மாணிக்கவாசகர் கட்டிய சின்ன ஆவுடையார் கோவில் கோவில் சிதிலமடைந்து விழும் நிலையில் விடப் பட்டது ஏன்? தமிழகத்தில் ஏன் இப்படி நடக்கிறது? (2)

மாணிக்கவாசகர் கட்டிய சின்ன ஆவுடையார் கோவில் கோவில் சிதிலமடைந்து விழும் நிலையில் விடப் பட்டது ஏன்? தமிழகத்தில் ஏன் இப்படி நடக்கிறது? (2)

சின்ன ஆவுடையார் கோவி ல் ஒரு முக்கியமான இடத்தில் கடற்கரையில் அமைந்துள்ளது.

சின்ன ஆவுடையார் கோவி ல் ஒரு முக்கியமான இடத்தில் கடற்கரையில் அமைந்துள்ளது. வடக்கில் கும்பகோணம், தெற்கில் ராமேஸ்வரம், கிழக்கில் கடல் மற்றும் இலங்கை, மேற்கில் மதுரை என்றுள்ளது.

கொள்ளுக்காடு (Kollukkadu) இந்தியா, தமிழ்நாடு, தஞ்சாவூர் மாவட்டத்தில், பட்டுக்கோட்டை வட்டத்தில் உள்ள கிராமமாகும். கடற்கரைக்கு அருகில் உள்ளதால் உப்பளங்கள் அதிகமாக உள்ளன.

கோவில் இருப்பிடம் – கூகுள் மேப் – நன்றி

அதிகளவில் மணல் தேங்கி கடலின் முகத்துவாரத்தை அடைத்து விடுவதால் திட்டுபோல் காட்சியளிக்கிறது: சேதுபாவாசத்திரம்[1] அருகே அக்னியாறு முகத்துவாரத்தில் அடிக்கடி மணல் திட்டுகள் உருவாவதால் படகுகளை கடலுக்குள் செலுத்த முடியாமல் மீனவர்கள் தவித்து வருகின்றனர். எனவே மணல் திட்டுகள் ஏற்படாதவாறு நடவடிக்கை எடுக்க வேண்டுமென மாவட்ட நிர்வாகத்துக்கு கோரிக்கை விடுத்துள்ளனர். தஞ்சை மாவட்டம் சேதுபாவாசத்திரம் அருகே கொள்ளுக்காடு ஊராட்சிக்கு உட்பட்ட அந்தோணியார்புரம், அம்பேத்கர் நகர் மற்றும் சின்ன ஆவுடையார் கோயில் பகுதிகளில் 500க்கும் மேற்பட்ட குடும்பங்கள் உள்ளன. இதில் 300க்கும் மேற்பட்ட குடும்பத்தினர் மீன்பிடி தொழிலை மட்டுமே பிரதான தொழிலாக செய்து வருகின்றனர். இந்த பகுதிகளில் இருந்து 80 பைபர் படகுகள் மூலம் மீன்பிடி தொழிலில் மீனவர்கள் ஈடுபட்டு வருகின்றனர். இந்நிலையில் கடந்த சில மாதங்களாக அக்னியாற்றில் இருந்து வரும் நீரோட்டத்தின் காரணமாக அதிகளவில் மணல் தேங்கி கடலின் முகத்துவாரத்தை அடைத்து விடுவதால் திட்டுபோல் காட்சியளிக்கிறது. இதனால் படகுகளை கடலுக்குள் செலுத்தவும், கடலுக்குள் மீன் பிடிக்க சென்று விட்டு மீண்டும் கரை திரும்பும்போது துறைமுக வாய்க்காலுக்கு படகுகளை எடுத்து வருவதிலும் மீனவர்கள் சிரமத்துக்கு ஆளாகி வருகின்றனர்.

கூரை இடிந்துள்ள நியையில் பண்டபம்……

கூரை இடிந்து கீழே விழுந்துள்ள கற்களைப் பார்க்கலாம்..

மணல் திட்டுகளை அகற்ற நடவடிக்கை எடுக்க வேண்டும்: இதனால் மிக குறைந்த நாட்களே அதாவது மாதத்துக்கு 10 நாட்களுக்கு மட்டுமே தொழில் செய்ய வேண்டிய நிலை உள்ளது. வாரத்துக்கு ஒருமுறை உடல் உழைப்போடு அதிகப்படியான தொகை செலவு செய்து மணல் திட்டுகளை மீனவர்களே அகற்றி வருகின்றனர். இதனால் மீன்பிடி தொழில் முற்றிலும் பாதிக்கப்பட்டு இவர்களது வாழ்வாதாரம் கேள்விக்குறியாகி உள்ளது[2]. எனவே மீனவர்களின் வாழ்வாதாரத்தை கருத்தில் கொண்டு மீன் பிடிக்க செல்ல ஏதுவாக மணல் திட்டுகளை அகற்ற நடவடிக்கை எடுக்க வேண்டுமென அரசுக்கு கோரிக்கை விடுத்துள்ளனர்[3]. போலி மதுபான விற்பனை முதலியவையும் இங்கு நடைபெறுவதாகத் தெரிகிறது[4]. சம்பந்தப் பட்ட நபர்கள் அழுத்தம் கொண்டவர்களுடன் தொடர்புடைவர்கள் மற்றும் வித்தியாசமான பெயர்களைக் கொண்டுள்ளனர்[5].

தூண்களுடன் உள்ள இன்னொரு மண்டபம்…….

இக்காலத்தில் வண்ணம் பூசியடாக தெரிகிறது……

சேதுபாவாசத்திரம் மீன்பிடி துறைமுகத்திற்கு ரூ. 10 கோடி நிதி ஒதுக்கீடு[6]: தஞ்சாவூர் மாவட்டம், பேராவூரணி அருகே உள்ள சேதுபாவாசத்திரம் மீன்பிடி துறைமுகத்தில், சட்டமன்ற உறுப்பினர் என்.அசோக்குமார் நேரில் பார்வையிட்டு ஆய்வு செய்தார். பேராவூரணி சட்டமன்ற உறுப்பினர் என்.அசோக்குமார், சட்டமன்றத்தில் விடுத்த கோரிக்கையை ஏற்று, தமிழக முதலமைச்சர் ஸ்டாலின் உத்தரவுப்படி, சேதுபாவாசத்திரம் மீன்பிடி இறங்குதளத்தை மேம்படுத்த ரூ. 10 கோடி நிதியை, மீன்வளத்துறை அமைச்சர் அனிதா ராதாகிருஷ்ணன் ஒதுக்கீடு செய்தார்[7]. உண்மையில் மத்திய அரசின் பிரதான மந்திரி திட்டங்களின் கீழ் நிதி பெற்று அதிலிருந்து கொடுப்பது[8]. பிறகு அருகில் இருக்கும் அந்த கோவிலுக்கு சில லட்சங்கள் கூட ஒதுக்க முடியாதா? கொரோனா காலத்தில் இந்து அறநிலையத் துறை பணத்தில் ஆஸ்பத்திரிகளில் “அன்னதானம்” கொடுக்கப் பட்டது. ஆகவே, இந்த துறைமுகத்தால் யார் பலனடையப் போகின்றனர் என்பதும் கவனிக்கத் தக்கது.

இடிந்து விழுந்துள்ள பாகங்கள்……….அவற்றில் சிற்பங்களைக் காணலாம்……

இடிந்து விழுந்துள்ள பாகங்கள்……….அவற்றில் சிற்பங்களைக் காணலாம்……இதில் மீன்………

இடிந்து விழுந்துள்ள பாகங்கள்……இதில் ஒரு கல்வெட்டு வரிவடிவங்கள் காணப் படுகின்றன…. உடைந்துள்ளதாகத் தெரிகிறது……

யார் கோவில்களைக் காக்கப் போகின்றனர்?: தமிழ்-தமிழ் என்று பேசுகின்றவர்களுக்கு மாணிக்கவாசகர் கட்டிய கோவில் மீது ஏன் கரிசனம் வரவில்லை. அப்படியே உடைந்து விழுந்து மறைந்து விடவேண்டும் என்று தீர்மானித்து விட்டார்களா? உழவாரப் பணி செய்யும் குழுக்களும் அறிக்கைகள் விட்டு மௌனமாக இருப்பதாகத் தெரிகிறது. ஒருவேளை நாளைக்கு கோவில் சிறக்க ஆரம்பித்தால், சுற்றியுள்ளவர்கள் வியாபாரத்திற்காக, கடைகள் வைக்க வந்து விடுவார்கள் போலும். “கோவிலை காப்போம்,” “ஆலயங்களை விடுவிப்போம்” என்றே சமூக ஊடகங்களில் நிறைய பேர், இயக்கங்கள் இருப்பதாக சொல்லிக் கொள்கிறார்கள். சிலர் உண்மையான சேவை செய்தாலும், பலர் திடீரென்று தோன்றி மறைந்து விடுகிறார்கள்! “கோவில் அடிமை நிறுத்து” என்று ஆரம்பிக்கப் பட்டது, இப்பொழுது என்னவாயிற்று என்று தெரியவில்லை, ஒரு சில மாதங்களிலேயே மறைந்து விட்டது.

நாத்திக புற்றுநோயா, ஆத்திக புது நோயா?: தமிழகத்தில் அடிக்கடி இத்தகைய செய்திகள் வந்து கொண்டிருக்கின்றன.  பொதுவாக 60 ஆண்டுகால நாத்திக திகவினர் ஆட்சியினால் தான் இந்நிலை ஏற்பட்டது என்று சொல்லிவந்தாலும், ஏன் “இந்துக்கள்,” என்ற ரீதியில் நம்பிக்கையாளர்கள், பக்தர்கள், சிவனடியார்கள் மற்றவர்கள் இவ்விவகாரங்களில் ஈடுபடவில்லை என்று தெரியவில்லை. லட்சங்களைக் கொட்டி, நிதி வாங்கிக் கொண்டு, கலை ஆராய்ச்சியாளர்கள்,  சிற்பக்கலை வல்லுனர்கள், சித்திரங்கள் ஆய்வு வல்லுனர்கள் என்றெல்லாம் அறிவித்துக் கொண்டு,  புகைப்படங்களைப் பிடித்துச் சென்று, சொற்பொழிவுகள் நடத்தி, பிரபல ஆங்கில நாளிதழ்களில் எழுதி,  ஏன் புத்தகங்களையும் வெளியிட்டு புகழ், பணம் சம்பாதித்துக் கொண்டிருக்கின்றனர். ஆனால்,  சிதிலமடையும் இக்கோவில்களைப் பற்றி அவர்கள் கவலைப்படுவதில்லை. அழகை ரசிக்கிறேன், கலையை ஆராதிக்கிறேன் என்று சொல்லிவிட்டு, அதே அழகு-கலை முதலியன மற்ற கொடுங்கோலர்களால் கற்பழிக்கப்படும் போது, “நமக்கேன் வம்பு” என்று இருந்து விடுகிறார்கள்.  ஆனால், இவ்விவகாரங்களிலும் ஒரு அமைப்பு தென்படுகிறது. அதாவது கோவில்கள் இவ்வா றுகாணமல் போனால்,  சிலைகளை விற்றுப் பிழைத்துக் கொள்கின்றனர்;  குளங்களைத் தூர்த்து நிலங்களைப் பட்டாப் போட்டு விற்று கோடீஸ்வரர்கள் ஆகின்றனர்; கோவில் நிலங்களை தரிசு நிலங்கள் என்று சொல்லி விற்று கொள்ளை அடிக்கின்றனர்.  இதனால், மற்றவர்களும் கண்டு கொள்ளவில்லை, கண்டு கொள்கிறவர்கள் அமுக்கப் படுகின்றனர்.

© வேதபிரகாஷ்

31-12-2021

---

[1]  மன்னார்குடியில் இருந்த அனந்தமௌனி சுவாமிகளின் இரு சீடர்களில் ஒருவரான மேரு சுவாமிகளுக்கு சியாமராசர், சேது சுவாமிகள் ஆகிய இரு சீடர்கள் இருந்தனர். சேது சுவாமிகள் சேதுபாவா சுவாமிகள் என்றும் அழைக்கப்படுகின்றார். தஞ்சையை 1739 முதல் 1763 வரை ஆட்சி செய்த பிரதாப சிம்மன் ஆன்மீகத்தில் நாட்டம் கொண்டு, அங்கிருந்த பீமராஜ சுவாமிகளிடம் சென்று தனக்கு அருளும்படி வேண்டியபோது அவர் தான் உலக வாழ்க்கையில் இருந்து விடுபட முடிவு செய்துள்ளதாகவும், மன்னார்குடியில் இருக்கும் சேதுபாவா சுவாமிகளிடம் சென்று ஆசி பெறவும் கூறினார். அதன்படி மன்னர் சேதுபாவா சுவாமிகளிடம் சென்று ஆசி பெற்று, தன் குருவிற்குத் தஞ்சாவூரின் கீழ ராஜவீதியில், தன் அரண்மனைக்கு எதிரில் ஒரு மடம் கட்டிக்கொடுத்து தங்கச் செய்து, குரு காணிக்கையாக பொன்னும், பொருளும் கொடுத்து கௌரவித்தார். சுவாமிகளின் நினைவாக மன்னார்குடியில் அன்ன சத்திரமும், அரித்ரா நதி என்னும் குளமும், அக்குளத்தின் கரையில் உள்ள கோயிலும், பட்டுக்கோட்டை வட்டத்தில் சேதுபாவா சத்திரம் என்னும் ஊரும், தஞ்சாவூர் பிரதாபவீர அனுமார் (மூலை அனுமார்) கோயிலும் விளங்கி இவரது பெயரையும், புகழையும் இன்றும் நிலைநிறுத்தி வருகின்றன. இவரது சமாதி கும்பகோணம் அருகேயுள்ள குத்தாலத்தில் உள்ளது.

[2] தினகரன், கடலுக்குள் படகுகளை செலுத்த முடியாமல் மீனவர்கள் தவிப்பு, 3/11/2020 5:49:53 AM.

[3] https://www.dinakaran.com/District_Detail.asp?Nid=992895

[4] Consumer Complaints , sale of illegal and duplicate liquor, JeevanR from Attingal, Kerala, Apr 12, 2019.

[5] The person jaisankar s/o nagooran chinna avudayar koil, kollukkadu panjayat, rajamadam po, pattukkottai tk, thanjavur dt, tamilnadu, pin: 624701 who is selling illegal sales of duplicate liquor on 24/7 with local person name edin s/o sourimuthu, andivayal, rajamadam po, pattukottai tk thanjavur dt. Please take severe action and stop this illegal act.The person Edin is supporting this illegal act and he is doing lot of illegal act by giving brief to local administration and He has earned lot of assets regardless of his legal income and he never have legal income. Due to his local influence he is threatening to public peoples. Then number of people died since having this duplicate liquor Illegal Trade Of Duplicate Alcohol…— sale of illegal and duplicate liquor, JeevanR from Attingal, Kerala, Apr 12, 2019.

https://www.consumercomplaints.in/illegal-trade-of-duplicate-alcohol-sale-of-illegal-and-duplicate-liquor-c2298287

[6] தினமணி, சேதுபாவாசத்திரம் மீன்பிடி இறங்குதளம் ரூ 10 கோடியில் மேம்பாடு அமைச்சா் அறிவிப்புக்குமீனவா்கள் மகிழ்ச்சி, By DIN  |   Published on : 29th August 2021 01:53 AM.

[7] https://www.dinamani.com/all-editions/edition-trichy/tanjore/2021/aug/29/sethupavasathiram-fishing-landing-site-at-rs-10-crore-3689094.html

[8]துறைமுகம், மீந்துறை பற்றி வெட்டுவேன், புரட்டுவேன் போன்று கொடுக்கப் பட்டுள்ள விவரங்களை, இங்கே படிக்கலாம். கடந்த 50 ஆண்டுகளாக சொல்லி வருகின்றனர், ஆனால், பிரச்சினைகள் தீரவில்லை.

Click to access fisheries_t_0.pdf

கொள்ளுக்காடு சிறப்பு மிகுந்த சின்ன ஆவுடையார் கோவில் கோவில் சிதிலமடைந்து விழும் நிலையில் விடப் பட்டது ஏன்? (1)

கொள்ளுக்காடு சிறப்பு மிகுந்த சின்ன ஆவுடையார் கோவில் கோவில் சிதிலமடைந்து விழும் நிலையில் விடப் பட்டது ஏன்? (1)

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

சரித்திரத் தன்மை கொண்ட கோவில் சிதிலமடைந்து விழும் நிலையில் விடப் பட்டது ஏன்?: சின்ன ஆவுடையார் கோவில், கொள்ளுக்காடு பற்றி மூன்று ஆண்டுகளுக்கு 2018 ஜூன் -முன்னர் தினத்தந்தி, பிறகு மாலைமலரில் செய்தி வந்தது….மறுபடியும் இப்பொழுது, சமூக ஊடகங்களில் பழைய புகைப் படங்களை பரப்பி / ஷேர் செய்து வருகின்றனர். 2021 -2022 காலகட்டத்திலும் இப்படி இருப்பது  இந்து விரோதத் தனத்தைத் தான் காட்டுகிறது…… ஏற்கெனவே உள்ளதை மறுபடி-மறுபடிபோட்டு வருகின்றனர், ஆனால், அக்கோவில் அவ்வாறு ஏன் சிதிலமடைந்து இருக்க வேண்டும், ஏன் அவ்வாறு சரித்திரத் தொன்மை வாய்ந்த கோவில் பல பகுதிகள், சிற்பங்கள் காணாமல், மரம்-செடி-கொடிகள் வளர்ந்து, இன்னும் இடிந்து விழுந்து மறைந்து விடும் நிலையில் விடப் பட்டுள்ளது என்று விளக்கக் காணோம். அவ்வாறு வீடுவிடுவதால் சாதகமா-பாதகமா, யாருக்காவது பலனா, லாபமா, நஷ்டமா என்று கூட சொல்வதில்லை. ஆனால், இதன் பின்னே, விசயங்கள், விவகாரங்கள் இருப்பது தெரிகிறது. ஒரு நாள் தேடலில் கிடைத்த விவரங்களை வைத்து, இதனை எழுதுகிறேன்.

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

“ஹிந்து மஹா சாகரம்,” “இந்துப் பெருங்கடல்,” என்ப்பட்டது, இன்று “இந்தியப் பெருங்கடல்,” ஆகிவிட்டது நிலை: கடற்கரைப் பகுதிகள் முதலியவை சோழர்கள் காலத்து கடல் கடந்த பிரயாணம், கடற்படை, துறைமுகம், கப்பல் கட்டும் தொழில் முதலியவற்றை எடுத்துக் காடுகிறது. உண்மையில் மாணிக்கவாசகர் குதிரைகள் வாங்க இப்பகுதிகளுக்கு வந்தது, அத்தகைய கடல் கடந்த வணிகம் முதலியவற்றை எடுத்துக் காட்டுகிறது. இப்பொழுது திரிபு விளக்கம் கொடுப்பது போன்று, குதிரைகளை கொண்டு வந்து விற்றவர்கள் எல்லோரும் அரேபியர், துலுக்கர், முஸ்லிம்கள் கிடையாது. ஒரு நாட்டில் பொருட்கள் தேவை என்றால் அவற்றை எடுத்துச் சென்று விற்பது, இந்தியர்களின் வழக்கமாக இருந்தது. இந்தியர்களின் கடல் ஆதிக்கத்தால் தான், “ஹிந்து மஹா சாகரம்,” “இந்துப் பெருங்கடல்,” என்ப்பட்டது, இன்று “இந்தியப் பெருங்கடல்,” ஆகிவிட்டது. இன்று அக்கடலுக்கு “இந்தியப்” பெயரை வைக்க முடியாது. ஆனால், பல்லாண்டுகளாக அழைக்கப் பட்டது என்றால், அக்கடலில் இந்துக்களின் / இந்தியர்களின் கலாச்சார, பொருளாதார, வணிக, வியாபார ஆதிக்கம் இருந்தது. அதனால் தான், பாரசீகர், கிரேக்கர், ரோமர், அரேபியர், துருக்கர், சீனர், ஐரோப்பியர் என்று எல்லோரும் இங்கு வர விரும்பினர். வியாபாரம் செய்ய ஆசைப்பட்டனர்.

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

சின்ன ஆவுடையார் கோவில், கொள்ளுக்காடு இருப்பிடம்: தஞ்சாவூர் மாவட்டம் பட்டுக்கோட்டை-மல்லிப்பட்டினம் கிழக்கு கடற்கரை சாலையில் பட்டுக்கோட்டையில் இருந்து 19 கிலோமீட்டர் தொலைவிலும், அதிராம்பட்டினத்தில் இருந்து 10 கிலோமீட்டர் தூரத்திலும் கொள்ளுக்காடு உள்ளது. வடக்கில் கும்பகோணம், தெற்கில் ராமேஸ்வரம், கிழக்கில் கடல் மற்றும் இலங்கை, மேற்கில் மதுரை என்றுள்ளது. கடற்கரைக்கு அருகில் உள்ளதால் உப்பளங்கள் அதிகமாக உள்ளன. கொள்ளுக்காடு (Kollukkadu) இந்தியா, தமிழ்நாடு, தஞ்சாவூர் மாவட்டத்தில், பட்டுக்கோட்டை வட்டத்தில் உள்ள கிராமமாகும்.2001 ஆம் ஆண்டு மக்கள் தொகை கணக்கெடுப்பின்படி, மொத்த மக்கள் தொகை- 1804 பேர் உள்ளனர். இதில் ஆண்கள்- 920 மற்றும் பெண்கள்- 884. பாலின விகிதம்  961 ஆக உள்ளது. கல்வியறிவு விகிதம் 72.88 உள்ளது என்று விகிபீடியா நிறுத்திக் கொள்கிறது.

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

ஒரு நேர பூஜை கூட இல்லாமல் இருக்கும் ஆத்மநாதசுவாமி சிவன் கோவில்: மாணிக்கவாசகருக்கு சிவபெருமான் திருவடி தீட்சை அளித்து ஆட்கொண்டு திருவாசகம் பிறக்க காரணமாக இருந்த இடம் ஆவுடையார் கோவில் எனப்படும் திருப்பெருந்துறை..  அந்த திருநாமத்திலேயே, தஞ்சாவூர் மாவட்டம், பட்டுக்கோட்டை வட்டம், அதிராமபட்டினம்-மணமேல்குடி கிழக்கு கடற்கரை சாலையில் (ECR) அமைந்துள்ளது சின்ன ஆவுடையார் கோவில் (கொள்ளுக்காடு) எனும் கிராமம்… பட்டுக்கோட்டையில் இருந்து 15 கிலோமீட்டர் தொலைவில் இத்தலம் அமைந்துள்ளது.. திருப்பெருந்துறையில் யோகாம்பாள் உடனுறை ஆத்மநாதசுவாமி எனும் திரு நாமத்தில் அருள்பாலிக்கும் சிவபெருமான், அதே திருநாமத்தில் இங்கும் எழுந்தருளியுள்ளார்.. ஆலயம் மிகவும் சிதிலமடைந்து இடிந்து கீழே, விழும் நிலையில் உள்ளது[1]. ஆத்மநாதசுவாமியோ வெளியில் ஒரு கொட்டகையில், ஒரு நேர பூஜை கூட இல்லாமல், தன்னிடம் திருவடி தீட்சை வாங்குவதற்கு மாணிக்கவாசகர் போல வேறு யாரும் வர மாட்டாரா என ஏங்கிக் கொண்டிருக்கின்றார்……[2]

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

மாணிக்கவாசகர் கட்டிய கோவில்: மதுரையை ஆண்ட அரிமர்த்தன பாண்டியனிடம் முதன்மை அமைச்சராக இருந்தவர் வாதவூரர். இவர் மன்னனின் ஆணைப்படி குதிரை வாங்குவதற்காக பொற்காசுகளுடன் புறப்பட்டார். அப்படிச் சென்ற அவரை, வழியில் குருந்த மரத்தின் கீழ் அமர்ந்து குரு வடிவிலான இறைவன் ஆட்கொண்டு மாணிக்கவாசகர் ஆக்கிய தலம் திருப்பெருந்துறை. இது புதுக்கோட்டை மாவட்டத்தில் உள்ளது. இந்த ஆலயம் ஆவுடையார் கோவில் என்றும், இத்தல இறைவன் ஆத்மநாதசுவாமி என்றும் அழைக்கப்படுகிறார். தன்னிடம் இருந்த பொற்காசுகளைக் கொண்டு, மாணிக்கவாசகரே எழுப்பிய ஆலயம் இது[3]. குதிரை வாங்கச் சென்ற வாதவூரர் என்னும் மாணிக்கவாசகர், காலம் கடந்தும் மதுரை திரும்பாததால் ஆத்திரமடைந்த அரிமர்த்தன பாண்டியன், தனது தள பதியை அனுப்பி பார்த்து வரச் சொன்னான். மன்னன் ஆள் அனுப்பியதை அறிந்த மாணிக்கவாசகர், ‘குதிரை வாங்க கொடுத்த பணம் கோவில் கட்ட செலவாகி விட்டதே. இப்போது என்ன செய்வது’ என்று நினைத்தவர் இறைவனிடம் தன்னுடைய நிலையை சொல்லி இறைஞ்சினார்[4].

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

 இடிந்த நிலையிலும், இடிபாடுகளில் இருக்கும் மீதிகள்: இதையடுத்து இறைவன் ஒரு ஆவணி மூல நட்சத்திர நாளில் நரிகள் அனைத்தையும் பரி (குதிரை)களாக்கினார். அந்த இடம் இன்றும் நரிக்குடி என்று வழங்கப்படுகிறது. நரிகளாக மாறிய பரிகளுக்கு மாணிக்கவாசகர் கொள்ளு வாங்கிக் கொடுத்த இடம் ‘கொள்ளுக்காடு’ என்று அழைக்கப்படுகிறது. இங்கு தான் திருப்பெருந்துறை பெரிய ஆவுடையார் கோவில் போன்று, சிறிய ஆவுடையார் கோவில் அமைந்திருக்கிறது. திருப்பெருந்துறையைப் போலவே இத்தல இறைவனின் பெயரும் ஆத்மநாதர் தான். இறைவியின் திருநாமமும், யோகாம்பாள் என்பதே ஆகும். கொள்ளுக்காடு தலத்தில் ஆத்மநாதர் சுயம்புலிங்கமாக காட்சியளிக்கிறார். ஆலயத்தில் கர்ப்பக்கிரகம், அர்த்த மண்டபம், முன் மண்டபம் ஆகியவை உள்ளன. கருவறையின் தென்புறம் விநாயகர், வட புறம் வள்ளி-தெய்வானையுடன் சுப்பிர மணியரும் அருள்பாலிக்கின்றனர். முன் மண்டபத்தில் வடதுபுறமாக தென்முகம் நோக்கி யோகாம்பாளுக்கு தனிச் சன்னிதி அமைந்துள்ளது. திருக்கோவில் தெற்கு பிரகாரத்தில் தென்முகமாக யோக தட்சிணாமூர்த்தி அமர்ந்துள்ளார்.

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

பல ஆண்டுகளாகியும் இன்னும் கும்பாபிஷேகம் நடைபெறாமல் இருக்கிறது: வடக்கு பிரகாரத்தில் குருந்தமரமும், அதன் கீழே மாணிக்கவாசகர் உபதேசம் பெறும் காட்சியும் அற்புதமாக அமைக்கப்பட்டுள்ளது. திருக்கோவிலின் எதிர் புறம் தீர்த்தக்குளம் உள்ளது. இங்கு கார்த்திகை சோமவார விழா சிறப்பாக நடைபெறும். இந்த ஆலயம் தற்போது வேதாரண்யம் வேதாரண்யேஸ்வரர் தேவஸ்தான கட்டுப்பாட்டில் உள்ளது. இக்கோலுக்கு, வேதங்கள் பூஜை செய்து மூடி கிடந்த கதவை அப்பரும், சம்பந்தரும் தேவார பதிகங்கள் பாடி திறந்ததாக வரலாறு உள்ளது. 12 ஆண்டுகளுக்கு ஒரு முறை ஆலயங்களுக்கு கும்பாபிஷேகம் நடைபெற வேண்டும் என்பது ஆகமவிதி. ஆனால் பல இடங்கள் சேதமடைந்து காணப்படும் இந்த ஆலயத்தில் பல ஆண்டுகளாகியும் இன்னும் கும்பாபிஷேகம் நடைபெறாமல் இருக்கிறது. பிறகு, இவ்வூரில் இந்துக்கள் இல்லையா போன்ற கேள்விகளும் எழுகின்றது. ஆனால், மீனவர்கள் மீன் பிடிக்க முடியவில்லை போன்ற செய்திகள் வந்துள்ளன.

© வேதபிரகாஷ்

31-12-2021

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.

---

[1] மாலைமலர், சிறப்பு மிகுந்த சின்ன ஆவுடையார் கோவில், பதிவு: ஜூன் 26, 2018 10:36 IST.

[2] https://www.maalaimalar.com/devotional/devotionaltopnews/2018/06/26103658/1172675/chinna-avudayar-temple.vpf

[3] தினத்தந்தி, சிறப்பு மிகுந்த சின்ன ஆவுடையார் கோவில் , – ஞான தங்கபாரதி, பட்டுக்கோட்டை , பதிவு: மே 23,  2018 11:09 AM

[4] https://www.dailythanthi.com/Others/Devotional/2018/05/23110945/Special-Utmost-Chinna-Avudaiyar-Temple.vpf

இந்த புகைப் படங்கள் எல்லாம் இணைதாங்களிலிருந்து எடுத்து உபயோகப் படுத்தப் படுள்ளன.