கோயில் நிலம், கட்டிட, சொத்து விவரங்கள் கணினியில் பதிவேற்றம்: 2014லிருந்து 2021 வரை நடந்தது என்ன, அரசாணை ஏன் பின்பற்றப் படவில்லை, இப்பொழுது, நீதிமன்றத்தின் ஆணை ஏன்? (2)

கோயில் நிலம், கட்டிட, சொத்து விவரங்கள் கணினியில் பதிவேற்றம்: 2014லிருந்து 2021 வரை நடந்தது என்ன, அரசாணை ஏன் பின்பற்றப் படவில்லை, இப்பொழுது, நீதிமன்றத்தின் ஆணை ஏன்? (2)

நீண்டகாலம் யார் அனுபவித்து வருகிறார்களோ அவா்களுக்கே பகிர்ந்து கொடுத்தல் அல்லது பெயா் மாற்றம் செய்து கொள்ளுதல் ஆகியவற்றிற்கு அனுமதி கொடுக்கும் வகையில் தமிழக அரசு வெளியிட்டுள்ள அரசாணை: இத்திட்டமும், கடந்த 60 ஆண்டுகளாக நடந்து வருகிறது. அத்தகையோர் சங்கங்களைத் தோற்றுவித்து, நீதிமன்றங்களுக்குச் சென்றுள்ளனர். எல்லாவற்றையும் விட மிக்கப்பெரிய மோசடி என்னவென்றால், அவ்வாறு பலன் பெற்று வருவது, துலுக்கர், கிருத்துவர் மற்றும் கடவுள் நம்பிக்கை இல்லாத திராவிடக் கட்சியினர் தான். இவர்களுக்குத் தான், அறநிலைய அதிகாரிகள், எல்லா நிலையிலும், எல்லா வழிகளிலிலும் உதவி பெற்று வருகிறார்கள். இது, ஒரு வியாபாரமாக்கவே ஆகி விட்டது. அதனால், தான் கோடிக் கணக்கில் லஞ்சம் வாங்குவது, ஏமாற்றுவது, வழக்குகளில் சிக்குவது போன்றவை தொடர்ந்து நடந்து வருகின்றன. எந்த கட்சி ஆட்சியில் இருந்தாலும், கடந்த 60-70 ஆண்டுகளில் இந்நிலை மேன்மேலும் மோசமடைந்து வருவதை கவனிக்கலாம். இஹ்தகைய ஊழல்களை ஒழிப்போம், கோவில் நிலங்கள்-சொத்துக்களைக் காப்போம் என்று பலர் கிளம்பியிருந்தும், நிலைமை மாறவில்லை. அவர்கள் எடுத்துக் காட்டும் ஓட்டைகள், முதலியவற்றை, சட்ட நெளிவு-சுளிவுகளை அறிந்து கொண்டு, அதற்கேற்ற முறையில் மாற்றியமைத்துக் கொள்கிறார்கள்.

இணைய தளத்தில் பதிவேற்றம் செய்யவும் உத்தரவிட வேண்டும் என்ற மனு: மதுரையைச் சேர்ந்த ரமேஷ், மதுரை ஐகோர்ட்டில் தாக்கல் செய்த மனுவில், “தமிழகத்தில் உள்ள கோவில்களுக்கு சொந்தமான இடங்கள் மற்றும் கட்டண விவரங்களை அனைவரும் அறிந்து கொள்ளும் வகையில் அந்தந்த கோவில்களில் பட்டியல் வைக்க வேண்டும்[1]. பூஜை கட்டணங்கள், வாடகை விவரம், நன்கொடை, செலவினங்கள் ஆகியவற்றை இணைய தளத்தில் பதிவேற்றம் செய்யவும் உத்தரவிட வேண்டும்” என்று கூறியிருந்தார்[2]. இந்த மனுவை நீதிபதிகள் சுந்தரேஷ், ஆனந்தி ஆகியோர் விசாரித்தனர். அப்போது, அறநிலையத்துறை கமிஷனர் சார்பில் தாக்கல் செய்த பதில் மனுவில், “கோவில் சொத்துகளை கண்டறிய அடையாள குழுவும், பரிசீலனை குழுவும் அமைக்கப்பட்டுள்ளது. கோவில் நில குத்தகை மற்றும் வாடகைதாரர்கள், குடியிருப்போரிடம் இருந்து வரவேண்டிய ரூ.297.63 கோடி பாக்கியை கேட்டு 42,818 பேருக்கு நோட்டீஸ் கொடுக்கப்பட்டதில், 14 ஆயிரத்து 26 பேரிடம் இருந்து ரூ.32.49 கோடி வசூலாகியுள்ளது,” என கூறப்பட்டிருந்தது. இதையடுத்து நீதிபதிகள், ‘‘கோவில் சொத்துக்களை ஆக்கிரமித்துள்ள நபர்களின் விவரம், அசையும் அசையா சொத்துக்கள் விவரம் உள்ளிட்ட அனைத்து விவரங்களையும் 8 மாதங்களில் இணையதளத்தில் பதிவேற்றம் செய்ய வேண்டும் என்று உத்தரவிட்டனர்.

முழுவிவரங்களை இணைதளத்தில் வெளியிட மதுரைக்கிளை உயர்நீதி மன்றம் ஆணை: ஆக்கிரமிப்புகள், சட்டத்திற்குப் புறம்பாக விற்பனை, சொத்து பெயர் மற்றல், போன்ற மோசடிகளும் நடந்து வருகின்றன. குத்தகை மற்றும் வாடகைதார்களான 14,026 பேரிடமிருந்து ரூ.32,49,00,000/- வசூலிக்கப் பட்டுள்ளது[3]. இருப்பினும், பாக்கி பல நூறு கோடிகளில் நிலுவையில் உள்ளது. இதனால், முழுவிவரங்களை இணைதளத்தில் வெளியிட மதுரைக்கிளை உயர்நீதி மன்றம் ஆணையிட்டுள்ளது[4]. தமிழகம் முழுதும் உள்ள கோவில் நிலங்கள், கட்டடங்களின் விவரங்களை, பொதுமக்கள் எளிதாக பார்க்கும் வகையில், புவிசார் குறியீடு செய்து, இணைய தளத்தில் வெளியிட வேண்டும் என, அறநிலையத் துறை அலுவலர்களுக்கு, அமைச்சர் சேகர்பாபு உத்தரவிட்டுள்ளார்[5]. கோவில் சொத்துக்கள் ஆக்கிரமிப்பு, விதிமுறைகளை மீறி, கோவில் இடங்களை அரசுப் பணிக்கு வகை மாற்றுதல், கோவில் சொத்துக்கள் குத்தகை குளறுபடி என, பல்வேறு வழக்குகள் நீதிமன்றங்களில் வரிசை கட்டி நிற்கின்றன[6]. பல கோவில்களின் சொத்துக்கள் எங்கே இருக்கிறது என, தேடும் நிலை தொடர்கிறது. இது தொடர்பான வழக்குகளில், அரசு சிறப்புக்கவனம் செலுத்தும்படி, நீதிமன்றங்கள் பல்வேறு உத்தரவுகளை பிறப்பித்துள்ளன. இந்நிலையில், கோவில் சொத்துக்கள் பாதுகாப்பு, நிர்வாகம் தொடர்பான பல்வேறு குளறுபடிகளுக்கு தீர்வு காணும் வகையில், புதிதாக பொறுப்பேற்றுள்ள அரசு, நடவடிக்கை எடுக்க துவங்கியுள்ளது. ஆலோசனைகோவில்களில் மேற்கொள்ள வேண்டிய இணைய பதிவேற்றம் குறித்து, ஹிந்து சமய அறநிலையத் துறை அமைச்சர் சேகர்பாபு தலைமையில், சென்னை நுங்கம்பாக்கத்தில் உள்ள கமிஷனர் அலுவலகத்தில் ஆலோசனை கூட்டம் நடந்தது.

ஹிந்து சமய அறநிலையத் துறை அமைச்சர் ஆலோசனை கூட்டம், பிறப்பித்த உத்தரவு: இக்கூட்டத்தில், கமிஷனர் குமரகுருபரன், கூடுதல் கமிஷனர் ரமண சரஸ்வதி உள்ளிட்ட முக்கிய அதிகாரிகள் பங்கேற்றனர். அப்போது, துறை சார்ந்த அலுவலர்களுக்கு அமைச்சர் பிறப்பித்த உத்தரவு:

* கோவில் நிர்வாகம், அலுவலர்கள், திருப்பணிகள், விழாக்கள் போன்ற தகவல்களை இணைய தளத்தில் வெளியிட வேண்டும்

* கோவில்களில் தற்போது நடைமுறையில் உள்ள பல்வேறு பதிவேடுகளை, ‘ஸ்கேன்’ செய்து இணையதளத்தில் பதிவேற்றம் செய்ய வேண்டும்

* கோவில் நிலங்கள், கட்டடங்களின் விபரங்களை, பொதுமக்கள் எளிதாக காணும் வகையில், புவிசார் குறியீடு செய்து, இணையதளத்தில் வெளியிட வேண்டும்.

* அசையும், அசையா சொத்துக்களின் உரிமை ஆவணங்களை, ‘ஸ்கேன்’ செய்து, இணையத் தளத்தில் பதிவேற்ற வேண்டும்

* கோவில் சொத்துக்களில் உள்ள ஆக்கிரமிப்புக்களை அகற்றல், நியாய வாடகை வசூலித்தல் மற்றும் கோவில் வருவாயினங்களை பெருக்கும் வகையில் செயல்பட வேண்டும்,” இவ்வாறு அமைச்சர் சேகர்பாபு உத்தரவு பிறப்பித்துள்ளார். எல்லாமே, படா ஜோராக்கத்தான் இருக்கிறது, ஆனால், என்ன நடக்கப் போகிறது என்று பார்க்க வேண்டும்.

முழு ஊரடங்கு முடிந்த பிறகு கோயில் விவரங்களை தருகிறோம்: திருக்கோயில் தொழிலாளர் யூனியன் சார்பில் ஆணையர் குமரகுருபரனுக்கு வேண்டுகோள்: தமிழ்நாடு திருக்கோயில் தொழிலாளர் யூனியன் சார்பில் அறநிலையத்துறை ஆணையர் குமரகுருபரனுக்கு எழுதியுள்ள கடிதத்தில் கூறியிருப்பதாவது[7]: “இந்து சமய அறநிலையத்துறை மூலம் அனுப்பபடும் மின்னஞ்சல்கள் அனைத்தும் தமிழக முழுவதும் உள்ள அறநிலையத்துறையால் நிர்வகிக்கப்படும் செயல் அலுவலர்கள் பணியாற்றும் அனைத்து முதன்மை கோயில்களிலும் கணினி வசதி  ஏற்படுத்தாததால் அனைத்து கோயில்களில் இருந்தும் முழுமையான விவரம் கிடைக்கப் பெறப்படுவதில்லை. செயல் அலுவலர்கள் பணியாற்றும் அனைத்து முதன்மை கோயில்களிலும் கணினி வசதி ஏற்படுத்தி, கணினி இயக்குபவர் பணியிடம்  உருவாக்கி, அப்பணியிடத்தில் ஒருவரை நியமிக்க வேண்டும்[8]. கொரோனா தொற்று காரணமாக முழு ஊரடங்கு அமலில் உள்ள நிலையில், துறையில் இருந்து கோயில் பற்றிய விவரங்களை உடனடியாக சமர்ப்பிக்க வேண்டும் என கோயில் செயல் அலுவலர்களுக்கு தொடர்ந்து பல முறை மின்னஞ்சல்  மூலமாக உத்தரவு பிறப்பிக்கப்பட்டு வருகிறது. இந்த உத்தரவை செயல்படுத்த வேண்டுமென்றால் கோயில் பணியாளர்கள் பணிக்கு வந்து விவரங்கள் வழங்க வேண்டி உள்ளது. தற்போது பேருந்து வசதி இல்லாத நிலையில் கோயிலில் இருந்து  சுமார் 20 கிலோ மீட்டருக்கு அப்பால் வருகை தரும் பணியாளர்கள், சிரமத்திற்கிடையே கோயிலுக்கு வருகை தந்து விவரங்கள் தர வேண்டியுள்ளது. தற்போது கேட்கப்பட்டு வரும் கோயில் பற்றிய மின்னஞ்சல் விவரங்களை ஊரடங்கு விலக்கி கொள்ளப்பட்ட பிறகு கேட்கும் போது முழுமையாக அளிக்க தயாராக உள்ளோம்”. பல்லாயிரக்கணக்கான, ஏன் லட்சக்கணக்கான ஊழியர்கள், வீட்டிலிருந்தே வேலை செய்யும் போது, அத்தகையோர், ஏன் வேலை செய்யக் கூடாது என்று தெரியவில்லை.

நீதிமன்ற தீர்ப்புகள் ஆணைகள், கட்டளைகள் நிறைவேற்றப் படுகின்றனவா?: ஆக இவையெல்லாமே, ஆணைகள், காகிதங்களில் உள்ள கட்டளைகள் ஆனால், பின்பற்றப் படுகின்றனவா, பின்பற்றப் பட்டதா, பின்பற்றப் படப் போகிறதா, என்று பார்க்க வேண்டும். முந்தைய ஆணைகளிலேயே, பல விசயங்கள் உள்ளன, ஆனால், பின்பற்றப் படவில்லை. பின்பற்றியிருந்தால், ஊழல் இந்த அளவிற்கு நாறாது, மோசமாகியிருக்காது, இவையெல்லாம், பேச்சுப் பொருளாகி இருக்காது. ஆனால், நடந்து கொண்டே இருக்கின்றன. உச்சநீதி மன்ற தீர்ப்புகளே, பல அமூல் படுத்தாமல், கந்த 50 ஆண்டுகளாக கிடப்பில் கிடக்கின்றன. “இவ்வாணை, தீர்ப்பு, உடனடியாக பின்பற்றப் படவேண்டும், நிறைவேற்றப் படவேண்டும்,” என்று சுற்றறிக்கை, ஆணை வெளியிட்டு அமைச்சர், உயர் அதிகாரி அமைதியாக இருந்து விடுவர். ஒன்றும் நடக்காது, மறுபடியும் அதே ஊழல், அதே மோசடி, அதே திருட்டுத் திட்டம், களவாணி முறை என்று தொடரும்-தொடர்கின்றன. ஏதோ சிலர் வழக்குகள் போட்டு அமைதியாகி விடுவர். அத்துடன், எல்லாமே சமாதிகட்டிய நிலைக்குச் சென்று விடும். “வேகமாக / தீவிரமாக இறங்கி விட்டோம்,” (proactive) என்று செயலில் இறங்கி, மோசடிகளை, ஊழல்களை, ஏமாற்று வேலைகளைத் தீர்க்கிறார்களா என்று பார்க்க வேண்டும்.

© வேதபிரகாஷ்

21-05-2021

---

[1] தினத்தந்தி, கோவில் சொத்து விவரங்களை இணையதளத்தில் பதிவேற்றம் செய்ய வேண்டும், பதிவு: பிப்ரவரி 19,  2021 02:03 AM.

[2] https://www.dailythanthi.com/Districts/Chennai/2021/02/19020308/Temple-property-details-websiteTo-be-uploaded.vpf

[3] பாலிமர்.செய்தி, கோவில் சொத்துக்கள், ஆக்கிரமிப்பாளர் விவரங்களை இணையதளத்தில் வெளியிட உத்தரவு, பிப்ரவரி 18, 2021, 05:14:32 PM.

[4] https://www.polimernews.com/dnews/138329

[5] தினமலர், கோவில் சொத்துக்களை இணையதளத்தில் பதிவேற்ற அமைச்சர் சேகர்பாபு உத்தரவு, Added : மே 20, 2021  00:42.

[6] https://www.dinamalar.com/news_detail.asp?id=2770512

[7] தினகரன், ஊரடங்கால் பணியாளர்கள் வருவதில் சிக்கல்: முழு ஊரடங்கு முடிந்த பிறகு கோயில் விவரங்களை தருகிறோம்: திருக்கோயில் தொழிலாளர் யூனியன் சார்பில் ஆணையர் குமரகுருபரனுக்கு வேண்டுகோள், DOTCOM@DINAKARAN.COM(EDITOR) | MAY 19, 2021.

[8] https://m.dinakaran.com/article/news-detail/678258/amp?ref=entity&keyword=Thirumannamalai%20Annamalaiyar%20Temple

குறிச்சொற்கள்: அறங்காவலர்கள், அறநிலையத் துறை, அறநிலையத் துறை அமைச்சர், அறநிலையத்துறை, அறநிலையத்துறை அமைச்சர், அறநிலையத்துறை கட்டுப்பாடு, ஆலய ஊழல், ஆலய சொத்து, ஆலய நிர்வாகம், ஆலய மோசடி, ஆலயம், இந்து அறநிலையத்துறை, இந்து அறநிலையத்துறை ஊழியர்கள், இந்து அறநிலையப் பிரச்சினை, இந்து சமய அறநிலையத்துறை, உள்குத்தகை, குத்தகை, குத்தகைக்கு எடுத்தல், குத்தகைக்கு எடுத்தவர், குத்தகைக்கு கொடுத்த கோவில், குத்தகைதாரர், கோவிலின் ஆண்டு வருமானம், கோவில் அபகரிக்கப் படுகிறது, கோவில் இடிப்பு, கோவில் திருட்டு, கோவில் நிலம், கோவில் நிலம் ஆக்கிரமிப்பு, நாத்திக அறத்துறை