்கப்பட்ட நிலங்களை விரைந்து மீட்க நடவடிக்கை மேற்கொள்ள வேண்டும்..!

திருவாடுவதுரை மடாதிபதி ஆக, இளையபெரிய சட்டங்கள் சண்டைப் போட்டுக் கொண்ட விவகாரங்கள்[1]: இளைய தம்பிரான், பெரிய தம்பிரான், கொலைத் திட்ட வழக்கு என்றெல்லாம் கூட இருக்கின்றன. அவ்வழக்கின் சுருக்கம்[2]:

மார்ச் 24, 1997 – மீனாக்ஷு சுந்தரம் தம்பிரான் இளைய பண்டார சந்நிதியாக நியமிக்கப் படல்.

ஜூலை 6, 2002 – இளைய பண்டார சந்நிதியை கொலைசெய்ய திட்டம் போட்டதாக, கிரிமினல் வழக்கு பதிவு செய்யப் பட்டது.

15.7.2002 – நோட்டீஸ் அனுப்பப் பட்டது.

ஜூலை 24,  2002 – பதவிலிருந்து நீக்கப் பட்டார்.

24-12-2004 – நீக்கப் பட்டதற்கு எதிராகத் தொடுக்கப் பட்ட வழக்கு தள்ளுபடி செய்யப் பட்டது.

ஆகஸ்ட் 1, 2011 – உயர்நீதி மன்றத்தில் குற்ற வழக்கிலிருந்து விடுவிக்கப் பட்டார்.

நவம்பர் 22, 2012 – பெரிய பண்டார சந்நிதி காலமானார்.

நவம்பர் 22, 2012 ஆணை – மீனாக்ஷு சுந்தரம் தம்பிரான் திருவாவடுதுரை 24வது மடாதிபதி ஆனார்.

05-06-2018 – இவ்விவகாரங்களில் கோர்ட் தலையிட முடியாது என்று உயர்நீதி மன்ற  தீர்ப்பு[3]

அதாவது, ஆன்மீகத்தில் ஈடுபட வேண்டிய மடாதிபதிகள் இவ்வாறெல்லாம் நடந்து கொள்கிறார்கள் என்றால், அடிப்படையிலேயே பல்லாண்டுகளாக ஏதோ தவறு இருந்து வருகிறது. கடவுளை மீறி நீதிமன்றங்களுக்கு செல்ல வேண்டிய அவசியமே, அவர்களது போலித்தனத்தை வெளிப்படுத்தி விட்டது[4]. அதிகாரத்திற்காக, பட்டத்திற்கு வரவேண்டும் என்பதற்காக, ஒரு தம்பிரான், இன்னொரு தம்பிரானை கொலைசெய்யத் துணிகிறார் என்றால், திராவிட அரசியல்வாதிகளுக்கும் இவர்களுக்கும் எந்த வேறுபாடும் இல்லை. அங்கு அரசியல் நுழைந்து விட்டது, இவர்கள் அரசியல்வாதிகளின் பிடியில் உள்ளார்கள் என்பது உறுதியாகின்றன. இதனால் தான், மடம்-கோவில் சொத்துகள் சட்டங்களை மீறி குத்தகைக்கு விடுவது, ஆக்கிரமிப்பது, விற்பது, பாட்டா போடுவது என்றெல்லாம் நடந்து வருகின்றன.

கோவில்மடங்கள் இடங்கள் எவ்வாறு ஆக்கிரமிக்கப் படுகின்றன?: குத்தகைகாரர்களாக இருந்து, எப்படி மடத்தை ஏமாற்றி வருகின்றனர் என்பதை, நீதிமன்ற தீர்ப்புகளே வெளிபடுத்திக் காட்டுகின்றன[5]. அதில் பல விவரங்கள் பெயர்களுடன், வெளியாகியுள்ளன[6]. இது உதாரணத்திற்குக் கொடுக்கப் படுகிறது. இது போன்று நூற்றுக் கணக்காண தீர்ப்புகள் உள்ளன. இருப்பினும், இவற்றையெல்லாம், ஒதுக்கி விட்டு, மறுபடி-மறுபடி சட்டமீறல்களை செய்து வருவது, ஒரு திட்டமிட்ட சதிவேலை எனலாம். திரும்ப-திரும்ப கோவில்-மடங்கள் நிலங்களையே குறி வைத்து, இவர்கள் வேலை செய்வதால், நிச்சயமாக அவை இந்துவிரோதமாகிறது. முதலில் திராவிடக் கட்சிகள் இந்திவிரோதிகளாக இருந்து கொண்டு செய்து வந்தன. இப்பொழுது, மற்ற கட்சிகள், குழுக்கள், முதலியவை அதே வேலையை செய்து வருகின்றன. நாளுக்கு நாள் நிலத்தின் விலை உயர்ந்து வருவதால், இத்தகைய மோசடிகள் அரசியல் பலத்தினால், சுலபமாக செய்யலாம் என்றாதால், எல்லோரும் இறங்கியுள்ளன. துலுக்கர், கிருத்துவர், மற்ற இந்துவிரோதிகள் இதில் இறங்கி கடந்த நூறாண்டுகளாக, இவ்வாறு செயல்பட்டு வருகின்றன. ஆக்கிரமிப்பு, சொத்தை அனுபவித்தல், பிறகு சொத்தே தனது என்பது, பட்டாவிற்கு விண்ணப்பித்தல், ஊழல் அதிகாரிகள் முதலியவர்களின் உதவியால் பட்டா பெறுதல், பிறகு நீதிமன்றங்களுக்குச் சென்றாக் கூட, இழுத்தடிப்பது, போலி ஆவணங்களை உண்டாக்குவது, கைமாற்றி விற்பது என்ற ரீதியில், இழுத்தடித்து, சொத்துகளை அனபவித்து வருகின்றனர்.                                            

© வேதபிரகாஷ்

28-10-2020


[1] Madras High Court – His Holiness Kasiviswanatha … vs State Of Tamil Nadu, IN THE HIGH COURT OF JUDICATURE AT MADRAS,   Reserved on :  22.03.2018,       Delivered on :      05-06-2018

CORAM              THE HONOURABLE THIRU JUSTICE V. PARTHIBAN

W.P.No.31714 of 2012 and    W.M.P.No.2672 and 2673 of 2018

His Holiness Kasiviswanatha Pandara Sannidhi,  The Adheena Head of  Thiruvavaduthurai Adheenam,

Mayiladuthurai taluk, Nagapattinam District.                                                                        ..                  Petitioner

versus

1. State of Tamil Nadu, represented by the Secretary, Hindu Religious and Charitable Endowments Department, Fort St.George, Chennai.

2. The Commissioner, Hindu  Religious and Charitable Endowments Department,                    Chennai.

3. The Assistant Commission Hindu  Religious and Charitable Endowments Department, Kumbakonam.                                   

4. Sri Meenakshisundara Thambiran, Kattalai Thambiran at Thiruvidaimarthur Temple, now self declared as Head of Thiruvavaduthirai Adheenam, Mayiladuthurai taluk, Nagapattinam District. ..   …Respondents

[2] https://indiankanoon.org/doc/26044699/

[3] Indian Express, Madras HC refuses to interfere in mutt matter, Published: 06th June 2018 04:39 AM  |   Last Updated: 06th June 2018 04:39 AM

[4] https://www.newindianexpress.com/states/tamil-nadu/2018/jun/06/madras-hc-refuses-to-interfere-in-mutt-matter-1824354.html

[5] Madras High Court – Thiruvavaduthurai Adheenam vs The Commissioner on 17 October, 2012

BEFORE THE MADURAI BENCH OF MADRAS HIGH COURT- DATED: 17/10/2012

CORAM – THE HONOURABLE MR.JUSTICE S.MANIKUMAR, W.P.(MD).No.1278 of 2006

And W.P.M.P.Nos.1433, 242 of 2006 and M.P.Nos.1 and 2 of 2012

Thiruvavaduthurai Adheenam, Thiruvavaduthurai, Through its Adheenakarthar, Sri La.Sri.Siva Prakasa Pandara Sannidhi Avargal, Mayiladuthurai Taluk, Nagapattinam District.            … Petitioner

Vs.

1.The Commissioner,    Land Revenue, Survey and Settlement,    Chepauk, Chennai 600 005.

2.The Assistant Settlement Officer,    (South – incharge),    The Office of the Director of Land Revenue,

   Survey and Settlement, Chepauk, Chennai 5.

3.The Assistant Director,    Survey and Settlement,    Tirunelveli District, Tirunelveli.

4. The Inspector of Survey,    Cheranmahadevi, Tirunelveli District.

5.A.Gnanakani,    S/o.Arulappa Nadar,    President, Sivanthipuram Vivasaya Sangam,

   Sivanthipuram Village, Vickramasingapuram Post,    Ambasamudram Taluk, Tirunelveli District.

6.P.Jeyaraj [R-5 impleaded as per order dated 13.02.2007 made in W.P.M.P.(MD).No.2870 of

2006.] [R-6 impleaded as per order dated 10.08.2012 made in M.P.(MD).No.1278 of 2006]

                                                                                                      … Respondents

[6] https://indiankanoon.org/doc/18428519/

திருவாடுதுறை ஆதீன மடத்திற்கு சொந்தமான சொத்துக்கள் – குத்தகை, வாடகை, வசூல் முதலியவற்றில் உண்டாகும் அதர்மங்கள் (3)

ஒக்ரோபர்29, 2020

திருவாடுதுறை ஆதீன மடத்திற்கு சொந்தமான சொத்துக்கள் –  குத்தகை, வாடகை, வசூல் முதலியவற்றில் உண்டாகும் அதர்மங்கள் (3)

ஜூன் 2020, குரு பூஜையின் போது, விவரம் தெரிந்தவர் சொன்னது[1]: மயிலாடுதுறை ஆன்மிகப் பேரவையின் நிறுவனர் வழக்கறிஞர் டாக்டர் ராம. சேயோன்  வெளியிட்டுள்ள செய்தி குறிப்பில் தெரிவித்துள்ளதாவது: “…………ராமநாதபுரம் மன்னன் ஆதீன சீடராக விளங்கி, ஆதீனத்திற்கு பல ஆயிரக்கணக்கான ஏக்கர் நிலங்களை தானமாக வழங்கினார்…அவற்றின் மூலம் கோவில் திருப் பணிகள் நடைபெற்றன….,”என்றெல்லாம் நடந்தன என்று விவரித்தார்[2]. ஆனால், அத்தகைய சொத்துகள் இன்றும் இருந்தும், திருப்பணிகள் நடக்காமல், நிலங்கள் ஆக்கிரமிக்கப் பட்டு, தெய்வீகப் பணிக்கு எதிரான வேலைகள் நடைபெறுகின்றன என்பதை மறைமுகமாக உணர்த்துகிறார் போலும். வழக்கறிஞர் என்ற நிலையில், அதெல்லாம் அதெல்லாம் அவருக்கு நிச்சயம் தெரிந்திருக்கும். நிச்சயமாக, ஏனெனில், இவர் பலவித விவகாரங்களுக்குக் குரல் கொடுத்து வருகிறார்[3]

அக்டோபர் 2019- திருவாவடுதுறை ஆதீன மட சொத்துக்களை மீட்கக்கோரிய வழக்கில் நோட்டீஸ் அனுப்ப ஐகோர்ட் கிளை உத்தரவிட்டுள்ளது[4]:  மதுரை மாவட்டம், சின்ன உலகாணியைச் சேர்ந்த மயில், ஐகோர்ட் மதுரை கிளையில் தாக்கல் செய்த மனு: “திருவாவடுதுறை ஆதீனத்திற்கு சொந்தமான நிலங்கள் பல இடங்களில் உள்ளன. மதுரை மாவட்டம், சின்ன உலகாணியிலுள்ள சில நிலங்களில்  குத்தகை அடிப்படையில் சிலர் விவசாயம் செய்கின்றனர். தற்போது குத்தகைதாரர்களின் வாரிசுகள் விவசாயம் செய்கின்றனர். இது குத்தகை விதிக்கு எதிரானது[5].  இந்த நிலங்கள் 1972-ல் குருசாமி, பகவதி, ராமு, மற்றொரு குருசாமி என 4 பேருக்கு குத்தகைக்கு விடப்பட்டது. இவர்கள் இறந்த நிலையில் குத்தகை ஒப்பந்தம் செல்லாது[6]. ஆனால் குத்தகை ஒப்பந்தத்துக்கு மாறாக அந்த 4 பேரின் வாரிசுகளும், அவர்களின் வாரிசுகளும் நிலத்தை சட்டவிரோதமாக பயன்படுத்தி வருகின்றனர். இவர்கள் ஆதீன நிலங்களை சட்டவிரோதமாக ரூ.5 லட்சத்துக்கு குத்தகைக்கு வழங்கியுள்ளனர்[7]. இதற்கு அறநிலையத்துறை அதிகாரிகள் உடந்தையாக உள்ளனர். இவர்களிடம் இருந்து சம்பந்தப்பட்ட நிலத்தை மீட்க யாரும் நடவடிக்கை எடுக்கவில்லை. எனவே சம்பந்தப்பட்ட நிலத்தை மீட்கவும், இதுவரை உபயோகப்படுத்தியதற்கான தொகையை வசூலிக்கவும் உத்தரவிட வேண்டும்,” இவ்வாறு மனுவில் கூறியிருந்தார். இந்த மனுவை நேற்று விசாரித்த நீதிபதிகள் டி.எஸ்.சிவஞானம், ஆர். தாரணி ஆகியோர் மனு குறித்து, அறநிலையத்துறை இணை ஆணையர், மதுரை  கலெக்டர் உள்ளிட்டோருக்கு நோட்டீஸ் அனுப்ப உத்தரவிட்டு விசாரணையை 2019, நவ. 12க்கு தள்ளி வைத்தனர். ஆக, இவ்விசயங்கள் நன்றாகவே தெரிந்திருக்கின்றன.

2018- ஆதீனத்துக்கு பிடிவாரண்டு பிறப்பித்து நீதிபதி வானதி உத்தரவு: விருதுநகர் மாவட்டம், ராஜபாளையம் சைவ வேளாளர் சமுதாயத் தலைவர் சேதுராமலிங்கம் பிள்ளை ராஜபாளையம் மாவட்ட கோர்ட்டில் வழக்கு தொடர்ந்தார். ராஜபாளையம் அருகே உள்ள மடத்துப் பட்டியில் திருவாவடுதுறை ஆதீனத்துக்கு சொந்தமான 2 ஏக்கர் நிலம் உள்ளது. கடந்த 40 வருடங்களாக இந்த நிலம் தனி நபர் ஆக்கிரமிப்பில் இருந்து வந்தது[8]. இங்கு நூலகம் அமைக்க அன்று இருந்த 23-வது குருமகா சன்னி தானத்தை அணுகினோம். அப்போது அவர் தனிநபர் ஆக்கிரமிப்பில் இருந்து நிலத்தை சட்டப்படி நீங்கள் மீட்டால் நூலகம் அமைக்க இடம் அளிக்கிறேன் என்று உறுதி கூறினார். இதைத் தொடர்ந்து நாங்கள் சட்டப்போராட்டம் நடத்தி மடத்துப்பட்டியில் இருந்த ஆதீன இடத்தை மீட்டோம். இதனிடையே 23-வது மகா சன்னிதானம் இறந்து விட்டார். இதைத்தொடர்ந்து 24-வது திருவாவடுதுறை சன்னிதானமாக ஸ்ரீலஸ்ரீ அம்பலவாணர் தேசிக பரமாச்சாரி சுவாமிகள் பொறுப்பேற்றார். அவரிடம் மடத்துப்பட்டியில் உள்ள நிலத்தில் நூலகம் அமைக்க இடம் கேட்டோம். அவர் இடம் தர முடியாது என தெரிவித்து விட்டார். அந்த நிலத்தை மீட்க ரூ. 20 லட்சத்திற்கு மேல் செலவு செய்துள்ளோம். தற்போது ஆதீனம் நிலத்தை தர மறுக்கிறார். எனவே இது தொடர்பாக நடவடிக்கை எடுக்க வேண்டும். இவ்வாறு அதில் குறிப்பிடப்பட்டுள்ளது. இந்த வழக்கு கடந்த 29-ந் தேதி ஜூன் 2018, விசாரணைக்கு வந்தது. அப்போது வழக்கு தொடர்பாக திருவாவடுதுறை ஆதீனம் ஜூன். 3-ந் தேதி (03-07-2018 அன்று) ஆஜராக வேண்டும் என நீதிபதி உத்தரவிட்டிருந்தார். நேற்று வழக்கு விசாரணைக்கு வந்தபோது ஆதீனம் ஆஜராகவில்லை. இதையடுத்து ஆதீனத்துக்கு பிடிவாரண்டு பிறப்பித்து நீதிபதி வானதி உத்தரவிட்டார்[9].


கோயில், ஆதீனங்களுக்குச் சொந்தமான “தரும சாசன சொத்து”களை வாங்கலாமா?[10]: இந்து சமய அறநிலையத்துறை கொள்கைவிளக்கக் குறிப்பேட்டில் தமிழகத்தில் மொத்தம் 56 ஆதீன மடங்களும், அதற்குக் கீழே 57 கோயில்கள் இருப்பதாகவும் குறிப்பு இருக்கிறது. தமிழகத்தில் இருக்கும் 36,590 கோயில்களுக்குக் கீழே 4,22,000 ஏக்கர் நிலங்களும்; 56 மடங்களுக்குக் கீழே கிட்டத்தட்ட 56,000 ஏக்கர் நிலங்களும் இருப்பதாக அறநிலையத்துறையின் தகவல் தெரிவிக்கிறது. திருவாவடுதுறை ஆதீனம், வானமாமலை ஆதீனம், திருக்குறுங்குடி ஜீயர் மடம், தர்மபுரம் ஆதீனம், மதுரை ஆதீனம், திருப்பனந்தாள் காசி மடம், அகோபில மடம், காஞ்சி சங்கர மடம் போன்ற சில ஆதீன மடங்களுக்குச் சொந்தமாகத்தான் ஆயிரக்கணக்கான ஏக்கர் நிலங்கள் குவிந்துகிடக்கின்றன. திருவாவடுதுறை ஆதீனத்துக்கு மட்டும் சுமார் 19,000 ஏக்கர் நிலம் சொந்தமாக இருக்கிறது. ஆதீனத்துக்குச் சொந்தமான இந்த நிலங்கள் மக்களுக்குக் குத்தகைவிடப்படுகின்றன; வாடகைக்கும் விடப்படுகின்றன; இவற்றின் மூலமாக வருமானம் வருகிறது.

திருத்தொண்டர் சபை என்ற அமைப்பைச் சேர்ந்த ராதாகிருஷ்ணன் என்பவர் மதுரை உயர் நீதிமன்றக் கிளையில் பொதுநல வழக்கு ஒன்றைத் தாக்கல் செய்தது: இந்தச் சூழலில் அண்மைக்காலமாக கோயில்கள், ஆதீனங்கள், மடங்களுக்குச் சொந்தமான நிலங்கள் ஆக்கிரமிக்கப்படுவதாகவும், சட்ட விரோதமாக விற்கப்படுவதாகவும் பல்வேறு குற்றச்சாட்டுகள் எழுந்திருக்கின்றன. இது தொடர்பாக திருத்தொண்டர் சபை என்ற அமைப்பைச் சேர்ந்த ராதாகிருஷ்ணன் என்பவர் மதுரை உயர் நீதிமன்றக் கிளையில் பொதுநல வழக்கு ஒன்றைத் தாக்கல் செய்தார். அந்த மனுவில் இப்படிக் குறிப்பிடப்பட்டிருக்கிறது… `தூத்துக்குடி மாவட்டம் நெடுங்குளத்தில் இருக்கிறது `செங்கோல் ஆதீனம்.’ இந்த ஆதீனத்துக்குச் சொந்தமான நிலங்கள் தூத்துக்குடி மற்றும் திருநெல்வேலி மாவட்டங்களில் முறைகேடாக ஆக்கிரமிப்பு செய்யப் பட்டிருக்கின்றன. இதனால் அரசுக்கு மிகப்பெரிய வருவாய் இழப்பு ஏற்பட்டிருக்கிறது. இந்த ஆக்கிரமிப்புகளை அகற்றி நிலத்தை உடனடியாக மீட்க அறநிலையத்துறை நடவடிக்கை எடுக்க உத்தரவிட வேண்டும். ‘இந்த வழக்கு விசாரணையில், `தமிழகத்தில் உள்ள அனைத்து ஆதீனங்கள் மற்றும் மடங்களையும் இந்த வழக்கில் எதிர் மனுதாரர்களாக இணைக்க’ உத்தரவிட்டிருக்கிறது உயர் நீதிமன்ற மதுரைக் கிளை. மேலும், `தமிழகத்திலுள்ள ஆதீனங்கள் மற்றும் மடங்களுக்குச் சொந்தமான சொத்துகள் மற்றும் நிலங்கள், இதரச் சொத்துகள், குத்தகை மற்றும் வாடகைக்கு விடப்பட்டுள்ள விவரங்களை அறநிலையத்துறை உடனடியாகத் தாக்கல் செய்ய வேண்டும்’ என்று உத்தரவும் பிறப்பிக்கப்பட்டிருக்கிறது. இதன்படி அனைத்து ஆதீனம் மற்றும் மடங்களுக்கும் நோட்டீஸ் அனுப்பப்பட்டிருக்கிறது.

© வேதபிரகாஷ்

28-10-2020


[1] கொற்றவை செய்தி, திருவாவடுதுறை ஆதீனத்தில் இன்று சைவ குல எத்திராஜர் குருபூஜை விழா நடைபெற்றது, 17 June 2020

[2] http://www.kotravainews.com/news/thiruvaduthurai-adheenam-today-kotravai-news/

[3]  டாஸ்மார்க கடை திறப்பு, பொது மக்கள் பாதுகாப்பு போலீஸ், கோவில்கள் திறப்பு என்று பல விசயங்களில் குரல் கொடுப்பதாக, ஊடகங்கள் எடுத்துக் காட்டுகின்றன. ஆனால், இவ்விசயத்தில் அமைதி காக்கிறார் போலும்.

[4] தினகரன், திருவாவடுதுறை ஆதீன மடம் சொத்துக்களை மீட்க வழக்கு, 2019-10-01@ 00:38:21.

[5] https://www.dinakaran.com/News_Detail.asp?Nid=530262

[6] தமிழ்.இந்து, திருவாவடுதுறை ஆதீன நிலங்களை மீட்கக் கோரும் வழக்கு: மதுரை ஆட்சியருக்கு உயர் நீதிமன்றம் உத்தரவு, கி.மகாராஜன், Published : 30 Sep 2019 05:50 PM Last Updated : 30 Sep 2019 05:50 PM.

[7] https://www.hindutamil.in/news/tamilnadu/518079-high-court-order-to-madurai-collector-1.html

[8] மாலை மலர், நில விவகாரம்: திருவாவடுதுறை ஆதீனத்துக்கு பிடிவாரண்டுராஜபாளையம் கோர்ட்டு அதிரடி, பதிவு: ஜூலை 04, 2018 14:04 IST.

[9] https://www.maalaimalar.com/news/district/2018/07/04140445/1174378/Rajapalayam-court-warrant-to-thiruvavaduthurai-adheenam.vpf

[10] விகடன், கோயில், ஆதீனங்களுக்குச் சொந்தமான `தரும சாசன சொத்துகளை வாங்கலாமா?, சி.வெற்றிவேல், Published:12 Jun 2018 4 PMUpdated:12 Jun 2018 4 PM

https://www.vikatan.com/spiritual/temples/127470-can-we-convert-temple-land-as-a-sales-land

திருவாடுதுறை ஆதீன மடத்திற்கு சொந்தமான சொத்துக்கள் – குளங்கள் தூர்வாருவதில் ஏற்பட்ட அரசியல், மோதல், கைது முடியன (2)

ஒக்ரோபர்29, 2020

திருவாடுதுறை ஆதீன மடத்திற்கு சொந்தமான சொத்துக்கள் – குளங்கள் தூர்வாருவதில் ஏற்பட்ட அரசியல், மோதல், கைது முடியன (2)

அரசியல்.டைம்ஸ் சொல்வது ஜனவரி 2019 – கட்டளை தம்பிரான் கட்டப்பஞ்சாயத்து திருவிடைமருதூர் சுவாமிநாதன் மணல் திருடர்கள்[1]: இவ்வாறு, அரசியல்.டைம்ஸ் என்ற இணைதளத்தில் உள்ளது. “சைவ சமயத்தில் அடியார்களுக்கு சிவவழிபாட்டிற்கும் குருபீடத்திற்கும் அவப்பெயரை உருவாக்கிய திருவாவடுதுறை ஆதீனம் திருவிடைமருதூர் கட்டளை கட்டப்பஞ்சாயத்து கூலிப்படை தம்பிரான் சுவாமிநாதன் (சுப்பு) உடனே மடத்தை விட்டு வெளியேற்ற வேண்டும் இல்லையெனில் திருவாவடுதுறை மடம் முற்றுகையிட படும்.

  1. திருவிடைமருதூர் அரசு புறம்போக்கு குளமான சிங்கநேரி Survey No: 202 / விஸ்தீரணம் – 5
  2. திருவிடைமருதூர் சாராகுளம் (சந்திர குளம்) புறம்போக்கு குளமான survey No:62 / விஸ்தீரணம் -3
  3. முத்தூர் கிராமம் வண்ணாங்குட்டை புறம்போக்கு குளமான Survey No: 129/1 விஸ்தீரணம்-.0.25

இந்த மூன்று குளங்களில் தூர்வாரும் என்ற பெயரில் திருவாவடுதுறை திருவிடைமருதூர் கட்டளை தம்பிரான் சுவாமிநாதன் 20 அடி‌ ஆழத்திற்கு அதி நவீன இயந்திரங்களை வைத்து கொண்டு அதிக அளவில் மணல் கொள்ளையில் ஈடுபட்டு சுமார் 15 கோடிக்கு மேல் பணம் பார்த்து உள்ளார். கட்டளை தம்பிரான் வேலை தான் கட்டளை இருக்கும் சிவாலயங்களில் 6 கால பூசை / நெய்வேத்தியம் / சுவாமி திருமேனிகள் பராமரிப்பு / இது தான் இதை எல்லாம் விட்டு விட்டு மணல் கொள்ளையில் ஈடுபட்டு வந்த தம்பிரான் உடனே மடத்தை விட்டு நீக்கம் செய்ய இல்லையேல் திருவாவடுதுறை மடம் முற்றுகையிட படும். மற்றும் திருவிடைமருதூர் காவல்துறை ஆய்வாளர் – ராஜேந்திரன் /திருவிடைமருதூர் தாசில்தார்-இராஜேஸ்வரி துணை கொண்டு கட்டளை தம்பிரான் எதிர்த்து கேள்வி கேட்க திருவிடைமருதூர் மக்களை காவல்துறை ஆய்வாளர் ராஜேந்திரனிடம் லஞ்சமாக 5 லட்சம் ரூபாய் தந்து பொய் வழக்கு பதிவு செய்தது மிகவும் கண்டிக்கத்தக்கது. மற்றும் திருவாவடுதுறை ஆதீனம் கட்டளை தம்பிரான் சுவாமிநாதன் கூலிப்படை வைத்து மக்களை மிரட்டி உள்ளார் தம்பிரான் வேலை இதுவா?

மணல் அள்ளும் இடத்தில் புகைப்படம் எடுக்க சென்ற ஒருவரை காரில் உடனே வந்து கேள்வி கேட்கும் திருவாவடுதுறை கட்டளை தம்பிரான் சுவாமிநாதன் வீடியோ ஆதாரம் இணைக்கப்பட்டுள்ளது. சிவாலயத்தை விட்டு விட்டு மணல் கொள்ளையில் ஈடுபட்ட திருவாவடுதுறை ஆதீனம் கட்டளை தம்பிரான் சுவாமிநாதன் உடனே மடத்தை விட்டு வெளியேற்ற வேண்டும் இல்லையெனில் திருவாவடுதுறை ஆதீனம் மடம் முற்றுகையிட படும்,” இவ்வாறு அந்த இணைத்தளம் முடிக்கிறது[2].  “அரசியல்.டைம்ஸ்,” தோரணை, இது வெவ்வேறாக இருக்கின்றன.

குளங்கள் தூர்வாருவதில் அரசியல், குற்றச்சாட்டுகள்: திருவாவடுதுறை ஆதீனத்துக்குச் சொந்தமானது கும்பகோணம் அருகே உள்ள திருவிடைமருதூர் மகாலிங்க சுவாமி கோயில். இக்கோயிலில் கட்டளை தம்பிரானாக இருந்தவர் ஸ்ரீமத் சுவாமிநாத தம்பிரான் சுவாமிகள். கோயில் நிர்வாகத்தை கவனிப்பது, காணிக்கையாக வரும் நன்கொடைகளை முறைப்படுத்திச் செயல்படுத்துவது மற்றும் கோயிலுக்குச் சொந்தமான சொத்துகளை நிர்வகிப்பது போன்ற பணிகளைச் செய்துவந்தார். இந்தநிலையில், இவர் கடந்த ஒரு வருடமாக மகாலிங்கசுவாமி கோயிலுக்குச் சொந்தமான குளங்களைத் தூர்வாரும் பணியைச் செய்து வந்தார். அப்போது அரசின் உரிய அனுமதி இல்லாமல் மணல் எடுத்து விற்பதாக திருவிடைமருதூர் பா.ஜ.க நகரச் செயலாளர் ராஜ் என்பவர் குற்றம்சாட்டினர்.  ஆதீனத்திற்கு சொந்தமான, திருவிடைமருதூர் மகாலிங்கசுவாமி கோயிலின் கீழ் 32 தீர்த்த குளங்கள் உள்ளன. இதில் திருவிடைமருதூர் ஆதீன மேல்நிலைப்பள்ளி அருகே உள்ள சிங்கநீர் குளம், 15 ஆண்டுகளுக்கு பின் தூர்வாரப்பட்டது. கான்ட்ராக்ட் விவகாரத்தால் தான், அரசியல்வாதிகள், இவரை பலிக்காடா ஆக்கினர் போலிருக்கிறது.

பிஜேபி நகரச் செயலாளர் ராஜ் மீது கொலை முயற்சி வழக்கு பதிவு, கைது முதலியன[3]:  இதுகுறித்து, செய்தியாளர்களை சந்தித்த தம்பிரான், குளத்தை தூர்வாருவதற்கு எதிர்ப்பு தெரிவித்து, சிலர் கொலை மிரட்டல் விடுப்பதாகவும், வாட்ஸ்அப் மூலம் அவதூறு பரப்பி வருவதாகவும் புகார் தெரிவித்தார்[4]. இந்தநிலையில் குளம் தூர்வாரியபோது மணல் திருட்டு நடந்ததாக கூறி திருவிடைமருதூர் நகர பா.ஜனதா கட்சி தலைவர் ராஜூ (வயது 45) பிரச்சினை செய்து, இதுசம்பந்தமாக திருவாவடுதுறை ஆதீனம் மற்றும் அப்பகுதியை சேர்ந்த சிலரிடம் வாக்குவாதத்திலும் ஈடுபட்டார். இதற்கிடையே கட்டளை தம்பிரான் சுவாமி குறித்து தரக்குறைவாக விமர்சித்து ராஜூ தனது பேஸ்புக்கில் பதிவிட்டு, மேலும் ஆதீனத்துக்கு செல்போன் மூலம் கொலை மிரட்டல் விடுத்தார். இதுகுறித்து திருவிடைமருதூர் போலீஸ் நிலையத்தில் ஆதீனம் சார்பில் புகார் செய்யப்பட்டது[5]. அதன்பேரில் போலீசார் வழக்குப்பதிவு செய்து பா.ஜனதா நகர தலைவர் ராஜூவை கைது செய்தனர்[6], என்றெல்லாம் செய்திகள் உள்ளன.

பின்னர் தம்பிரான் சுவாமிகள் தரப்பில் சிம்மராஜா என்பவர் மூலம் ராஜ் மீது போலீஸில் புகார் கொடுக்கப்பட்டது. இதனையடுத்து, ராஜ் மீது கொலை முயற்சி வழக்கைப் பதிவு செய்தனர் போலீஸார். சுவாமி நாத தம்பிரான் சுவாமிகள் மீது ராஜ் புகார் கொடுத்தும் எந்த வழக்கும் பதியப்படவில்லை. இந்நிலையில் தற்போது தம்பிரான் சுவாமிகள், தமது உடல்நிலையைக் காரணம் காட்டி ஆதீன தம்பிரான் திருக்கூட்டத்திலிருந்து விலகுவதாக ஆதீன தலைமை மடத்துக்குக் கடிதம் அளித்தார்[7]. ராஜ் வெளிவந்தாரா, என்ன செய்தார் என்று தெரியவில்லை.

அரசியல்வாதிகள் நுழைவு, தூர்வாரும் மண் விற்கும் உரிமை[8]: சுவாமிநாத தம்பிரான் சுவாமிகள் தரப்பினரிடம் பேசினோம். “மடத்துக்குச் சொந்தமான 10 குளங்கள் ஆக்கிரமிப்பின் பிடியில் இருந்தன. பல ஆண்டுகளுக்குப் பிறகு அவற்றை மீட்டு தூர்வாரி அதில் நீரை நிரப்பினார் தம்பிரான் சுவாமிகள். இதனால் அவருக்கு எதிராக ஆக்கிரமிப்பாளர்கள் பலர் தங்கள் எதிர்ப்புகளைக் காட்டினர். அதனுடன் ஒரு சில அரசியல் கட்சியினர் குளம் தூர்வாரும் ஒப்பந்தத்தையும் தூர்வாரும் மண்ணை விற்கும் உரிமையை தங்களுக்குத் தர வேண்டும் என அழுத்தம் கொடுத்தனர். ஆனால் தம்பிரான் சுவாமிகள் இதற்கு அடிபணியாமல், `கோயில் நிர்வாகமே நேரடியாக இந்தப் பணியைச் செய்கிறது தூர்வாரப்படும் மண் கரையை பலப்படுத்தவும் பயன்படுத்தப்படுகிறது என்று தெரிவித்தார். தம்பிரான் சுவாமிகளின் விலகல் தொடர்பாக, பா.ஜ.க பிரமுகர் ராஜிடம் பேசினோம், “தம்பிரான் சுவாமி, சிம்மராஜா என்பவரின் துணையோடு குளங்களை தூர் வாருகிறேன் என்கிற பெயரில் மண் எடுத்து விற்று பெரிய அளவில் பணம் சம்பாதித்து வந்தனர். இதைத் தட்டிக் கேட்ட என் மீது புகார் அளித்தனர். அவரை பற்றித் தற்போதுதான் மடத்துக்குத் தெரிய வந்திருக்கிறது. அவர் விலகலுக்கு அவரின் செயல்பாடே காரணம். எந்த அரசியல் அழுத்தமும் இல்லை,” என்றார்[9]. இதன் மூலம் ராஜின் ஆசையும், விருப்பமும் இதில் வெளிப்படுகிறது. இவரும் அந்த கான்ட்ராக்ட் வேண்டும் என்று ஆசைபட்டார் போலும்.


அரசியல்.டைம்ஸ் தொடர்து சொல்வது ஜனவரி 2019: “திருவிடைமருதூரில் பிரம்மஹத்தி தோஷம் பாரிகாரம் என்ற பெயரில் மக்களை ஏமாற்றும் திருவாவடுதுறை ஆதீனம் மற்றும் திருவிடைமருதூர் சிவாச்சாரியார் பிரம்மஹத்தி நிவர்த்தி சுவாமி சிவபெருமானிடம் அபிஷேகம் செய்து அர்ச்சனை செய்ய வேண்டியதை வியாபாரம் நோக்கில் மக்களை ஏமாற்றும் திருவாவடுதுறை ஆதீனம்/திருவிடைமருதூர் மற்றும் திருவிடைமருதூர் சுவாமி திருமேனிகள் திருடப்பட்டடு அதற்கு பதிலாக போலி திருமேனிகள் வைக்கப்பட்டுள்ளது இதை தமிழ்நாடு அரசு உடனே பொன்மாணிக்கவேல் அவர்கள் துணையோடு சுவாமி திருமேனி சிலைகளை ஆய்வு செய்ய வேண்டும். திருவிடைமருதூர் காவல்துறை ஆய்வாளர் ராஜேந்திரனிடம் அளவுக்கு அதிகமாக கோடிக்கணக்கான சொத்துக்கள் உள்ளது தற்போது திருவிடைமருதூர் இருந்து 7 கிலோமீட்டர் தொலைவில் 4 வது புது வீடு கட்டி உள்ளார் தமிழ்நாடு அரசு லட்சம் ஒழிப்புதுறை என்ன செய்கிறது. சிவனடியார்களே மற்றும் இந்து அமைப்புகள் அனைவருக்கும் மடங்கள் பொது சொத்து அனைவருக்கும் சொந்தமானது மடங்கள் வேளாளர்/தேசிகர் அவர்களுக்கு சொந்தம் இல்லை அவர்கள் திருடி தின்பதற்கு நம் முன்னோர்கள் இவ்வளவு சொத்துக்களை தந்த விட்டு செல்ல வில்லை மடங்களில் தவறு நடக்கும் அநீதிகளை நாம் அனைவரும் ஒன்றிணைந்து சரி செய்ய வேண்டும்”.


© வேதபிரகாஷ்

28-10-2020


[1] அரசியல்.டைம்ஸ், மணல் கடத்தும் கட்டளை தம்பிரான் சுவாமிகள்..???, 10th January 2019.

[2] https://arasiyaltimes.com/%E0%AE%AE%E0%AE%A3%E0%AE%B2%E0%AF%8D-%E0%AE%95%E0%AE%9F%E0%AE%A4%E0%AF%8D%E0%AE%A4%E0%AF%81%E0%AE%AE%E0%AF%8D

[3] விகடன், ஆதீன வரலாற்றில் இப்படி நடந்ததில்லை!’ – வெள்ளை உடையணிந்து காசிக்குச் சென்ற திருவாவடுதுறை சுவாமிகள், கே.குணசீலன்,ம.அரவிந்த், Published: 18 Sep 2019 12 PM; Updated: 18 Sep 2019 12 PM,

[4] http://www.jayanewslive.com/tamilnadu/tamilnadu_84400.html

[5] மாலைமலர், திருவாவடுதுறை ஆதீனத்துக்கு செல்போனில் கொலை மிரட்டல்பா.ஜனதா பிரமுகர் கைது, பதிவு: அக்டோபர் 26, 2018 11:09 IS

[6] https://www.maalaimalar.com/news/district/2018/10/26110921/1209618/Thiruvaduthurai-near-Adheenam-murder-threat-BJP-arrest.vpf

[7] https://www.vikatan.com/news/tamilnadu/controversy-over-thiruvaduthurai-adheenam

[8] விகடன், ஆதீன வரலாற்றில் இப்படி நடந்ததில்லை!’ – வெள்ளை உடையணிந்து காசிக்குச் சென்ற திருவாவடுதுறை சுவாமிகள், கே.குணசீலன்,ம.அரவிந்த், Published: 18 Sep 2019 12 PM; Updated: 18 Sep 2019 12 PM,

[9] https://www.vikatan.com/news/tamilnadu/controversy-over-thiruvaduthurai-adheenam

தமிழகத்தில் தொடரும் கோவில் கொள்ளைகள் – தாலிகள் அறுக்கப்படுகின்றன, காரணம், பின்னணி என்ன?

மார்ச்24, 2012

தமிழகத்தில் தொடரும் கோவில் கொள்ளைகள் – தாலிகள் அறுக்கப்படுகின்றன, காரணம், பின்னணி என்ன?

தமிழகத்தில் பகுத்தறிவு, புத்தறிவு, புது-அறிவு என்றெல்லாம் பேசிக்கொண்டு தாலிகள் அறுக்கப்படுவதை கண்டும் காணாமல் இருக்கின்றனர், தாலிகள் அறுக்க விழாக்கள் நடத்தியதால், மரத்துவிட்டன போலும் மனங்கள். ஆகையால் கோவில் கொள்ளை என்றால், ஏதோ இந்தியா பாகிஸ்தானிடம் தோற்றுவிட்டது போன்ற மகிழ்ச்சி. என்னே திராவிடத்தின் அலங்கோலம், கோவில் நிலங்களை திருட்டுத் தனமாக பட்டாப் போட்டு விற்பதில்[1] அலாதியான மகிழ்ச்சி. குடிசை மாற்று வாரியத்தைக் கூட சாதகமாக்கிக் கொண்டு கோவில் நிலத்தை விற்பர்[2]. கருணாநிதி[3]-ஜெயலலிதா[4] என்று மாறி-மாறி ஆட்சி செய்தாலும், இந்த கோவில் கொள்ளை, சிலைகள் கடத்தல் முதலியன நிற்பதில்லை. ஆக, இவர்கள் மாலிக்காபூர், ஔரங்கசீப் போன்ற கொடிய கொள்ளையர்கள், குரூரத் திருடர்களையும் மிஞ்சி விடுவர் போலும்[5]! இதில் ரோசய்யா வந்தாலும், பங்கு கேட்காமல் விடுவதில்லை[6]. தமிழகத்தில் ஒரு நாளைக்கு ஒரு கோவிலில் கலசம், நகை, பணம் முதலியவை  கொள்ளையடிக்கப்படுகின்றன[7] என்று எடுத்துக் காட்டியுள்ளேன். டிசம்பர் 2009ல் ஒரே நாளில் பல கோவில்களில் சிலைகள், பணம் முதலியவை கொள்ளையடிக்கப் பட்டன[8]. கோவில் இல்லா ஊரில் குடியிருக்க வேண்டாம் என்றான் தமிழன் அன்று, இன்றோ குடியிருக்கும் இடத்தில் கோவில் வேண்டாம் என்பதோடு, இருக்கின்ற கோவில்களையும் இடிக்க வேண்டும் என்கிறார்கள்[9]. கருணநிதியே ஒரு விஜய நகரக் காலத்து மண்டபத்தை இடிக்கச் சொன்ன போது[10] படை தளபதி வீரமணி சும்மா இருப்பாரா, கோவில்களை இடி என்று முழங்கினார். மடாதிபதிகள் பலர் மிரட்டப் பட்டனர்; பொய் வழக்குகள் போடப்பட்டன; இளையபட்டங்களைத் தூண்டி விட்டு பிரிக்க சதி செய்தன; மடங்களினின்று மடாதிபதிகள் துரத்தப் பட்டனர்; மடங்கள் அபகரிக்கப் பட்டன[11]. சில மடங்களில் பிரிவினை ஏற்படவும் வழி வகுத்தன[12]. இதனால் பயந்து போன சில ஆதீனங்கள் கருணநிதியின் அடியையும் வருட ஆரம்பித்தன[13], இவை மொத்தமாக கீழ் கண்ட இணைத்தளங்களில் காணலாம்: https://atheismtemples.wordpress.com/

ஜனவரி 10, 2012 – புதுகை அருகே ஐம்பொன் சிலைகள் கொள்ளை கோவிலுக்குள் புகுந்து மர்ம கும்பல் கைவரிசை ; தினமலர் – ஜனவரி 11, 2012: புதுக்கோட்டை அருகே நேற்றுமுன்தினம் நள்ளிரவு கோவிலுக்குள் புகுந்து, பல லட்சம் ரூபாய் மதிப்புள்ள ஐம்பொன் சுவாமி சிலை கொள்ளையடிக்கப்பட்ட சம்பவம், அப்பகுதியைச் சேர்ந்த பக்தர்களிடையே அதிர்ச்சியை ஏற்படுத்தியுள்ளது. புதுக்கோட்டை மாவட்டம்

இவ்விவரங்கள் பல இணை தளங்களினின்று பெறப்பட்டுள்ளன. எங்கிருந்து பெறப்பட்டன என்ற குறிபுகளும் கொடுக்கப் பட்டுள்ளன. கடந்த 30 ஆண்டுகளாக இத்தகைய தமிழகக் கோவில் கொள்ளை, சிலைகள் கடத்தல் முதலியவற்றைப் பார்க்கும் போது, அதில் ஒரு முறை காணப்படுகிறது.

விராலிமலை அடுத்த விராலூர் கிராமத்தில் ஸ்ரீனிவாச பெருமாள் கோவில் உள்ளது. இந்து அறநிலையத்துறை பாராமரிப்பில் உள்ள இந்த கோவில் மிகவும் பழமைவாய்ந்த வரலாற்றுச் சிறப்புமிக்க கோவில்களில் ஒன்றாகும். இங்கு பெருமாள் ஸ்ரீதேவி, பூதேவியருடன் அமர்ந்து பக்தர்களுக்கு சேவை சாதித்து வருகிறார். வைகுண்ட ஏகாதசி விழா மற்றும் விசேஷ நாளில் ஸ்ரீதேவி, பூதேவியருடன் ஸ்ரீனிவாச பெருமாள் திருவீதியுலா வருவது வழக்கம். இதற்காக ஐம்பொன்னால் ஆன தனி உற்சவ மூர்த்தி சிலைகள் மூலஸ்தானத்துக்குள் பாதுகாப்புடன் வைக்கப்பட்டிருந்தது. இவற்றில் ஸ்ரீதேவி, பூதேவி சிலைகளை அதே பகுதியைச் சேர்ந்த கோபாலகிருஷ்ண ஐயர் என்பவர் நன்கொடையாக வழங்கியுள்ளார். கலைநயமிக்க இந்த சிலைகள் ஒவ்வொன்றும் ஒன்றரை அடி உயரம் உடையதும், பல லட்சம் ரூபாய் மதிப்புடையதாகும். நேற்றுமுன்தினம் இரவு பூஜைக்கு பின் வழக்கம்போல் நடைகளை அடைத்துவிட்டு கோவில் அர்ச்சகர் மணிகண்டன் பட்டாச்சாரியார் மற்றும் ஊழியர்கள் வீடு திரும்பியுள்ளனர். நேற்று அதிகாலையில் பூஜைக்காக அர்ச்சகர் மணிகண்டன் கோவிலுக்கு வந்தபோது மூலஸ்தான கதவுகள் மற்றும் கருவறை கதவுகளின் பூட்டுகள் உடைக்கப்பட்டு திறந்திருந்ததைக்கண்டு திடுக்கிட்டுள்ளார்.  கருவறைக்குள் சென்று பார்த்தபோது பெருமாள் அருகில் இருந்த இரண்டு தேவியர் சிலைகளும் மாயமானதைக் கண்டு அதிர்ச்சியடைந்த அர்ச்சகர் இதுகுறித்து

பொதுவாக தமிழகத்தில் முன்னர், தாலியைத் திருட மாட்டார்கள். ஆனால், இப்பொழுது, தெருக்களில் நடந்து செல்லும் போது, வீட்டு வாசலில் குனிந்து கோலம் போடும் போது, கழுத்தில் இருக்கும் தாலியைப் பறித்துச் செல்கின்றனர். அந்த அளவிற்கு அவர்களது மனநிலை மாறியுள்ளது. அதற்குக் காரணம் என்ன?

அறநிலையத்துறை அதிகாரிகள் மற்றும் விராலிமலை போலீஸாருக்கு தகவல் தெரிவித்துள்ளார். கோவிலுக்கு விரைந்த போலீஸார், கொள்ளை குறித்து விசாரணை நடத்தினர். நள்ளிரவு காம்பவுண்ட் சுவர் ஏறி குதித்து கோவிலுக்குள் புகுந்த கொள்ளையர்கள் முதலில் மூலஸ்தான மெயின் கதவுகளின் பூட்டை உடைத்துவிட்டு உள்ளே சென்றபின் கருவறை கதவுகளின் பூட்டை உடைத்துள்ளனர். பின்னர் கருவறைக்குள் புகுந்த கொள்ளையர்கள் பெருமாள் அருகில் வைக்கப்பட்டிருந்த ஸ்ரீதேவி, பூதேவி உற்சவ மூர்த்தி சிலைகளை கொள்ளையடித்துச் சென்றுள்ளது தெரியவந்தது. இந்த துணிகர கொள்ளை சம்பவம் அப்பகுதியைச் சேர்ந்த பக்தர்களிடையே அதிர்ச்சியை ஏற்படுத்தியுள்ளது. புதுக்கோட்டையிலிருந்து போலீஸ் மோப்ப நாய் மார்ஷல் வரவழைக்கப்பட்டு கொள்ளையர்களை அடையாளம் காணும் முயற்சியில் போலீஸார் ஈடுபட்டனர். மூலஸ்தான கதவுகள் மற்றும் கருவறை கதவுகளை மோப்பம் பிடித்த நாய் மார்ஷல் விராலிமலை – மதுரை சாலையில் ஒரு கி.மீ., தூரம்வரை ஓடிச்சென்று படுத்துக்கொண்டது. இதுபோன்று கைரேகை நிபுணர்கள் உதவியுடன் கொள்ளையர்களை அடையாளம் காணும் முயற்சியும் நடந்தது. “இரண்டு நாட்களில் கொள்ளையர்களை அடையாளம் கண்டு சிலைகள் மீட்கப்படும்,” என பக்தர்களுக்கு டி.எஸ்.பி., கலியமூர்த்தி உறுதியளித்துள்ளார்.

ஜனவரி, 28, 2012 குரும்பூரில்கோயில்பூட்டைஉடைத்துஉண்டியல்கொள்ளைதினமலர் – ஞா, 29 ஜன., 2012: குரும்பூரில் கோயில் பூட்டை உடைத்து உண்டியல் கொள்ளையடிக்கப்பட்டது. இதுகுறித்து போலீஸ்தரப்பில் கூறப்படுவதாவது:குரும்பூர் அருளானந்தபுரத்தில் முனியசாமி கோயில் உள்ளது. இங்கு வழக்கம்போல் கோயில் பூட்டியிருந்தது. சம்பவத்தன்று கோயில் பூட்டு உடைக்கப்பட்டு கதவு திறந்து கிடந்தது. இதனை கண்டு அதிர்ச்சியடைந்த நிர்வாகி உடனடியாக போலீசாருக்கு தகவல் கொடுத்தார். தகவலின் பேரில் போலீசார் வந்து விசாரணை நடத்தினர். அப்போது கோயிலுக்குள் இருந்த உண்டியல் உடைக்கப்பட்டு அதிலிருந்த பணம் கொள்ளையடிக்கப்பட்டது தெரியவந்தது. புகாரின் பேரில் குரும்பூர் சப்இன்ஸ்பெக்டர் மாரியப்பன் வழக்குப்பதிவு செய்து மர்ம ஆசாமிகளை தேடிவருகிறார்.

பிப்ரவரி 19, 2012, பரஞ்ஜோதி அம்மன் கோயில், காஞ்சிபுரம்[14]: காஞ்சிபுரம் பழைய ரயில் நிலையம் அருகே பரஞ்ஜோதி அம்மன் கோயில் உள்ளது. தினமும் ஏராளமான பக்தர்கள் வந்து தரிசனம் செய்வார்கள். அப்படி வரும் பக்தர்கள், கோயில் சுவற்றில் அமைக்கப்பட்டுள்ள உண்டி யலில் பணம், காணிக்கை செலுத்துவார்கள். நேற்று மதியம் 11 மணிக்கு கோயிலுக்கு வந்த பக்தர் ஒருவர், சுவரில் பதிக்கப்பட்டிருந்த உண்டியல் உடைக்கப்பட்டு இருப்பதை பார்த்து அதிர்ச்சி யடைந்தார். இதையறிந்த பொதுமக்கள் கோவில் முன் திரண்டனர். சில நபர்கள் மதில் சுவர் ஏறி குதித்து, உண்டியல் பணத்தை கொள்ளையடித்து சென்றது தெரியவந்துள்ளது. இதுகுறித்து சிவகாஞ்சி காவல்துறையினர் வழக்குப்பதிவு செய்து உண்டியல் கொள்ளையர்களை தேடுகின்றனர்.

 பிப்ரவரி 24, 2012 – குலசேகரன்பட்டினம் கோவிலில் கொள்ளை போன அம்மன் சிலை மீட்பு: வாலிபர் கைது[15]: கோவை ஆவாரம் பாளையத்தை சேர்ந்த நகை வியாபாரி முருகன். இவர் கோவை டவுன் ஹாலில் இருந்து சித்ரா செல்லும் பஸ்சில் பயணம் செய்தார். அவர் தனது கைப்பையில் 1 கிலோ வெள்ளி நகைகளை வைத்திருந்தார்.பஸ் நவ இந்தியா அருகே சென்ற போது அவரிடம் இருந்த கைப்பையை ஒரு வாலிபர் பறித்துக் கொண்டு இறங்க முயன்றார். சுதாரித்து கொண்ட முருகன் சத்தம் போட்டார். பஸ்சில் இருந்த மற்ற பயணிகள் அந்த வாலிபரை மடக்கி பிடித்து பீளமேடு போலீசில் ஒப்படைத்தனர். விசாரணையில் அவர் தூத்துக்குடி மாவட்டத்தில் உள்ள ஸ்ரீவைகுண்டம் பகுதியை சேர்ந்த பாலசுந்தரம் (26) என்று தெரிய வந்தது.மேலும் விசாரணையில் அவர் திருச்செந்தூர் குலசேகரன் பட்டினம் வீர மனோகரி அம்மன் கோவிலில் இருந்து பழமையான ஐம்பொன் சிலையை திருடி இருப்பதும் தெரிய வந்தது. இதைத்தொடர்ந்து போலீசார் பாலசுந்தரத்தை கைது செய்தனர்.பாலசுந்தரம் கொடுத்த தகவலின் பேரில் கோவையில் பதுக்கி வைத்திருந்த அம்மன் சிலை மற்றும் 4? கிலோ வெள்ளிப் பொருட்கள் பறிமுதல் செய்யப்பட்டது. கைதான பாலசுந்தரம் கோர்ட்டில் ஆஜர்படுத்தப்பட்டு சிறையில் அடைக்கப்பட்டார்.

பிப்ரவரி 25, 2012 – சந்தன கோபாலகிருஷ்ணன் கோவில், தூத்துக்குடி: தூத்துக்குடி: தூத்துக்குடி அருகே உள்ள பிரபல கோவிலில் ரூ.1 லட்சம் மதிப்பிலான தங்க நகை மற்றும் வெள்ளிப் பொருட்களை கொள்ளையர்கள் கொள்ளயடித்துச் சென்ற சம்பவம் பெரும் பரபரப்பை ஏற்படுத்தியுள்ளது. தூத்துக்குடி மாவட்டம் திருவைகுண்டம் அருகே பத்மநாபபுரத்தில் பிரசித்தி பெற்ற சந்தன கோபாலகிருஷ்ணன் கோவில் உள்ளது. இந்த கோவிலில் இரவு பூஜையை முடித்துவிட்டு அர்ச்சகர் கோவிலை பூட்டிவிட்டு வீட்டிற்கு சென்றுவிட்டார். மறு நாள்காலை கோவிலை திறக்க வந்தபோது பூட்டுக்கள் உடைந்து கிடப்பதை பார்த்து அதிர்ச்சியடைந்தார். உடனே இது குறித்து திருவைகுண்டம் போலீசாருக்கு தகவல் அளித்தார். தகவல் கிடைத்தவுடன் போலீசார் சம்பவ இடத்திற்கு விரைந்து சென்று பார்வையிட்டு விசாரணை நடத்தினர். இதில் அம்மனுக்கு அணிவிக்கப்பட்டிருந்த 9 கிராம் தங்க தாலி, பக்தர்கள் நேர்த்திக் கடன் செலுத்திய 79 கிராம் வெள்ளிப் பொருட்கள், பட்டுச் சேலைகள், பூஜை பொருட்கள் ஆகியவை கொள்ளை போனது தெரிய வந்தது. இதன் மதிப்பு ரூ. 1 லட்சம் ஆகும்.

 மார்ச் 6, 3012- பெரியகுளம் அருகே காளியம்மன் கோவிலில் நகை, சிலைகள் கொள்ளை: போலீசார் விசாரணை[16]: தேனி மாவட்டம் பெரியகுளம் தேவதானபட்டி அருகே உள்ள மேல்மந்தை கிராமத்தில் காளியம்மன் கோவில் உள்ளது. இங்கு அதே பகுதியை சேர்ந்த சந்திரசேகரன் என்பவர் கோவில் பூசாரியாக உள்ளார். இவர் வழக்கம்போல நேற்று முன்தினம் இரவு பூஜைகளை முடித்து கோவில் கதவை பூட்டி விட்டு சென்று விட்டார். பின்னர் நேற்று காலை பூசாரி சந்திரசேகரன் கோவிலுக்கு வந்தபோது கோவில் கதவுகள் உடைக்கப் பட்டு சாமி கழுத்தில் கிடந்த 2 பவுன் நகை மற்றும் வெண்கல சாமி சிலைகள் கொள்ளையடிக்கப்பட்டி ருப்பதை கண்டு அதிர்ச்சி அடைந்தார். இந்த கொள்ளை சம்பவம் குறித்து சந்திரசேகரன் தேவதானபட்டி போலீசில் புகார் செய்தார். உடனடியாக போலீசார் மற்றும் கைரேகை நிபுணர்கள் விரைந்து வந்து கொள்ளை நடந்த கோவிலை பார்வையிட்டு விசாரணை நடத்தினர். மேலும் தேவதானபட்டி போலீசார் வழக்குப்பதிவு செய்து கோவிலில் கொள்ளையடித்து சென்ற “மர்ம” ஆசாமிகளை வலைவீசி தேடிவருகின்றனர். சமீப காலமாக பெரியகுளம் பகுதியில் திருட்டு சம்பவங்கள் அதிகரித்து வருவதாகவும், எனவே போலீசார் தீவிர நடவடிக்கை எடுத்து கொள்ளையர்களை பிடிக்க நடவடிக்கை எடுக்க வேண்டும் என்றும் அப்பகுதி மக்கள் வலியுறுத்தி உள்ளனர்.

மார்ச் 7, 2012 – விநாயகர் கோவிலில் பணம் கொள்ளை, கொடுங்கையூர், சென்னை[17]: கொடுங்கையூர் வெங்கடேஸ்வரா நகர் 1வது தெருவில் செல்வ விநாயகர் கோவில் உள்ளது. 200 ஆண்டுகள் பழமை வாய்ந்த இந்த கோவில் தற்போது புனரமைக்கப்பட்டு திருப்பணி நடைபெற்று வருகிறது. கோவிலில்

மூன்று மாதங்களில் தமிழகத்தில் இத்தனை கோவில் கொள்ளைகள் நடக்கின்றன என்றால், அது நாத்திகத்தின் விளைவா அல்லது பகுத்தறிவாளர்களின் சதியா?

நவக்கிரக சன்னதி அமைக்கப்படுகிறது. தங்கராஜ் நாடார் திருப்பணியை செய்து வருகிறார். செவ்வாய்கிழமை பணி முடிந்து ஊழியர்கள் சென்று விட்டனர். கோவில் அர்ச்சகரும் பூஜையை முடித்து கோவிலை பூட்டி சென்று விட்டார்.  புதன்கிழமை காலை அர்ச்சகர் சுப்பிரமணி, நிர்வாகி கணேசன் ஆகியோர் கோவிலுக்கு வந்தனர். அப்போது இரும்பு கேட் பூட்டு உடைக்கப்பட்டு இருந்தது. மேலும் விநாயகருக்கு எதிரே இருந்த உண்டியல் உடைக்கப்பட்டு அதில் இருந்த பணம் கொள்ளை அடிக்கப்பட்டு இருந்தது. அதிர்ச்சி அடைந்த அவர்கள் தங்கராஜ் நாடாருக்கு தகவல் தெரிவித்தனர். அவர் கொடுங்கையூர் போலீசில் புகார் செய்தார். கோவில் உண்டியல் 4 மாதமாக திறக்கப்படவில்லை. இதனால் ரூ.8 ஆயிரம் வரை கொள்ளை போய் இருக்கலாம் என கருதப்படுகிறது. போலீசார் கொள்ளை நடந்த இடத்தை பார்வையிட்டு விசாரணை நடத்தி வருகிறார்கள்.

மார்ச் 8, 2012, ஸ்ரீஅங்காளபரமேஸ்வரிஅம்மன்கோயில்: பெர்ங்குடி, சென்னை: சென்னை அடுத்த பெருங்குடி சீவரம் ராஜீவ்காந்தி சாலையில் ஸ்ரீ அங்காள பரமேஸ்வரி அம்மன் கோயில் உள்ளது[18]. காலை, மாலை வேளைகளில் பூஜை நடைபெறும். சுற்றியுள்ள பகுதி மக்கள், அம்மனை வழிபடுவார்கள். வழக்கம் போல நேற்றிரவு பூஜை முடிந்ததும் கோயில் நடையை பூட்டி விட்டு வீட்டுக்கு சென்றார் பூசாரி சுப்பிரமணி (41). இன்று காலையில் மீண்டும் நடையை திறக்க வந்தார். அப்போது கிரில் கேட் உடைந்து கிடந்தது. அதிர்ச்சி அடைந்தார். உள்ளே சென்று பார்த்தபோது, கோயில் உண்டியல் உடைந்து கிடந்தது. அதில் உள்ள பணம் கொள்ளை போயிருந்தது. இதுகுறித்து கோயில் நிர்வாகிகள் குப்புசாமி, அங்கசாமியிடம் தெரிவித்தார். உடனே அவர்கள், துரைப்பாக்கம் போலீசில் புகார் செய்தனர். போலீசார் வழக்கு பதிந்து விசாரித்து வருகின்றனர்.

மார்ச் 18, 2012: கோயில் உண்டியலை உடைத்து பணம் திருட்டு[19] – பதிவு செய்த நேரம்:2012-03-20 12:55:44: வாடிப்பட்டி: கோயில் உண்டியலை உடைத்து பணத்தை திருடிச்சென்றவர்களை போலீசார் தேடி வருகின்றனர். வாடிப்பட்டியில் வல்லபகணபதி கோயில் உள்ளது. நேற்றுமுன்தினம் இரவு மர்ம நபர்கள் கோயிலுள்ள உண்டியலை உடைத்து பணத்தை திருடி சென்றுள்ளனர். நேற்று காலை இப்பகுதி வழியாகச் சென்ற பொதுமக்கள் கோயில் உண்டியல் பூட்டு உடைக்கப்பட்டிருப்பது கண்டு கோயில் நிர்வாகி ராதாகிருஷ்ணனுக்கு தகவல் தெரிவித்தனர். இதுகுறித்து புகாரின் பேரில் வாடிப்பட்டி போலீசார் வழக்குப்பதிவு செய்து விசாரித்து வருகின்றனர்.

மார்ச் 23, 2012 – மாரியம்மன் கோவில் – ஊத்துக்கோட்டை, திருப்பேர் ஊராட்சி, பூண்டி ஒன்றியம்[20]: கோவில் பூட்டை உடைத்து, ஐம்பொன் சிலை திருடியவர்களை போலீசார் தேடி வருகின்றனர். பூண்டி ஒன்றியம், திருப்பேர் ஊராட்சிக்கு உட்பட்டது பங்காருபேட்டை கிராமம். இங்கு, பழமை வாய்ந்த மாரியம்மன் கோவில் உள்ளது. செவ்வாய், வெள்ளிக்கிழமைகளில் விளக்கேற்றி, மக்கள் இந்த அம்மனை வழிபட்டு வந்தனர். நேற்று முன்தினம், வழக்கம்போல, கோவிலைப் பூட்டிவிட்டு பூசாரி வீட்டுக்குச் சென்றார். நேற்று காலை, கோவிலைத் திறக்க வந்தபோது, பூட்டு உடைக்கப்பட்டு இருப்பதைக் கண்டு அதிர்ச்சியடைந்தார். உள்ளே சென்று பார்த்தபோது, இரண்டு அடி உயரம் உள்ள ஐம்பொன் சிலை திருடப்பட்டிருந்தது தெரிந்தது. கோவில் பூசாரி சுப்பிரமணி பென்னலூர் பேட்டை போலீசில் புகார் செய்தார். சிலை திருடிய மர்ம நபர்களை போலீசார் தேடி வருகின்றனர்

வேதபிரகாஷ்

24-03-2012


திராவிட-நாத்திக-ஜெயலலிதா ஆட்சியில் 2005ல் வலுக்கட்டாயமாக வீரசைவ மடாதிபதி வெளியேற்றப்பட்டு, கும்பகோண மடம் அரசு கையகப்படுத்திக் கொண்டது!

ஓகஸ்ட்15, 2011

திராவிட-நாத்திக-ஜெயலலிதா ஆட்சியில் 2005ல் வலுக்கட்டாயமாக வீரசைவ  மடாதிபதி வெளியேற்றப்பட்டு, கும்பகோண மடம் அரசு கையகப்படுத்திக் கொண்டது!

 

109 ஆண்டுகள் வாழ்ந்த சுவாமிகள் மடம்: கும்பகோணத்தில் உள்ள பழம் பெரும் வீர சைவ மடத்தை தமிழக அரசு கையகப்படுத்தியுள்ளது. சாரங்க தேசிகேந்திர மகாசுவாமிகள் (1890-1994), சென்ற மடாதிபதி 109 ஆண்டுகள் வாழ்ந்த பெருமைப் பெற்றவர். இதைப் பற்றி யாரும் கவனம் கொண்டதாகத்தெரியவில்லை. காஞ்சி மடத்தை தனது கட்டுப்பாட்டில்எடுப்பதற்கு ஒரு முன் மாதிரியாகவே இந்த மடத்தை அரசு கையகப்படுத்தியிருப்பதாகக் கூறப்படுகிறது. இந்தியாவின் பழம்பெரும் சைவ மடங்களில் ஒன்று இந்த வீர சைவ மடம்.  கோலார் மாவட்டத்தில் உள்ள பங்காரப்பேட்டையில் தோன்றியது இம்மடம். சுமார் சில பத்தாண்டுகளுக்கு முன்பாக அது கும்பகோணத்திற்கு மற்றப்பட்டது.  நீலகண்ட சாரங்கதேசிக சுவாமி கடக் மடத்தில் சில வருடங்கள் இருந்தார்[1]. இந்த மடத்துக்கு ஆதி சங்கரர் விஜயம் செய்துள்ளதாகக்கூறப்படுகிறது. இப்படிப்பட்ட பெருமை கொண்ட இந்த பழம் பெரும் மடத்தில் பெருமளவில் நிதி முறைகேடு நடந்து வருவதாக புகார்கள் எழுந்தன[2].

 

1989லிருந்து இருக்கும் வழக்கு[3]: சாரங்க தேசிகேந்திர மகாசுவாமிகள் மடாதிபதியாக இருக்கும் போது, 1989ல் நிலத்தை விற்றதற்காக ஒரு வழக்கு தொடரப்பட்டது. 1994ல் சுவாமிகள் தனது 109 வயதில் காலமானார். அப்பொழுது, உயர்நீதி மன்றம் இவ்வழக்கை, சிறிய தவறு நிமித்தம் தள்ளுபடி செய்தது. 1989ம் ஆண்டு மறுபடி வழக்கு பதிவு செய்யப்பட்டது. அப்பொழுது மடாதிபதி அல்லது அவர் தரப்பில், யாரும் ஆஜராகவில்லை என்பதால், அவர்கள் இல்லாமலேயே தள்ளுபடி செய்யப்பட்டது. மேல்முறையீடு செய்யப்பட்டு, முதன்மை துணை நீதிபதியிடம் வழக்கு நிலுவையில் உள்ளது. இந்நிலையில் தான், மடத்தின் மடத்தின் தேர் காணப்படவில்லை என்று அறநிலையத்துறை புகார் கொடுத்ததாக போலீஸார் வந்தனர். பூஜை செய்து கொண்டிருந்ததால், மடாதிபதி வரவில்லை. இதனால், உள்பக்கமாக போலீஸார் கதவைப் பூட்டினர். இதிலிருந்தே, எந்த அளவிற்கு, அவர்கள் அராஜகமாக நடந்து கொண்டுள்ளனர் என்ரு தெரிகிறது. இருப்பினும் சைவர்கள் கூட ஒன்றும் எதிர்ப்புத் தெரிவித்ததாக தெரியவரவில்லை.

 

வீரசைவ பெரிய மடத்து சுவாமிகள் அரசு நடவடிக்கையை குறைகூறினார்: சிவில் வழக்கு நிலுவையில் உள்ளபோதே, இப்படி வலுக்கட்டாயமாக, பூஜை செய்து கொண்டிருந்த மடாதிபதியை வெளியேற்றியதற்காக கண்டித்து பேசினார். பூஜை செய்து கொண்டிருக்கும்போதே 15 அதிகாரிகள் உள்ளே நுழைந்து தம்மை வெளியேறுமாறு கட்டளையிட்டனர். சட்டதிட்டங்களுக்கு உட்பட்டுத்தான் நிலம் விற்கப்பட்டுள்ளது என்ரும், அதில் முறைகேடு எதுவும் இல்லையென்றும், மேலும் அவ்வழக்கு நிலுவையில் உள்ளது என்ரும் எடுத்துக் கட்டினார்.

நிதி முறைகேடுகள் – அரசு குற்றச்சாட்டு: மடத்தின் முந்தைய மடாதிபதியான சாந்ததேவ சாரங்க தேசிகேந்திர சுவாமிகள் (தற்போதைய மடாதிபதி நீலகண்ட சாரங்க தேசிகேந்திரசுவாமிகள்) மடத்துக்குச் சொந்தமான நிதியை பெருமளவில் முறைகேடாகப் பயன்படுத்தியதாக கடந்த 2002ம் ஆண்டு கும்பகோணம்நீதிமன்றத்தில் வழக்குத் தொடரப்பட்டது. அந்த வழக்கில், மடத்தை அரசு கையகப்படுத்த நீதிமன்றம் உத்தரவிட்டது. இருப்பினும் இந்த உத்தரவு இத்தனை காலமாக அமல்படுத்தப்படவில்லை.

வெளியேற மடாபதிக்கு உத்தரவு: இந் நிலையில் திங்கள்கிழமை திடீரென்று மடாதிபதி நீலகண்ட சாரங்க தேசிகேந்திர சுவாமிகள் மற்றும் அவருடன் இருந்தவர்களை உடனடியாக மடத்தை விட்டு வெளியேறுமாறு தமிழக அரசின் இந்து அறநிலையத்துறை அதிகாரிகள் உத்தரவிட்டனர். முதலில் அவர்கள் முரண்டு பிடித்துப் பார்த்தனர். ஆனால், கைது நடவடிக்கை பாயும் என அரசு எச்சரிக்கை விடுத்ததையடுத்துமடாதிபதியும் மற்றவர்களும் மடத்தை விட்டு வெளியேறினர்.

போர்டு தொங்குகிறது:  தற்போது மடம் பூட்டப்பட்டு வெளியே ஒரு போர்டு தொங்க விடப்பட்டுள்ளது. அதில், இந்த மடம் இந்து அறநிலையத்துறையால் கையகப்படுத்தப்பட்டுள்ளது. தற்காலிக தக்காராக சுவாமிமலை திருக்கோவில் துணை ஆணையர் தனபால் நியமிக்கப்பட்டுள்ளதாக அதில் எழுதப்பட்டுள்ளது.

நான் பெங்களூர் போறேன்: மடாதிபதி :  மடத்தை திடீரென்று அரசு கையகப்படுத்தியது குறித்து மடாதிபதி நீலகண்ட சாரங்க தேசிகேந்திர சுவாமிகள் அதிர்ச்சியும், அதிருப்தியும் தெரிவித்துள்ளார். 2 வருடமாக எந்த நடவடிக்கையும் எடுக்காமல் இப்போது திடீரென்று மடத்தை எடுத்துக் கொண்டது நியாயமற்ற செயல். என்னை வலுக்கட்டாயமாக மடத்தை விட்டு அதிகாரிகள் வெளியேற்றியுள்ளனர். மடத்திற்கு உள்ளே 6 ஜீவ சமாதிகள் உள்ளன. அவற்றுக்கு தினசரி 3 வேளை பூஜை செய்ய வேண்டும். அதை யார் செய்யப் போகிறார்கள்? நான் பெங்களூர் சென்று அங்கு தங்கப் போகிறேன் என்றார். (வீர சைவ மடங்கள் என்பது அடிப்படையில் கர்நாடக மாநிலம் லிங்காயத்து சமுதாயத்தினரைச் சேர்ந்த மடங்கள் என்பதுகுறிப்பிடத்தக்கது)

அவராகவே வெளியேறினார்: ஆனால் மடாதிபதியே மடத்தை விட்டு வெளியேற முன் வந்ததாக மடத்தின் தற்காலிக தக்காராக நியமிக்கப்பட்டுள்ள தனபால் கூறுகிறார்.அவர் கூறுகையில், முந்தைய  மடாதிபதி செய்த பொருளாதார முறைகேடுகளை ஒத்துக் கொண்டு தானே மடத்தை அரசிடம் ஒப்படைப்பதாக ஜனவரி 7ம் தேதி தற்போதைய மடாதிபதி தெரிவித்தார். அவரே மடத்தின் அனைத்து சாவிகளையும் எங்களிடம் ஒப்படைத்தார் என்றார்.

விஸ்வ இந்து பரிஷத், பிஜேபி எதிர்ப்பு: இதற்கிடையே கும்பகோணம் மடத்தை அரசு கையகப்படுத்தியுள்ளதற்கு விஸ்வ இந்து பரிஷத் அமைப்பு கடும் கண்டனம்தெரிவித்துள்ளது. இந்து மதத்தின் மீது அரசு மேற்கொண்டுள்ள போர் இது என்று அமைப்பின் துணைத் தலைவர் எஸ்.எம்.விஸ்வநாதன்கூறியுள்ளார். இல. கணேசன் பிஜேபி தலைவரும் இதே கருத்தைச் சொல்லிருக்கிறார்[4].

வழக்கு போட்ட நிர்வாகி திடீர் மரணம்: இதற்கிடையே வீர சைவ மடத்தை அறநிலையத்துறை கையகப்படுத்துவதை எதிர்த்து கும்பகோணம் மாவட்ட செஷன்ஸ் நீதிமன்றத்தில்மடத்தின் நிர்வாகிகளில் ஒருவரான ஹண்டி என்பவர் வழக்குத் தொடர்ந்தார். இந்த மனு மீதான விசாரணை இன்று நடைபெறவுள்ளது. இந் நிலையில் ஹண்டி திடீரென மரணமடைந்தார்.  அறநிலையத்துறை அதிகாரிகளின் நடவடிக்கைக்கு தடை உத்தரவு பெறுவதற்காக சென்னை உயர் நீதிமன்றத்திலும் வழக்குத் தொடரச்சென்றபோது மாரடைப்பு ஏற்பட்டு ஹண்டி மரணமடைந்ததாகக் கூறப்படுகிறது. காஞ்சி மடத்தை அரசு கையகப்படுத்தத் திட்டமிட்டிருப்பதாகக் கூறப்படும் நிலையில் ஒரு டிரையல் ரன்னாகவே கும்பகோணம் வீர சைவமடத்தை அரசு கையகப்படுத்தியிருப்பதாகத் தெரிகிறது.

 

இந்து மடங்களுக்கு எதிராக நாத்திக / திராவிட அரசு செயல்பட்டது என்பதுதான் உண்மை: அரசியல் ரீதியில், ஏதாவது ஒரு வழக்குப் போட்டு, உள்ளே தள்ளிவிடலாம் அல்லது பொய் வழக்குப் போட்டு உண்மையினை மறைத்து விடலாம் என்ற போக்கு இதில் தெரிந்துள்ளது. 109 ஆண்டுகள் வாழ்ந்த ஒரு வீரசைவ மடாதிபதிக்கு மரியாதை செய்ய, இந்த தமிழகத்திற்கு, திராவிட நாட்டிற்குத் தெரியவில்லை. ஆனால், நேற்று வந்த அதிகாரிகள் அவர் நிலமோசடி செய்து விட்டார் என்று வழக்கு தொடுத்தது மட்டுமல்லாமல், அவரது அடுத்த மடாதிபதியையும் விரட்டியடித்துள்ளனர். இதுதான், தமிழர் பண்பாடு போலும். 1342ம் ஆண்டு, இதேபோல, வீரவல்லாளன்[5], வல்லாள தேவன், பல்லாளன் என்றெல்லாம் அழைக்கப்பட்ட, திருவண்ணாமலை கோவிலைக் கட்டிய, முகமதியர்களின் தாக்குதல்களினின்று தென்னகத்தை, குறிப்பாக தமிழகத்தைக் காத்த, அந்த அரசன் மதுரையில் தோலுரித்து, தனது என்பதாவது வயதில் கொல்லப்பட்டபோது, எந்த வீரம், மானம், சூடு, சொரணையுள்ள மன்னனும் உதவிக்கு வரவில்லை. அப்பொழுது வீரமுடன் திருவண்ணாமலை கோவிலைக் காத்த அருள்திரு தெய்வசிகாமணி தேசிகர் (1291-1348) தான் மனம் நொந்து வருந்தினார்[6].

 

தமிழர்கள், தமிழ்-இந்துக்கள் விழித்துக் கொள்ளவேண்டும்: இப்படியெல்லாம் சொல்லத்தேவையில்லை, தமிழ்பேசும் இந்துக்கள், தமிழகத்தில் வாழும் இந்துக்கள், இந்தியர்கள் என்றேகூட சொல்லலாம். இருப்பினும், அவ்வாறு சொன்னால் விழித்துக் கொள்வார்களா என்ற சபலம் தான். சைவமடங்கள் அல்லது வைணவ மடங்கள் எதுவாக இருந்தாலும், இந்து நிறுவனங்கள் தாக்கப்படுகின்றன என்பதனை நினைவில் கொள்ளவேண்டும். இங்கு கருணாநிதி-ஜெயலலிதா என்ற தனிமனிதரை நாம் குற்றஞ்சாட்டவில்லை, ஆனால், அவர்கள் தமிழகத்தில் உள்ள எட்டுகோடுக்கும் மேலாக உள்ள இந்துக்களுக்கு எதிராக கடந்த 50-60 ஆண்டுகளாக செயல்பட்டு வௌகிறார்கள் என்பதைத்தான் எடுத்துக் காட்டப்படுகிறது. “ஆட்சியாளர்” என்ற முறையில், இத்தனை கொவில்களுக்கு கும்பாபிஷேகம் நடத்தப்பட்டது, வெள்ளையெடிக்கப்பட்டது என்றெல்லாம் புள்ளி விவரங்கள் கொடுப்பதால் ஒன்றும் பிரயோஜனம் இல்லை. ஏனெனில் அவற்றை மக்களே செய்து கொள்வார்கள். அப்படித்தான் கோவில்கள் வளர்ந்துள்ளன. ஆனால், மடங்களையும், கோவில்களையும், சட்டத்தின் பிடியில் வைத்துக் கொண்டு, சீரழித்து வருவதுதான் திராவிட ஆட்சியின் வேலையாக இருந்ர்து வருகிறது. இதனை மக்கள் புரிந்து கொள்ளவேண்டும்.

 

வேதபிரகாஷ்

15-08-2011


[3] The Hindu, Official takeover Veerasaiva mutt in Kumbakonam, January 19, 2005, http://hindu.com/2005/01/19/stories/2005011908140400.htm

[5] ஹொய்சள அரசன் வீர வல்லாளன் (1291-1342) திருவண்ணமலையைத் தலைநகராகக் கொண்டு ஆட்சி செய்து, முகமதியர்களுக்கு எதிராக போரிட்டு வீரமரணம் செய்திய மாஒஎரும் வீரன். தனது எண்பதாவது வயதில் முகமதியர் சூழ்ச்சியால் சிறைபிடிக்கப்பட்டு, குரூரமாக தோலுரித்து மதுரையில் கொல்லப்பட்டார். இதேபோல 90 வயதில் 1565ல் ராமராயர் போரில் கொல்லப்பட்டார். அப்பொழுதெல்லாம், தமிழ்நாட்டு இளைஞர்கள் எல்லாம் என்ன செய்து கொண்டிருந்தனர் என்று தெரியவில்லை.

[6] அருணந்தி சிவாச்சாரியாரிடம் தீட்சைப் பெற்ற ஆதிசைவ மரபில் தோன்றிய, திருவண்ணாமலை மடத்தை நிறுவிய வீரசைவர் ஆவர். அதாவது உண்மையிலேயே வீரம் மிக்க சைவ மடாதிபதி ஆவர்.

நாத்திக அறத்துறையின் வலை பெரிதாகிறது: இன்னுமொரு மடம் / கோவில் அபகரிக்கப் படுகிறது!

மே3, 2010
நாத்திக அறத்துறையின் வலை பெரிதாகிறது: இன்னுமொரு மடம் / கோவில் அபகரிக்கப் படுகிறது!
இந்து அறநிலையத்துறை கட்டுப்பாட்டில் இம்முடி அகோர தர்ம சிவாச்சாரியார் மடம்
மே 03,2010,00:00  IST

கோவை: பல கோடி ரூபாய் மதிப்புள்ள சொத்துக்களை கொண்ட, திருஆலங்காடு இம்முடி அகோர தர்ம சிவாச்சாரியார் ஆயிர வைசியர் மடம், அறநிலையத்துறை கட்டுப்பாட்டின் கீழ் கொண்டு வரப்பட்டுள்ளது. ஈரோடு மாவட்டம் பவானி நெருஞ்சிப்பேட்டை அருகேயுள்ளது திருஆலங்காடு. இந்த கிராமத்தில், இம்முடி அகோர தர்ம சிவாச்சாரியார் ஆயிர வைசியர் மடம் உள்ளது. பழம்பெருமை வாய்ந்த இந்த மடம், 1800ம் ஆண்டு துவக்கப்பட்டது. 1978ல் மடத்தின் அறங்காவலர்கள் மற்றும் மடாதிபதிக்குமிடையே ஏற்பட்ட பிரச்னையால், கோர்ட்டில் வழக்கு தொடரப்பட்டது. இதையடுத்து, மடாதிபதி மடத்தைவிட்டு வெளியேறினார். மடத்துக்கு சொந்தமாக 612 ஏக்கர் 10 சென்ட் நன்செய் நிலம் உள்ளது. ஈரோடு மாவட்டத்தில் மட்டும் 482 ஏக்கர் நிலம் உள்ளது. மீதமுள்ள நிலம் மற்ற மாவட்டங்களில் உள்ளது. 21 கடைகள், இரண்டு திருமண மண்டபங்கள், ஏழு குடியிருப்புகள், மூன்று தங்கும் விடுதிகள், ஒரு மேல்நிலைப்பள்ளி, ஒரு கிரானைட் குவாரி, சுண்ணாம்புக்கல் குவாரியும், மடத்துக்கு சொந்தமாக உள்ளன. இப்படி பல கோடி ரூபாய் மதிப்புள்ள சொத்துக்களை நிர்வகிக்கும் பொறுப்பு வகித்த அறங்காவலர் குழு, நீண்ட நாட்களாக தேர்வு செய்யப்படவில்லை.பல்வேறு குளறுபடி களால், மடத்துக்கு வருவாய் இழப்பு ஏற்பட்டது.மடத்தில் நடக்கும் முறைகேடுகளை களையவும், நிர்வாகத்தை முறைப்படுத்தவும் அறநிலையத்துறை கமிஷனர் சம்பத் கடந்த மாதம் 29ம் தேதி, கோவை மண்டல இணை கமிஷனருக்கு உத்தரவிட்டார்.

ஈரோடு அறநிலையத்துறை உதவி கமிஷனரை மடத்தின் பொறுப்பாளராக நியமிக்கவும் அறநிலையத்துறை உத்தரவிட்டது.இதையடுத்து, கோவை மண்டல அறநிலையத்துறை இணை கமிஷனர் அசோக் தலைமையில், மாவட்ட வருவாய் அலுவலர் (ஆலய நில மீட்பு) சுப்ரமணியன், மருதமலை கோவில் துணை கமிஷனர் லட்சுமணன், கோவை மண்டல கோவில் செயல் அலுவலர்கள், ஆய்வாளர்கள், நெருஞ்சிப்பேட்டை கிராம நிர்வாக அலுவலர்கள், வருவாய் ஆய்வாளர்கள் ஆகியோர் கொண்ட குழுவினர், மடத்தை அறநிலையத்துறை வசம் கொண்டு வந்தனர். இதற்கான எச்சரிக்கை நோட்டீஸ், மடத்தின் வாயிலில் ஒட்டப்பட்டது.கோவை மண்டல அறநிலையத்துறை இணை கமிஷனர் அசோக் கூறியதாவது:நீண்டகால முயற்சிக்கு பின், நூற்றாண்டு பழமை வாய்ந்த மடம், அறநிலையத்துறை கட்டுப்பாட்டுக்கு கொண்டு வரப்பட்டுள்ளது. இதன் மூலம் மடத்துக்கு வரும் வருவாய் சீராகும். அனைத்து வருவாய் இனங்களுக்கும் சரியான கணக்கு எழுதப்படும். ரசீது வழங்கப்படும். மடத்தின் கட்டுப்பாட்டில் ஏராளமான குத்தகைதாரர்கள், வாடகைதாரர்கள் உள்ளனர். நிலுவை வைத்துள்ள வாடகையை உடனடியாக மட நிர்வாகத்திடம் செலுத்தி ரசீது பெற்றுக்கொள்ள வேண்டும். இதன் மூலம் வருவாய் இழப்பை தடுக்க முடியும். மடத்தில் பணிபுரியும் பணியாளர்களுக்கு திருத்திய ஊதிய விகிதம் வழங்கப்படும். சம்பள பாக்கியும் வழங்கப்படும்.இவ்வாறு அசோக் கூறினார்.